ಸೈಕಲ್​​ ಓಡಿಸುವಾಗ ತಲೆ ಮೇಲೆ ಸೂಟ್​​ಕೇಸ್ ಇಟ್ಟುಕೊಂಡು​​ ಬ್ಯಾಲೆನ್ಸ್​​ ಮಾಡುವ ವ್ಯಕ್ತಿ

ಸಾಮಾನ್ಯವಾಗಿ ರಸ್ತೆಯಲ್ಲಿ ಸೈಕಲ್​​ ಮೇಲೊ ಅಥವಾ ಬೇರೆ ಯಾವುದೆ ವಾಹನದಲ್ಲಿ ಹೋಗುವಾಗ ಏಕಾಗ್ರತೆ ಬಹಳ ಮುಖ್ಯವಾಗುತ್ತದೆ. ನಾವು ಎಷ್ಟೇ ಜಾಗೃತಿಯಿಂದ ಇದ್ದರೂ ಅಪಘಾತ ಸಂಭವಿಸುತ್ತದೆ. ಆದರೆ ವೈರಲ್​​ ಆದ ಈ ವಿಡಿಯೋದಲ್ಲಿ ವ್ಯಕ್ತಿಯೋರ್ವ ಸೈಕಲ್​​ನಲ್ಲಿ ರಸ್ತೆ ಮೇಲೆ ಹೋಗುವಾಗ, ತಲೆಯ ಮೇಲೆ ಸೂಟ್​​ಕೇಸ್ ಇಟ್ಟುಕೊಂಡು ಬ್ಯಾಲೆನ್ಸ್​ ಮಾಡಿಕೊಂಡು ಹೋಗುತ್ತಿದ್ದಾನೆ. ಈತನ ಈ ಸಾಹಸ ಕಾರ್ಯ ನೋಡಿ ಅಕ್ಕಪಕ್ಕ ಇದ್ದ ಜನರು ಬೆರಗಾಗಿದ್ದಾರೆ. ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು ನೆಟ್ಟಿಗರು ನಾನಾ ಕಾಮೆಂಟ್​​ ಮಾಡುತ್ತಿದ್ದಾರೆ.

ವಿಡಿಯೋದಲ್ಲಿ ಈ ಚಮತ್ಕಾರಿಕ ದೃಶ್ಯಾವಳಿ ಕಂಡು ಬಂದಿದ್ದು ಅಮೇರಿಕದಲ್ಲಿ.  ವ್ಯಕ್ತಿಯೋರ್ವ ತಲೆ ಮೇಲೆ ಸೂಟ್ಕೇಸ್​​ ಇಟ್ಟುಕೊಂಡು ಬ್ಯಾಲೆನ್ಸ್ ಮಾಡಿಕೊಂಡು ಸೈಕಲ್​​ ಓಡಿಸಿದ್ದಾನೆ. ದೃಶ್ಯಾವಳಿಯನ್ನು ​​ನೌ ದಿಸ್ ಎಂಬ ಟ್ವಿಟರ್​ ಖಾತೆದಾರರು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.