Video: ಆಧಾರ್‌ ಕಾರ್ಡ್ಗೆ ಫೋಟೋ ಕ್ಲಿಕ್ಕಿಸುವಾಗ ಮಾಡೆಲ್‌ಗಳಂತೆ ಮುದ್ದು ಮುದ್ದಾಗಿ ಪೋಸ್‌ ನೀಡಿದ ಪುಟ್ಟ ಪೋರಿ
ಸೋಷಿಯಲ್‌ ಮೀಡಿಯಾದಲ್ಲಿ ದಿನನಿತ್ಯ ಹಲವಾರು ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ. ಅದರಲ್ಲಿ ಕೆಲವು ವಿಡಿಯೋ ದೃಶ್ಯಾವಳಿಗಳು ಮನಸ್ಸಿಗೆ ಬಹಳ ಖುಷಿ ಕೊಡುತ್ತವೆ. ಅದರಲ್ಲೂ ಈ ಪುಟಾಣಿ ಮಕ್ಕಳ ವಿಡಿಯೋಗಳನ್ನು ನೋಡುವುದೇ ಚೆಂದ. ಇದೀಗ ಅಂತಹದೇ ವಿಡಿಯೋವೊಂದು ವೈರಲ್ ಆಗಿದ್ದು, ಆಧಾರ್‌ ಕಾರ್ಡ್ ಫೋಟೋ ಕ್ಲಿಕ್ಕಿಸುವಾಗ ಪುಟಾಣಿ ಬಾಲೆ ಮಾಡೆಲ್‌ಗಳೆಂತೆ ಪೋಸ್‌ ನೀಡಿದ ಪರಿಗೆ ನೆಟ್ಟಿಗರು ಫುಲ್‌ ಫಿದಾ ಆಗಿದ್ದಾರೆ.
ಪುಟಾಣಿ ಮಕ್ಕಳನ್ನು ಸಂಭಾಳಿಸುವುದೇ ಕಷ್ಟ. ಅದರಲ್ಲೂ ತಮ್ಮದೇ ಲೋಕದಲ್ಲಿ ತೇಲಾಡುತ್ತಾ ತುಂಟಾಟವಾಡುವ ಈ ಪುಟಾಣಿಗಳ ಮುದ್ದು ಫೋಟೋಗಳನ್ನು ಕ್ಲಿಕ್ಕಿಸಲು ಹರ ಸಾಹಸವನ್ನೇ ಪಡಬೇಕಾಗುತ್ತದೆ. ಅಂತದ್ರಲ್ಲಿ ಇಲ್ಲೊಂದು ಪುಟಾಣಿ ಮಗು ಮಾತ್ರ ಆಧಾರ್‌ ಕಾರ್ಡ್ ಫೋಟೋಗೂ ಮಾಡೆಲ್‌ಗಳಂತೆ ಮುದ್ದಾಗಿ ಬಗೆಬಗೆಯ ಪೋಸ್‌ ನೀಡಿದ್ದು, ಈ ಮಗುವನ್ನು ಎಲ್ಲೂ ಅಲುಗಾಡದೆ ಒಂದು ಕಡೆ ಹಿಡಿದು ನಿಲ್ಲಿಸಲು ಹೆತ್ತವರು ಹರ ಸಾಹಸವನ್ನೇ ಪಟ್ಟಿದ್ದಾರೆ. ಈ ಮುದ್ದಾದ ವಿಡಿಯೋ ಇದೀಗ ಸಖತ್‌ ವೈರಲ್ ಆಗಿದ್ದು, ನೆಟ್ಟಿಗರ ಮನ ಗೆದ್ದಿದೆ.
ಈ ಕುರಿತ ಪೋಸ್ಟ್‌ ಒಂದನ್ನು gungun_and_mom ಹೆಸರಿನ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವೈರಲ್ ವಿಡಿಯೋದಲ್ಲಿ ಪುಟಾಣಿ ಹೆಣ್ಣು ಮಗುವೊಂದು ಆಧಾರ್‌ ಕಾರ್ಡ್ ಫೋಟೋಗೆ ಸ್ಟೈಲ್‌ ಆಗಿ ಪೋಸ್‌ ನೀಡುತ್ತಿರುವ ಮುದ್ದಾದ ದೃಶ್ಯವನ್ನು ಕಾಣಬಹುದು. ಇಲ್ಲಿ ನನ್ನ ಫೋಟೋ ಶೂಟ್‌ ನಡೆಯುತ್ತಿರುವುದು ಎಂದು ಭಾವಿಸಿದ ಈ ಬಾಲೆ ಆಧಾರ್‌ ಕಾರ್ಡ್ ಫೋಟೋಗೂ ತರಹೇವಾರಿ ಪೋಸ್‌ಗಳನ್ನು ನೀಡಿದ್ದು, ಈ ಪುಟಾಣಿಯ ಒಂದು ಫೋಟೋ ತೆಗೆಯಲು ಹರಸಾಹಸವನ್ನೇ ಪಡಬೇಕಾಯಿತು.
ಇದನ್ನೂ ಓದಿ: ಇದೆಂಥಾ ಫುಟ್ಬಾಲ್‌ ಪ್ರೇಮ; ಸಾವಿನ ಮನೆಯಲ್ಲಿ ಶವದ ಮುಂದೆ ಫುಟ್ಬಾಲ್‌ ಮ್ಯಾಚ್‌ ವೀಕ್ಷಿಸಿದ ಕುಟುಂಬಸ್ಥರು
ವೈರಲ್ ವಿಡಿಯೋ ಇಲ್ಲಿದೆ ( ಇನ್ಸ್ಟಾ ವಿಡಿಯೋ)
ಜೂನ್‌ 29 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 17.6 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಕೆಲವರು ಅಯ್ಯಯ್ಯೋ ಈ ಮಗು ಎಷ್ಟು ಮುದ್ದಾಗಿದೆ ಎಂದು ಕಾಮೆಂಟ್ಸ್‌ ಮಾಡಿದರೆ ಇನ್ನೂ ಕೆಲವರು ಇದೆಲ್ಲಾ ಇನ್‌ಸ್ಟಾಗ್ರಾಮ್‌ ರೀಲ್ಸ್‌ನ ಅಡ್ಡ ಪರಿಣಾಮ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