Viral Video: ಈ ಪುಟ್ಟ ಕಂದಮ್ಮನ ಡ್ಯಾನ್ಸ್ ನೋಡಿದ್ರೆ, ನೀವು ಬಾದಲ್ ಬರ್ಸಾ ಬಿಜುಲಿಗೆ ಸ್ಟೆಪ್ ಹಾಕುವುದು ಖಂಡಿತ
ಇತ್ತೀಚಿಗಷ್ಟೆ ಬಾದಲ್ ಬರ್ಸಾ ಬಿಜುಲಿ ಎಂಬ ನೇಪಾಳಿ ಹಾಡಿಗೆ ಯುವತಿಯರಿಬ್ಬರು ರೀಲ್ಸ್ ಮಾಡುವ ಮೂಲಕ ಸಿಕ್ಕಾಪಟ್ಟೆ ವೈರಲ್ ಆಗಿದ್ದರು. ಆ ನಂತರ ಈ ಹಾಡಿನ ಕ್ರೇಜ್ ಕೂಡಾ ಹೆಚ್ಚಾಗಿ, ಎಲ್ಲರೂ ಹಾಡಿಗೆ ಡ್ಯಾನ್ಸ್ ಮಾಡುವಂತ ರೀಲ್ಸ್ ವೀಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನವನ್ನೇ ಮೂಡಿಸಿತ್ತು. ಈ ಹಾಡಿನ ಕ್ರೇಜ್ ಇನ್ನೇನೂ ಕಡಿಮೆಯಾಗುತ್ತಿದೆ ಎನ್ನುವಷ್ಟರಲ್ಲಿ ಇಲ್ಲೊಂದು ಪುಟ್ಟ ಕಂದಮ್ಮ ಈ ಹಾಡಿಗೆ ಮುದ್ದಾಗಿ ನೃತ್ಯ ಮಾಡುವ ಮೂಲಕ ಈ ಹಾಡಿನ ಕ್ರೇಜ್ ಅನ್ನು ಇನ್ನಷ್ಟು ಹೆಚ್ಚಿಸಿದ್ದಾಳೆ.
ಇತ್ತೀಚಿಗೆ ಸೋಶಿಯಲ್ ಮೀಡಿಯಾದಲ್ಲಿ ʼಬಾದಲ್ ಬರ್ಸಾ ಬಿಜುಲಿ ಸಾವನ್ ಕೋ ಪಾನಿʼ ಎಂಬ ನೇಪಾಳಿ ಹಾಡಿನ ಕ್ರೇಜ್ ಹೆಚ್ಚಾಗಿತ್ತು. ಯೂಟ್ಯೂಬ್ ಶಾರ್ಟ್ ವೀಡಿಯೋಗಳಿಂದ ಹಿಡಿದು ಇನ್ಸ್ಟಾಗ್ರಾಮ್ ರೀಲ್ಸ್ ವರೆಗೂ ಈ ಹಾಡಿನದ್ದೇ ಹವಾ. ಅದೆಷ್ಟೋ ಯುವತಿಯರು, ಪುಟ್ಟಮಕ್ಕಳು ಈ ಹಾಡಿಗೆ ಸ್ಟೆಪ್ ಹಾಕಿ ಪೇಮಸ್ ಆಗಿದ್ದುಂಟು, ಇನ್ನೇನೂ ಈ ಹಾಡಿನ ಕ್ರೇಜ್ ಕಡಿಮೆಯಾಗುತ್ತಿದೆ ಎನುವಷ್ಟರಲ್ಲಿ ಇದೀಗ ಪುಟ್ಟ ಬಾಲಕಿಯೊಬ್ಬಳು “ಬಾದಲ್ ಬರ್ಸಾ ಬಿಜುಲಿ” ಹಾಡಿಗೆ ನೃತ್ಯ ಮಾಡುವ ಮೂಲಕ ಸುದ್ದಿಯಾಗಿದ್ದಾಳೆ. ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಸದ್ಯ ಸಖತ್ ವೈರಲ್ ಆಗುತ್ತಿದೆ. ಪುಟ್ಟ ಕಂದಮ್ಮನ ನೃತ್ಯಕ್ಕೆ ನೆಟ್ಟಿಗರು ಮನಸೋತಿದ್ದಾರೆ.
