Viral Video- ‘ಗ್ಲಾಸ್ ಆಕ್ಟೋಪಸ್’ನ ಈ ವಿಡಿಯೊ ನೋಡಿ ನೀವು ಬೆರಗಾಗುವುದು ಖಂಡಿತ!

ಗ್ಲಾಸ್ ಆಕ್ಟೋಪಸ್ ಬಗ್ಗೆ ನೀವು ಯಾವಾಗಲಾದರೂ ಕೇಳಿದ್ದೀರಾ? ಇದೊಂದು ವಿಶಿಷ್ಟ ರೀತಿಯ ಆಕ್ಟೋಪಸ್. ಪ್ರಪಂಚದಲ್ಲಿ ವಿಶಾಲವಾದ ಮತ್ತು ನಿಗೂಢವಾದ ಜೀವಿಗಳೆಂದರೆ ಜಲಚರಗಳು. ಈ ಜೀವಿಗಳ ವೈಶಿಷ್ಟ್ಯಪೂರ್ಣ ರಚನೆಯಿಂದಾಗಿ ಅವುಗಳು ನೀರಿನ ಹೊರತಾದ ಬೇರೆ ಪ್ರಪಂಚವನ್ನು ಕಾಣುವುದೇ ಇಲ್ಲ! ಇಂತಹ ಒಂದು ಅದ್ಭುತ ಜೀವಿ ಈ ಗ್ಲಾಸ್ ಆಕ್ಟೋಪಸ್. ಈ ರೀತಿಯ ಆಕ್ಟೋಪಸ್​ಗಳು ಪಾರದರ್ಶಕವಾಗಿರುವುದರಿಂದ ಅವುಗಳನ್ನು ಗ್ಲಾಸ್ ಆಕ್ಟೋಪಸ್ ಎನ್ನಲಾಗುತ್ತದೆ. ಸಾಗರದಲ್ಲಿ  ಚಲಿಸುತ್ತಿರುವ ಈ ಮಾದರಿಯ ಪಾರದರ್ಶಕ ಆಕ್ಟೋಪಸ್ ಒಂದರ ವಿಡಿಯೋ ಸಕ್ಕತ್ ವೈರಲ್ ಆಗಿದೆ ಮತ್ತು ನೆಟ್ಟಿಗರನ್ನು ಮಂತ್ರಮುಗ್ಧಗೊಳಿಸುತ್ತಿದೆ.

ಸಂಶೋಧಕರ ಗುಂಪೊಂದು ಸೆರೆಹಿಡಿದ ಗಾಜಿನ ಆಕ್ಟೋಪಸ್‌ನ ವಿಡಿಯೊದಿಂದ ಇಂಟರ್‌ನೆಟ್‌ ಅಚ್ಚರಿಗೊಂಡಿದೆ. ಒಂದು ಪಾರದರ್ಶಕ ಆಕ್ಟೋಪಸ್​ನ ವಿಡಿಯೊವನ್ನು ಸ್ಮಿತ್ ಓಷನ್ ಇನ್ಸ್ಟಿಟ್ಯೂಟ್ನ ಇನ್ಸ್ಟಾಗ್ರಾಮ್ ಹ್ಯಾಂಡಲ್ ಹಂಚಿಕೊಂಡಿದೆ. ಸಾಗರದಲ್ಲಿ  ಚಲಿಸುತ್ತಿರುವ ಆಕ್ಟೋಪಸ್ ಒಂದರ ವಿಡಿಯೊ ಇದಾಗಿದೆ. ಈ ಪ್ರಾಣಿ ಬಗ್ಗೆ ಮಾಹಿತಿ ಹಂಚಿಕೊಳ್ಳುತ್ತಿದ್ದೇವೆ, ಎಂಬ ಶೀರ್ಷಿಕೆಯಲ್ಲಿ ವಿಡಿಯೊ ಹಂಚಿಕೊಳ್ಳಲಾಗಿದೆ.

