ಒಂದಲ್ಲ ಎರಡಲ್ಲ ಬರೋಬ್ಬರಿ 96 ಚಮಚಗಳನ್ನು ದೇಹದ ಮೇಲೆ ಬೀಳದಂತೆ ಬ್ಯಾಲೆನ್ಸ್​ ಮಾಡಿ, ಹಳೆಯ ರೆಕಾರ್ಡ್ ಬ್ರೇಕ್ ಮಾಡಿದ ವ್ಯಕ್ತಿ

ಇರಾನ್, ಮೇ 23 : ಈ ಜಗತ್ತಿನಲ್ಲಿರುವ ಅಸಾಮಾನ್ಯ ಪ್ರತಿಭೆಗಳನ್ನು ಕಂಡಾಗ ಅಚ್ಚರಿಯಾಗುತ್ತದೆ. ಅದರಲ್ಲಿಯೂ ಕೆಲವರು ತಮ್ಮ ಪ್ರತಿಭೆಯ ಮೂಲಕ ಗಿನ್ನೆಸ್ ವಿಶ್ವ ದಾಖಲೆ (Guinness world records) ಪಟ್ಟಿಗೆ ಸೇರುತ್ತಾರೆ. ಇನ್ನು ಕೆಲವು ಜನರು ಈ ವಿಶ್ವ ದಾಖಲೆಯನ್ನು ಬರೆಯಲು ಊಹೆ ಕೂಡ ಮಾಡದ ಸಾಹಸಕ್ಕೆ ಕೈ ಹಾಕುವುದನ್ನು ನೋಡಿರಬಹುದು. ಕೆಲವರ ಈ ಸಾಹಸವನ್ನು ನೋಡಿದರೆ ಶಾಕ್ ಆಗುತ್ತದೆ. ಇದೀಗ ಇರಾನಿ (Iran) ನ ಅಬೋಲ್ಫಜಲ್ ಸಾಬರ್ ಮೊಖ್ತಾರಿ (Abolfazl Saber Mokhtari) ಎನ್ನುವ ವ್ಯಕ್ತಿಯೂ 96 ಚಮಚಗಳನ್ನು ತನ್ನ ದೇಹದ ಮೇಲೆ ಸಮತೋಲನಗೊಳಿಸುವ ಮೂಲಕ ತನ್ನ ಹಿಂದಿನ ಎಲ್ಲಾ ಗಿನ್ನೆಸ್ ವಿಶ್ವ ದಾಖಲೆಯನ್ನು ಮುರಿಯುವ ಮೂಲಕ ಸುದ್ದಿಯಾಗಿದ್ದಾರೆ.

ಹೌದು, ಇರಾನಿನ ಅಬೋಲ್ಫಜಲ್  ಸಾಬರ್  ಮೊಖ್ತಾರಿ ಅವರ ಸಾಧನೆ ಸಾಮಾನ್ಯವಾದುದ್ದಲ್ಲ. ಅಬೋಲ್ಫಜಲ್ ಸಬರ್ ಮೊಖ್ತಾರಿ ಏಕಕಾಲದಲ್ಲಿ ತನ್ನ ದೇಹದ ಮೇಲೆ ಗರಿಷ್ಠ ಸಂಖ್ಯೆಯ ಚಮಚಗಳನ್ನು ಸಮತೋಲನಗೊಳಿಸುವ ಮೂಲಕ ತನ್ನ ಹಿಂದಿನ ವಿಶ್ವ ದಾಖಲೆಗಳ್ಳೆಲ್ಲವನ್ನು ಬ್ರೇಕ್ ಮಾಡಿ ಮೂರನೇ ಬಾರಿಗೆ ವಿಶ್ವ ದಾಖಲೆ ಬರೆದಿದ್ದಾರೆ.

