ಕಮರ್ ತೇರಿ ಲೆಫ್ಟ್ ರೈಟ್; 17 ಮಿಲಿಯನ್ ನೆಟ್ಟಿಗರು ಈ ಪುಟ್ಟಿಯ ಆತ್ಮವಿಶ್ವಾಸಕ್ಕೆ ಫಿದಾ
Viral Video : ಹರ್ಯಾನ್ವಿ ಹಾಡಿಗೆ ಈ ಪುಟ್ಟ ಹುಡುಗಿ ಹೆಜ್ಜೆ ಹಾಕಿರುವ ರೀತಿ ಯಾರನ್ನೂ ಮರಳುಗೊಳಿಸುವಂತಿದೆ. 23 ಲಕ್ಷಕ್ಕೂ ಹೆಚ್ಚು ಜನ ಈಕೆಯ ನೃತ್ಯವನ್ನು ಮೆಚ್ಚಿದ್ದಾರೆ. ವರ್ಷಾಂತ್ಯಕ್ಕೆ ಉತ್ಸಾಹ ತುಂಬಲು ಈ ವಿಡಿಯೋ ಸಾಕಲ್ಲವೆ?
Updated on: Dec 31, 2022 | 10:12 AM
Viral Video : ಕಮರ್ ತೇರಿ ಲೆಫ್ಟ್ ರೈಟ್ ಇದು ಹರ್ಯಾನ್ವಿ ಹಾಡು. ಈ ಪುಟ್ಟ ಹುಡುಗಿ ಈ ಹಾಡಿಗೆ ನೃತ್ಯ ಮಾಡಿರುವ ರೀತಿಗೆ ನೆಟ್ಟಿಗರು ಮರುಳಾಗಿದ್ದಾರೆ. ಈತನ ಈ ವಿಡಿಯೋ ಅನ್ನು 16 ಮಿಲಿಯನ್ ಜನರು ನೋಡಿದ್ದಾರೆ. ವರ್ಷಾಂತ್ಯದ ಕೊನೆಯ ದಿನವಾದ ಇಂದು ಇದಕ್ಕಿಂತ ಉತ್ಸಾಹ ತುಂಬುವ ವಿಡಿಯೋ ಬೇಕೇ? ಈ ಪುಟ್ಟ ಹುಡುಗಿಯ ಹೆಸರು ದಿಶು ಯಾದವ್. ಹಳದಿ ಫ್ರಾಕ್ ಮತ್ತು ಡೆನಿಮ್ ಜಾಕೆಟ್ ಹಾಕಿಕೊಂಡು ನರ್ತಿಸಿರುವ ಈ ಹುಡುಗಿಯ ಗತ್ತು, ಮುಖಭಾವ ಎಂಥ ಚೆಂದ!
ಈ ಹಾಡು 2020ರಲ್ಲಿ ಬಿಡುಗಡೆಯಾಗಿತ್ತು. ಗಾಯಕ ಅಜಯ್ ಹೂಡಾ ಈ ಹಾಡನ್ನು ಹಾಡಿದ್ದರು. ಈಗ ಈ ವಿಡಿಯೋದಲ್ಲಿಯೂ ಅವರೇ ಲೈವ್ನಲ್ಲಿ ಹಾಡಿದ್ಧಾರೆ. ಈ ಪುಟ್ಟ ಹುಡುಗಿ ಅದೆಷ್ಟು ಗಂಭೀರವಾಗಿ ನೃತ್ಯಾಭಿನಯ ಮಾಡಿದ್ದಾಳೆ. ನೋಡಿದ ಯಾರಿಗೂ ಮತ್ತೆ ಮತ್ತೆ ನೋಡಬೇಕು ಎನ್ನುವಷ್ಟು ಮುದ್ದಿನಿಂದ ಕೂಡಿದೆ ಈ ವಿಡಿಯೋ. 23 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ.
ಇಂಥ ಆತ್ಮವಿಶ್ವಾಸ ಬೇಕು ಬದುಕಿನಲ್ಲಿ ಎಂದಿದ್ದಾರೆ ಒಬ್ಬರು. ಈ ಮಗು ಬೊಂಬೆಯಂತೆ ಚೆಂದ ಇದೆ ಎಂದಿದ್ದಾರೆ ಇನ್ನೊಬ್ಬರು. ವಯಸ್ಸಿಗೆ ಮೀರಿ ಗಾಂಭೀರ್ಯದಿಂದ ನೃತ್ಯದಲ್ಲಿ ತೊಡಗಿಕೊಂಡಿದೆ ಈ ಮಗು ಎಂದು ಅನೇಕರು ಹೇಳಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