“ಗ್ಲಾಸ್ ಆಕ್ಟೋಪಸ್ ಉಷ್ಣವಲಯದ ಮತ್ತು ಉಪ ಉಷ್ಣವಲಯದ ಅಕ್ಷಾಂಶಗಳಲ್ಲಿ ವಿಶ್ವಾದ್ಯಂತ ಕಂಡುಬರುವ ಆಕ್ಟೋಪಸ್‌ನ ಬಹುತೇಕ ಪಾರದರ್ಶಕ ಪೆಲಾಜಿಕ್ ಪ್ರಭೇದವಾಗಿದೆ. ಆಕ್ಟೋಪಸ್​ನ ಏಕೈಕ ಗೋಚರ ಲಕ್ಷಣಗಳು ಅದರ ಆಪ್ಟಿಕ್ ನರ, ಕಣ್ಣುಗುಡ್ಡೆಗಳು ಮತ್ತು ಜೀರ್ಣಾಂಗವ್ಯೂಹ (ಮಧ್ಯದಲ್ಲಿ ಬೆಳ್ಳಿಯ ತುಂಡು). ಈ ಎಲ್ಲಾ ಅಂಗಗಳು ಕೆಳಗಿನಿಂದ ಎರಕದ ನೆರಳುಗಳನ್ನು ಕಡಿಮೆ ಮಾಡಲು, ಪ್ರಾಣಿಗಳನ್ನು ಪರಭಕ್ಷಕಗಳಿಂದ ಮರೆಮಾಡಲು ಆಧಾರಿತವಾಗಿವೆ. ”

ಸ್ಮಿತ್ ಓಷನ್ ಇನ್ಸ್ಟಿಟ್ಯೂಟ್ನ ಸಹ-ಸಂಸ್ಥಾಪಕಿ ವೆಂಡಿ ಸ್ಮಿತ್​ರವರು, “ಸಾಗರವು ಅದ್ಭುತಗಳನ್ನು ಮತ್ತು ನಾವು ಊಹಿಸದ ಸೃಷ್ಟಿಗಳನ್ನು ಹೊಂದಿದೆ” ಎಂದು ಅವರು ಹೇಳಿದ್ದಾರೆ.

“ಈ ಆಳ ಸಮುದ್ರದ ಸಮುದಾಯಗಳನ್ನು ನೋಡುವುದರಿಂದ ಜೀವಿಗಳು ಸಮುದ್ರ ತೀರಗಳಲ್ಲಿ ಹೇಗೆ ವಾಸಿಸುತ್ತವೆ ಮತ್ತು ಸಂವಹನ ನಡೆಸುತ್ತವೆ ಮತ್ತು ಆಳವಾದ ಸಾಗರದಲ್ಲಿ ಅವು ಜೀವನದ ವೈವಿಧ್ಯತೆಯನ್ನು ಹೇಗೆ ಕಾಪಾಡಿಕೊಳ್ಳುತ್ತವೆ ಎಂಬುದರ ಕುರಿತು ನಾವು ಯೋಚಿಸುವ ವಿಧಾನವನ್ನು ಬದಲಾಯಿಸಿದೆ” ಎಂದು ವುಡ್ಸ್ ಹೋಯಿ ಓಷನೊಗ್ರಾಫಿಕ್ ಸಂಸ್ಥೆಯ ಜೀವಶಾಸ್ತ್ರಜ್ಞ ಡಾ. ಟಿಮ್ ಶ್ಯಾಂಕ್ ಹೇಳಿದರು. ಈ ವಿಡಿಯೊ ವೈರಲ್ ಆಗಿ ಸಾವಿರಾರು ಜನರ ಗಮನ ಸೆಳೆದಿದೆ.

ಆ ವಿಡಿಯೊ ಇಲ್ಲಿದೆ:

ಇದನ್ನೂ ನೋಡಿ: Viral Video: ಅಚ್ಚರಿಯಾದರೂ ಸತ್ಯ; ವಕೀಲನ ಮೇಲೆ ದಾಳಿ ಮಾಡಿದ 2 ನಾಯಿಗಳಿಗೆ ಮರಣದಂಡನೆ ಶಿಕ್ಷೆ!

ಇದನ್ನೂ ನೋಡಿ: Viral Video: ನವಿಲಿನಂತೆ ಗರಿಬಿಚ್ಚಿ ಕುಣಿದ ಪಾರಿವಾಳ! ಹೀಗೂ ಇರುತ್ತಾ ಎಂದ ನೆಟ್ಟಿಗರು; ವಿಡಿಯೋ ನೋಡಿ

(Glass Octopus video viral and gets netizens attention in instagram)