ಇದನ್ನೂ ಓದಿ

ಗುಜರಾತ್​ನ ದಾಹೋದ್​ನಲ್ಲಿ 32 ವರ್ಷಗಳ ಬಳಿಕ ಹುಲಿ ಪ್ರತ್ಯಕ್ಷ

ಸೆಕೆ ಎಂದು ಎಟಿಎಂ ಎಸಿಗೆ ಬಂದು ಕುಳಿತ ಕುಟುಂಬ

ಬೈಕ್ ಓಡಿಸುತ್ತಿರುವಾಗಲೇ ಹಿಂಬದಿ ಕುಳಿತ ಪತ್ನಿಯಿಂದ ಪತಿಗ ಬಿತ್ತು ಒದೆ

ರಾಂಗ್ ರೂಟ್​​​ನಲ್ಲಿ ಬಂದು ಬೈಕ್​​​ಗೆ ಡಿಕ್ಕಿ ಹೊಡೆದ ಕಾರು

ಇದನ್ನೂ ಓದಿ :ಬಾಲಿವುಡ್ ನಟಿ ತಮನ್ನಾ ಕನ್ನಡದವ್ರು, ಪೂರ್ವಜರ ಮೂಲ ಕನ್ನಡದ ನೆಲ : ಇದು ನಿಜಾನಾ?

Guinnessworldrecords ಹೆಸರಿನ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಳ್ಳಲಾಗಿದ್ದು, ಈ ವಿಡಿಯೋಗೆ ಅಬೋಲ್ಫಜಲ್ ಸಾಬರ್ ಮೊಖ್ತಾರಿ ಅವರು ದೇಹದ ಮೇಲೆ 96 ಚಮಚಗಳನ್ನು ಇಟ್ಟುಕೊಂಡು ಬೀಳದಂತೆ ಸಮತೋಲನ ಕಾಯ್ದುಕೊಂಡಿದ್ದಾರೆ ಎಂದು ಬರೆಯಲಾಗಿದೆ. ಈ ವಿಡಿಯೋದಲ್ಲಿ ಅಬೋಲ್ಫಜಲ್ ಸಬರ್ ಮೊಖ್ತಾರಿ ನಿಂತಿರುವುದನ್ನು ನೋಡಬಹುದು. ಮಹಿಳೆಯೊಬ್ಬರು ಮೊಖ್ತಾರಿ ಅವರ ದೇಹದ  ಮೇಲೆ ಚಮಚಗಳನ್ನು ಜೋಡಿಸುವುದನ್ನು ಕಾಣಬಹುದು. ಸರಿಸುಮಾರು 96 ಚಮಚಗಳನ್ನು ದೇಹದ ಮೇಲೆ ಜೋಡಿಸಲಾಗಿದ್ದು ಇದು ಅವರ ದೇಹಕ್ಕೆ ಅಂಟಿಕೊಂಡಿರುವುದನ್ನು ಕಾಣಬಹುದು.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

View this post on Instagram

A post shared by Guinness World Records (@guinnessworldrecords)

ಈ ವಿಡಿಯೋವೊಂದು ಈಗಾಗಲೇ ಹದಿನೈದು ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು, ಬಳಕೆದಾರರೊಬ್ಬರು ಇವನ ದೇಹದಲ್ಲಿ ಆಯಸ್ಕಾಂತೀಯ ಗುಣವಿದೆ ಎಂದಿದ್ದಾರೆ. ಮತ್ತೊಬ್ಬರು, ಈ ರೀತಿ ಗಿನ್ನಿಸ್ ರೆಕಾರ್ಡ್ ಮಾಡಬಹುದು ಎನ್ನುವ ಯೋಚನೆ ವ್ಯಕ್ತಿಗೆ ಹೇಗೆ ಬರುತ್ತದೆ ಎಂದು ಪ್ರಶ್ನೆ ಕೇಳಿದ್ದಾರೆ. ಇನ್ನೊಬ್ಬ ವ್ಯಕ್ತಿ ಇವನು ರಿಯಲ್ ಇರಾನ್ ಮ್ಯಾನ್ ಎಂದಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 2:47 pm, Fri, 23 May 25