ಈ ವಿಡಿಯೋವನ್ನು ಸೂರಜ್ ಭೋಸಲೆ (@surajbhosale1010) ಎಂಬವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಪುಟ್ಟ ಬಾಲಕಿ ಗಣೇಶ ಮಂಟಪದ ವೇದಿಕೆಯಲ್ಲಿ ನೃತ್ಯ ಮಾಡುತ್ತಿರುವ ದೃಶ್ಯಾವಳಿಯನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಪುಟ್ಟ ಬಾಲಕಿ ಕೆಂಪು ಬಣ್ಣದ ಫ್ರಾಕ್ ತೊಟ್ಟು ʼಬಾದಲ್ ಬರ್ಸಾ ಬಿಜುಲಿ ಸಾವನ್ ಕೋ ಪಾನಿʼ ಹಾಡಿಗೆ ಪುಟ್ಟ ಪುಟ್ಟ ಹೆಜ್ಜೆಗಳನ್ನಿಡುತ್ತಾ ಮುದ್ದಾಗಿ ನೃತ್ಯವನ್ನು ಮಾಡುತ್ತಾಳೆ, ಅಲ್ಲಿ ವೇದಿಕೆಯ ಮುಂದೆ ನೆರೆದಿದ್ದ ಜನರೆಲ್ಲಾ ಈ ಬಾಲಕಿಯ ನೃತ್ಯಕ್ಕೆ ಶಿಳ್ಳೆ ಚಪ್ಪಾಳೆ ಹೊಡೆಯುತ್ತಾ ಪ್ರೋತ್ಸಾಹಿಸುವುದನ್ನು ಕಾಣಬಹುದು. ಕೆಲವೇ ಸೆಕೆಂಡುಗಳ ವೀಡಿಯೋ ಇದಾರರೂ ಪುಟ್ಟ ಬಾಲಕಿಯ ನೃತ್ಯಕ್ಕೆ ಎಲ್ಲರೂ ಮನಸೋತಿದ್ದಾರೆ.
ಇದನ್ನೂ ಓದಿ: ಐದನೇ ಮಹಡಿಯಿಂದ ಸೂಪರ್ ಮ್ಯಾನ್ನಂತೆ ಜಿಗಿದ ಶ್ವಾನ, ಮುಂದೇನಾಯಿತು? ನೋಡಿ
ವೈರಲ್ ವಿಡಿಯೋ ಇಲ್ಲಿದೆ:
ಅಕ್ಟೋಬರ್ 4 ರಂದು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ 6.7 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 1 ಮಿಲಿಯನ್ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಹಾಗೂ ಹಲವು ಕಮೆಂಟ್ಗಳು ಕೂಡ ಬಂದಿದೆ. ಒಬ್ಬ ಬಳಕೆದಾರರು ಈಕೆ ಎಕ್ಸ್ಪ್ರೆಷನ್ ಕ್ವೀನ್ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ಅದ್ಭುತ ನೃತ್ಯ ಎಂದು ಹೇಳಿದ್ದಾರೆ. ಇನ್ನು ಹಲವರು ಈ ಪುಟ್ಟ ಬಾಲಕಿ ತುಂಬಾ ಮುದ್ದಾಗಿ ನೃತ್ಯ ಮಾಡಿದ್ದಾಳೆ ಎಂದು ಹೊಗಳಿಕೆಯ ಮಾತುಗಳನ್ನಾಡಿದ್ದಾರೆ.
Published On - 5:04 pm, Thu, 19 October 23