Viral Video : ‘ಮೂನ್ವಾಕ್’; ನೀರಿನಾಳದಲ್ಲಿ ತಲೆಕೆಳಗಾಗಿ ನಡೆಯುವ ಈ ಮನುಷ್ಯ
Moonwalk : ನೀರಿನಾಳದೊಳಗೆ ಮೂನ್ವಾಕ್ ಮಾಡುವ ಈ ವ್ಯಕ್ತಿಯ ವಿಡಿಯೋ ಅನ್ನು 9 ಮಿಲಿಯನ್ ನೆಟ್ಟಿಗರು ನೋಡಿದ್ದಾರೆ.
Viral Video : ನಿಮ್ಮಲ್ಲಿ ಕೌಶಲವಿದ್ದರೆ ಇಂದು ಯಾರನ್ನೂ ತಲುಪಬಹುದು ಎನ್ನುದಕ್ಕೆ ಉದಾಹರಣೆ ಈ ರೀಲ್ಸ್ ಪ್ರಪಂಚ. ಸಾಮಾಜಿಕ ಜಾಲತಾಣಗಳಲ್ಲಿ ಮಿಲಿಯನ್ಗಟ್ಟಲೆ ವಿಡಿಯೋಗಳು ನಿಮಗೆ ನೋಡಲು ಸಿಗುತ್ತವೆ. ಅದರಲ್ಲೂ ನಮ್ಮ ದೇಶದ ಅನೇಕ ಪ್ರತಿಭಾವಂತರು ಜಗತ್ತಿನ ಜನರನ್ನು ತಮ್ಮ ಪ್ರತಿಭೆಗಳಿಂದ ಈ ಮಾರ್ಗದಲ್ಲಿ ನಿರಂತರವಾಗಿ ಸೆಳೆಯುತ್ತಲೇ ಇರುತ್ತಾರೆ. 9 ಮಿಲಿಯನ್ ವೀಕ್ಷಣೆಗೆ ಒಳಗಾದ ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ನೀರಿನಾಳದಲ್ಲಿ ತಲೆಕೆಳಗಾಗಿ ನಡೆಯುತ್ತಿರುವ ಈ ವ್ಯಕ್ತಿಯ ಹೆಸರು ಜಯದೀಪ್ ಗೋಹಿಲ್. ನೀರಿನೊಳಗೆ ನರ್ತಿಸುವ ಭಾರತದ ಮೊದಲ ನೃತ್ಯಗಾರ ಎಂದು ತಮ್ಮ ಹೈಡ್ರೋಮ್ಯಾನ್ ಹೆಸರಿನ ಇನ್ಸ್ಟಾಗ್ರಾಂ ಬಯೋನಲ್ಲಿ ಬರೆದುಕೊಂಡಿದ್ದಾರೆ. ಅವರ ಈ ಮೂನ್ವಾಕ್ ದೃಶ್ಯವನ್ನು ನೋಡಿ.
ಮೈಕೆಲ್ ಜಾಕ್ಸನ್ ಅವರ ಸ್ಮೂತ್ ಕ್ರಿಮಿನಲ್‌ಗೆ ಹಾಡಿಗೆ ಮೂನ್ವಾಕ್ ಮಾಡಿದ್ದಾರೆ. ಪೂಲ್ ಒಳಗಿನ ಮೇಜಿನ ಮೇಲೆ ಕೌಶಲಯುತವಾಗಿ ತಿರುಗಿ ಓಡಾಡುವುದು ಅತ್ಯಂತ ಆಕರ್ಷಕವಾಗಿದೆ. 9 ಲಕ್ಷ ವೀಕ್ಷಕರು ಇವರ ಈ ವಿಡಿಯೋ ಅನ್ನು ಮೆಚ್ಚಿ, ಇವರ ಕೌಶಲಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ‘ನಾನು ನೋಡಿದ ಅದ್ಭುತ ಮೂನ್ವಾಕ್ ಇದು’ ಎಂದು ಒಬ್ಬರು ಹೇಳಿದ್ಧಾರೆ. ‘ಇದಕ್ಕೆ ಸಾಕಷ್ಟು ಪರಿಣತಿ ಬೇಕು. ಇದನ್ನು ನೀವು ಸಾಧಿಸಿದ್ದೀರಿ’ ಎಂದು ಮತ್ತೊಬ್ಬರು ತಿಳಿಸಿದ್ದಾರೆ.
ನನ್ನ ವೀಕ್ಷಕರು ಈ ಮೂನ್ವಾಕ್ ನೋಡಲು ಬಯಸಿದ್ದರು ಹಾಗಾಗಿ ಈ ವಿಡಿಯೋ ಮಾಡಿ ಅಪ್ಲೋಡ್ ಮಾಡಿದೆ ಎಂದು ಜಯದೀಪ್ ತಿಳಿಸಿದ್ದಾರೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:07 pm, Mon, 19 September 22