Viral News: ಇದು ವಿಶ್ವದ ಅತ್ಯಂತ ದುಬಾರಿ ಐಸ್ ಕ್ರೀಮ್; ಬೆಲೆ ರೂ.5.5 ಲಕ್ಷ!

ವಿಶ್ವದ ಅತಿ ದುಬಾರಿ ಐಸ್ ಕ್ರೀಮ್ (World’s Most Expensive Ice Cream) ಬೆಲೆ ಎಷ್ಟು ಎಂದು ಊಹಿಸುವಿರಾ? ಜಪಾನಿನ (Japan) ಬ್ರ್ಯಾಂಡ್ ಸೆಲಾಟೊ (Cellato) ಅವರು ವಿಶ್ವದ ಅತ್ಯಂತ ದುಬಾರಿ ಐಸ್ ಕ್ರೀಂನ ಸೃಷ್ಟಿಯೊಂದಿಗೆ ನಿಮ್ಮ ಕನಸು ನನಸಾಗಬಹುದು. ಚಿನ್ನದ ಎಲೆ, ಬಿಳಿ ಟ್ರಫಲ್, ಪರ್ಮಿಜಿಯಾನೊ ರೆಗ್ಗಿಯಾನೊ ಚೀಸ್ ಮತ್ತು ಸೇಕ್ ಲೀಸ್‌ನೊಂದಿಗೆ ಪ್ಯಾಕ್ ಮಾಡಲಾದ ಈ ಐಷಾರಾಮಿ ಐಸ್ ಕ್ರೀಮ್ ಬೆಲೆ 873,400 ಯೆನ್ (ಸರಿ ಸುಮಾರು ರೂ. 5,52,418 ). ಇದನ್ನು ಸವಿಯಲು ನೀವು ಸಿದ್ಧರಾಗಿದ್ದೀರಾ?

ಜಪಾನಿನ ಸೆಲ್ಟೋ ಎಂಬ ಐಸ್ ಕ್ರೀಮ್ ಬ್ರ್ಯಾಂಡ್ ವಿಶ್ವದ ಅತ್ಯಂತ ದುಬಾರಿ ಐಸ್ ಕ್ರೀಂ ಅನ್ನು ರಚಿಸಿದ್ದು, ಗಿನ್ನೀಸ್ ವಿಶ್ವ ದಾಖಲೆಯನ್ನು ಗಳಿಸಿದೆ. ‘ಬ್ಯಾಕುಯ’ ಎಂದು ಹೆಸರಿಸಲಾದ ಈ ಐಷಾರಾಮಿ ಐಸ್ ಕ್ರೀಮ್ ಬೆಲೆ 873,400 ಯೆನ್ ಅಥವಾ $6,696, ಅಂದರೆ ಅಂದಾಜು ರೂ. 5.54 ಲಕ್ಷ. ಐಸ್ ಕ್ರೀಮ್ ಅನ್ನು ಚಿನ್ನದ ಎಲೆಗಳು, ಇಟಲಿಯ ಆಲ್ಬಾದಿಂದ ತರಿಸಿದ ಬಿಳಿ ಟ್ರಫಲ್ (ಪ್ರತಿ ಕೆಜಿಗೆ ಸುಮಾರು 2 ಮಿಲಿಯನ್ ಯೆನ್ ಬೆಲೆ), ಪಾರ್ಮಿಜಿಯಾನೊ ರೆಗ್ಗಿಯಾನೊ ಚೀಸ್ ಮತ್ತು ಸೇಕ್ ಲೀಸ್, ಸೇಕ್ ಉತ್ಪಾದನೆಯ ಉಪಉತ್ಪನ್ನಗಳಂತಹ ವಿಶಿಷ್ಟ ಪದಾರ್ಥಗಳೊಂದಿಗೆ ತಯಾರಿಸಲಾಗುತ್ತದೆ.

ಈ ಐಸ್ ಕ್ರೀಮ್ ರಚನೆಯ ಉದ್ದೇಶವು ಜಪಾನೀಸ್ ಮತ್ತು ಯುರೋಪಿಯನ್ ರುಚಿಗಳನ್ನು ಸಂಯೋಜಿಸಿ ಸಿಹಿತಿಂಡಿಯಲ್ಲಿ ತಯಾರಿಸುವುದು. ಸೆಲ್ಲಾಟೊ ಪ್ರಕಾರ, ಬೈಕುಯಾ ಬಿಳಿ ಟ್ರಫಲ್‌ನ ತೀವ್ರವಾದ ಸುವಾಸನೆ, ಪಾರ್ಮಿಜಿಯಾನೊ ರೆಗ್ಜಿಯಾನೊ ಚೀಸ್‌ನ ಸಂಕೀರ್ಣ ಮತ್ತು ಹಣ್ಣಿನ ರುಚಿ ಮತ್ತು ಸೇಕ್ ಲೀಸ್‌ನ ಅಂತಿಮ ಸ್ಪರ್ಶದೊಂದಿಗೆ ನಿಮ್ಮ ನಾಲಿಗೆಗೆ ಒಂದು ಅದ್ಭುತ ಅನುಭವವನ್ನು ನೀಡುತ್ತದೆ. ಈ ಐಸ್ ಕ್ರೀಂನ ಅಭಿವೃದ್ಧಿಯು 1.5 ವರ್ಷಗಳನ್ನು ತೆಗೆದುಕೊಂಡಿತು, ರುಚಿಯನ್ನು ಪರಿಪೂರ್ಣಗೊಳಿಸಲು ಹಲವಾರು ಪ್ರಯೋಗಗಳು ಮತ್ತು ದೋಷಗಳನ್ನು ಒಳಗೊಂಡಿತ್ತು.

ಇದನ್ನೂ ಓದಿ: ಬಾಳೆ ಎಲೆಯ ಹಲ್ವಾ, ಸುಮ್ನೆ ನೋಡೋದಲ್ಲಾ, ನೀವೂ ಟ್ರೈ ಮಾಡಿ

ಈ ಅಸಾಧಾರಣ ಐಸ್ ಕ್ರೀಂ ಅನ್ನು ರಚಿಸಲು ವ್ಯಾಪಕ ಪ್ರಯತ್ನವನ್ನು ಪರಿಗಣಿಸಿ, ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಶಸ್ತಿಯನ್ನು ಸಾಧಿಸುವ ಮೂಲಕ ಸೆಲಾಟೊ ಪ್ರತಿನಿಧಿಯು ತಮ್ಮ ತೃಪ್ತಿಯನ್ನು ವ್ಯಕ್ತಪಡಿಸಿದರು. ಇಂತಹ ಒಂದು ಜಗತ್ತಿನ ಅದ್ಭುತ ಖಾದ್ಯವನ್ನು ಸವಿಯಲು ನೀವು ಮನಸ್ಸು ಮಾಡುತ್ತೀರಾ?