Video: ನಿರರ್ಗಳವಾಗಿ ಇಂಗ್ಲಿಷ್ ಮಾತನಾಡಿದ ವೃದ್ಧ ಆಟೋ ಡ್ರೈವರ್, ತಾತನ ಟ್ಯಾಲೆಂಟ್ಗೆ ನೆಟ್ಟಿಗರು ಫಿದಾ
ಮಹಾರಾಷ್ಟ್ರದ ಅಮರಾವತಿಯ ಆಟೋ ಚಾಲಕನೊಬ್ಬರ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಇದಕ್ಕೆ ಕಾರಣವಾಗಿದ್ದು ಅವರು ಇಂಗ್ಲಿಷ್ ಮಾತನಾಡುವ ರೀತಿ. ಈ ಆಟೋ ಡ್ರೈವರ್ ನಿರರ್ಗಳ ಇಂಗ್ಲಿಷ್ ಭಾಷೆ ಎಲ್ಲರಿಗೂ ಅಚ್ಚರಿ ಮೂಡಿಸುತ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ, ಈ ಕುರಿತಾದ ಸ್ಟೋರಿ ಇಲ್ಲಿದೆ.

ಮಹಾರಾಷ್ಟ್ರ, ನವೆಂಬರ್ 16: ಇಂಗ್ಲಿಷ್ ಭಾಷೆಯೆಂದರೆ ಕೆಲವರಿಗೆ ಅಷ್ಟಕಷ್ಟೆ. ಕೆಲವರು ಒಂದೊಂದೇ ಪದಗಳನ್ನು ಜೋಡಿಸಿ ಇಂಗ್ಲಿಷ್ ಭಾಷೆ ಮಾತನಾಡುತ್ತಾರೆ. ಆದರೆ, ಈ ಆಟೋ ಡ್ರೈವರ್ (Elderly Auto Driver) ಇಂಗ್ಲಿಷ್ ಮಾತನಾಡುವ ರೀತಿ ನೀವು ಬೆರಗಾಗುವುದು ಗ್ಯಾರಂಟಿ. ಹೌದು, ಮಹಾರಾಷ್ಟ್ರದ ಅಮರಾವತಿಯ ಯಾದವ್ ಚಾಚಾ ಎಂಬ ವೃದ್ಧ ಆಟೋ ಚಾಲಕರೊಬ್ಬರು ನಿರರ್ಗಳವಾಗಿ ಇಂಗ್ಲಿಷ್ ಮಾತನಾಡುವ ಮೂಲಕ ಗಮನ ಸೆಳೆದಿದ್ದಾರೆ. ಹಳೆಯ ವಿಡಿಯೋ ಇದೀಗ ಮತ್ತೆ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ನಿರರ್ಗಳವಾಗಿ ಇಂಗ್ಲಿಷ್ ಮಾತನಾಡುವ ಆಟೋ ಡ್ರೈವರ್
ಭೂಷಣ್ (Bhushan) ಎಂಬ ವ್ಯಕ್ತಿ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. 2024ರಲ್ಲಿ ಚಿತ್ರೀಕರಿಸಲಾಗಿದ್ದ ಹಳೆಯ ವಿಡಿಯೋ ಇದಾಗಿದ್ದು, ವೃದ್ಧ ಆಟೋ ಚಾಲಕರೊಬ್ಬರು ಯುವಕನೊಂದಿಗೆ ನಿರರ್ಗಳವಾಗಿ ಇಂಗ್ಲಿಷ್ನಲ್ಲಿ ಮಾತನಾಡುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಇಂಗ್ಲಿಷ್ ಗೊತ್ತಿದ್ರೆ ಫಾರಿನ್ಗೆ ಹೋಗ್ಬಹುದು
ಈ ಕ್ಲಿಪಿಂಗ್ ನಲ್ಲಿ ಯುವಕನಿಗೆ ನಾನು ಹೇಳುವುದನ್ನು ನೀನು ಗಮನವಿಟ್ಟು ಕೇಳು. ನಿನಗೆ ಇಂಗ್ಲಿಷ್ ಬಂದರೆ ಲಂಡನ್, ಪ್ಯಾರಿಸ್, ಅಮೆರಿಕಕ್ಕೆ ಹೋಗ್ಬಹುದು. ಇಲ್ಲದಿದ್ರೆ ವಿದೇಶಕ್ಕೆ ಹೋಗಲು ಸಾಧ್ಯವಿಲ್ಲ. ನೀನೇನಾದ್ರೂ ಲಂಡನ್ನ ಹೋಟೆಲ್ಗೆ ಹೋದಾಗ ಇಂಗ್ಲಿಷ್ ಮಾತನಾಡಲು ಬರುತ್ತಿದ್ರೆ ಅಲ್ಲಿ ನೀರನ್ನು ಆರಾಮಾಗಿ ಕೇಳಬಹುದು. ಅದೇ ನೀನು ಮರಾಠಿ ಸೇರಿದಂತೆ ಬೇರೆ ಭಾಷೆಯಲ್ಲಿ ಮಾತನಾಡಿದ್ರೆ ನಿಮ್ಮ ಎದುರಿಗಿರುವ ವ್ಯಕ್ತಿಗೆ ಏನು ಅರ್ಥ ಆಗಲ್ಲ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಮತ್ತೆ ಮಗುವಾಯ್ತು ಮನಸ್ಸು; ಪಾರ್ಕ್ನಲ್ಲಿ ಜಾರುಬಂಡಿ ಆಟ ಆಡಿದ ವೃದ್ಧೆ
ಈ ವಿಡಿಯೋ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ವಾವ್ಹ್ ಚಾಚಾನ ಇಂಗ್ಲಿಷ್ ಅದ್ಭುತ ಎಂದಿದ್ದಾರೆ. ಇನ್ನೊಬ್ಬರು, ಆಸಕ್ತಿದಾಯಕ ವಿಷಯ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಅವರನ್ನು ನೋಡಿದ್ರೆ ಓದಿದವರಂತೆ ಕಾಣುತ್ತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
