Viral Video: ತನ್ನೊಂದಿಗಿದ್ದ ಶ್ವಾನಗಳೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡ ಯುವಕ : ವಿಡಿಯೋ ವೈರಲ್
ಸದಾ ಕಾಲ ತನ್ನೊಂದಿಗೆ ಎರಡೂ ನಾಯಿಗಳನ್ನು ಕರೆದುಕೊಂಡೇ ಓಡಾಡುವ ಚೊಕೋ ಅವುಗಳೊಂದಿಗೆ ತನ್ನ ವಿಶೇಷ ದಿನವನ್ನು ಆಚರಿಸಿಕೊಂಡಿದ್ದಾನೆ.
ಆಗಾಗ ಕಾಣಿಸಿಕೊಳ್ಳುವ ಹೃದಯಸ್ಪರ್ಶಿ ವಿಡಿಯೋಗಳು ಮಾನವ ಮತ್ತು ಪ್ರಾಣಿಗಳ ನಡುವಿನ ಬಾಂದವ್ಯವನ್ನು ವಿವರಿಸುತ್ತದೆ. ಅದರಲ್ಲೂ ನಾಯಿ ಮತ್ತು ಮನುಷ್ಯನ ನಡುವಿನ ಸಂಬಂಧ ಪದಗಳಿಗೆ ನಿಲುಕದ್ದು. ತನಗೆ ಅನ್ನ ಹಾಕಿದ ವ್ಯಕ್ತಿಗೆ ನಿಯತ್ತಿನಿಂದ ಪ್ರೀತಿ ತೋರಿಸುವ ನಾಯಿಗಳು ಒಡೆಯನಿಗೆ ಕಷ್ಟ ಬಂದಾಗ ಎಂದಿಗೂ ದೂರ ಓಡುವುದಿಲ್ಲ. ಇಲ್ಲೊಂದು ನಾಯಿ ಮತ್ತು ನಿರ್ಗತಿಕ ವ್ಯಕ್ತಿಯ ವಿಡಿಯೋ ಸಾಮಾಜಿಕ ಜಾಲತಾಣಲ್ಲಿ ವೈರಲ್ ಆಗಿದೆ. ಮನೆಯಿಲ್ಲದೆ ನಿರ್ಗತಿಕ ವ್ಯಕ್ತಿಯೊಬ್ಬ ತನ್ನೊಂದಿಗಿರುವ ಎರಡು ನಾಯಿಗಳ ಜತೆ ರಸ್ತೆ ಬದಿಯಲ್ಲಿ ಕೇಕ್ ಕತ್ತರಿಸಿ ಹುಟ್ಟುಹಬ್ಬ ಆಚರಿಸಿಕೊಳ್ಳುವ ವಿಡಿಯೋ ಸಖತ್ ವೈರಲ್ ಆಗಿದೆ.
ವಿಡಿಯೋದಲ್ಲಿ ಚೊಕೊ ಎನ್ನುವ ವ್ಯಕ್ತಿ ರಸ್ತೆ ಬದಿಯಲ್ಲಿ ಕೇಕ್ ಇಟ್ಟುಕೊಂಡು ಕ್ಯಾಂಡಲ್ ಹೊತ್ತಿಸಿರುವುದನ್ನು ಕಾಣಬಹುದು ಜತೆಗೆರುವ ಎರಡು ನಾಯಿಗಳ ತಲೆಯ ಮೇಲೆ ಬರ್ತಡೇ ಹಾಟ್ ಹಾಕಿ ತನ್ನ ಪಕ್ಕದಲ್ಲಿ ಕೂರಿಸಿಕೊಂಡು ಬರ್ತಡೇ ಹಾಡನ್ನು ಹೇಳುವುದನ್ನು ಕಾಣಬಹುದು. ಸದಾ ಕಾಲ ತನ್ನೊಂದಿಗೆ ಎರಡೂ ನಾಯಿಗಳನ್ನು ಕರೆದುಕೊಂಡೇ ಓಡಾಡುವ ಚೊಕೋ ಅವುಗಳೊಂದಿಗೆ ತನ್ನ ವಿಶೇಷ ದಿನವನ್ನು ಆಚರಿಸಿಕೊಂಡಿದ್ದಾನೆ. ಈ ಘಟನೆ ಕೋಲಂಬಿಯಾದಲ್ಲಿ ನಡೆದಿದೆ.
@roteloperiodismo ಎನ್ನುವ ಇನ್ಸ್ಟಾಗ್ರಾಮ್ ಬಳಕೆದಾರರೊಬ್ಬರು ವಿಡಿಯೋ ಹಂಚಿಕೊಂಡಿದ್ದು, 5 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆದಿದೆ. 3 ನಿಮಿಷಗಳ ಈ ವಿಡಿಯೋಕ್ಕೆ ಹಲವರು ಕಾಮೆಂಟ್ ಮಾಡಿದ್ದು. ಚೊಕೊ ಮತ್ತು ಶ್ವಾನಗಳ ನಡುವಿನ ವಿಶೇಷ ಸಂಬಂಧವನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಈ ಹಿಂದೆ ಸುಧಾ ಮೂರ್ತಿಯವರು ತಾವು ಸಾಕಿದ ಗೋಪಿ ಎನ್ನುವ ಶ್ವಾನಕ್ಕೆ ಆರತಿ ಬೆಳಗಿ, ಹಾಡು ಹೇಳಿ ಬರ್ತಡೇ ಆಚರಿಸಿದ್ದರು. ಅದರ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು.
ಇದನ್ನೂ ಓದಿ:
Viral Video: ಹದಗೆಟ್ಟ ಊರಿನ ರಸ್ತೆಯ ಬಗ್ಗೆ ವಿವರಿಸಲು ರಿಪೋರ್ಟರ್ ಆದ ಬಾಲಕಿ