Viral Video: ಇವು ಮಕ್ಕಳಲ್ಲ ಕುತ್ತಿಗೆಗೆ ಇಕ್ಕಳ! ಬೈದು, ಒಂದೇಟು ಹಾಕಿ ದರದರನೆ ಎಳೆದೊಯ್ದ ‘ತಾಯಿ’

Viral Video: ಒಂದು ಮಗುವನ್ನು ಸಂಭಾಳಿಸುವ ಹೊತ್ತಿಗೆ ತಾಯಿಯಾದವಳಿಗೆ ಸಾಕುಸಾಕೆನ್ನಿಸುತ್ತಿರುತ್ತದೆ. ಅಂಥದ್ದರಲ್ಲಿ ಬೆಕ್ಕು (Cat) ಅಥವಾ ನಾಯಿ ನಾಲ್ಕೈದು ಮರಿಗಳನ್ನು ಹೊತ್ತು ಹೆತ್ತು ಬೆಳೆಸುವುದೆಂದರೆ!? ಈ ಜನ್ಮದಲ್ಲಿ ಇದೇ ಕೊನೇ ಹೆರಿಗೆ ಎಂಬಂಥ ಭಾವ ಆ ಪ್ರಾಣಿಗಳಲ್ಲಿ ಬೇರೂರಿರುತ್ತದೆ. ಇದೀಗ ನೋಡಿ ರೆಡ್ಡಿಟ್​ನಲ್ಲಿ ಪೋಸ್ಟ್ ಮಾಡಲಾದ ವಿಡಿಯೋ ವೈರಲ್ ಆಗಿದೆ. ಎಷ್ಟು ಹೇಳಿದರೂ ಮಾತು ಕೇಳದ ಮರಿಯ ಸಲುವಾಗಿ ತಲೆ ಕೆಡಿಸಿಕೊಂಡ ಬೆಕ್ಕಮ್ಮ ಮರಿಯನ್ನು ಸಮಾ ಬೈದು ಅದರ ತಲೆಗೆ ಒಂದು ಏಟು ಕೊಟ್ಟು ಬಾಯಲ್ಲಿ ಹಿಡಿದುಕೊಂಡು ದರದರನೆ ಎಳೆದುಕೊಂಡು ಹೋಗಿದ್ದಾಳೆ!

ಇದನ್ನೂ ಓದಿ : Viral Video: ಬ್ರೇನ್ ಹ್ಯಾಮ್​ರೇಜ್; ಎರಡು ವರ್ಷಗಳಿಂದ ನನ್ನಾಕೆಯ ಮಾತುಗಳಿಗಾಗಿ ಕಾಯುತ್ತಿದ್ದೇನೆ, ಮ್ಯಾಜಿಕ್ ಆಗುವುದೆ?

ನಾಯಿಯನ್ನು ಕಟ್ಟಿಹಾಕಬಹುದು. ಆದರೆ ಬೆಕ್ಕನ್ನು? ಹುಟ್ಟುತ್ತಲೇ ಹರಿದಾಡುವ ಮರಿಗಳನ್ನು ಸಂಭಾಳಿಸುವುದು ನಿಜಕ್ಕೂ ದೊಡ್ಡ ಸವಾಲು. ಅಮ್ಮಬೆಕ್ಕಿಗಂತೂ ಜೀವವೇ ಬಾಯಿಗೆ ಬರುತ್ತಿರುತ್ತದೆ. ಒಂದನ್ನು ಹಿಡಿಯಹೋದರೆ ಇನ್ನೊಂದು, ಇನ್ನೊಂದನ್ನು ಹಿಡಿಯಹೋದರೆ ಮತ್ತೊಂದು, ಮತ್ತೊಂದನ್ನು ಹಿಡಿಯಹೋದರೆ ಮಗದೊಂದು… ಒಟ್ಟು ಅಮ್ಮನ ತಲೆ ಚಿಟ್ಟು!

ಅಮ್ಮಬೆಕ್ಕು ಮರಿಯ ತಲೆಗೆ ಏಟು ಕೊಟ್ಟ ವಿಡಿಯೋ

Little kitten gets scolded by its mom for venturing outside the house
by u/RealRock_n_Rolla in MadeMeSmile

ನಿನ್ನೆ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು ಈತನಕ 5,700 ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ. ರಸ್ತೆಯ ಮೂಲೆಯೊಂದರಲ್ಲಿ ಈ ಮರಿಬೆಕ್ಕು ಯಾಕೆ ಹೋಗಿ ಕುಳಿತಿತ್ತೋ ಗೊತ್ತಿಲ್ಲ. ಅಂತೂ ಕೋಪಗೊಂಡ ಅಮ್ಮ ಸರೀ ಹೊಡೆದು ಎಳೆದುಕೊಂಡು ಬಂದಿದ್ದಾಳೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಬಗೆಬಗೆಯಲ್ಲಿ ತಮಾಷೆ ಮಾಡಿದ್ದಾರೆ.

ಇದನ್ನೂ ಓದಿ : Viral Video: ಹೀಗೆ ಪ್ರೀತಿಯಿಂದ ತಬ್ಬಿಕೊಳ್ಳುವುದೇ ಮನುಷ್ಯನ ಜೀವಮಾನದ ಗುರಿ

ನನ್ನ ಅಮ್ಮನೂ ನನಗೆ ಹೀಗೇ ಬೈದು ಹೊಡೆದು ರೋಡಿನಿಂದ ಎಳೆದುಕೊಂಡು ಬರುತ್ತಿದ್ದಳು ಎಂದಿದ್ದಾರೆ ಒಬ್ಬರು. ಎಷ್ಟು ಮುದ್ದಾಗಿ ಏಟು ಕೊಟ್ಟಿದೆ ಅಮ್ಮಬೆಕ್ಕು, ಎಂದೂ ಇಂಥ ದೃಶ್ಯ ನೋಡಿರಲಿಲ್ಲ. ಇದು ಬಹಳ ಮುದ್ದಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ನಾನು ನನ್ನ ಮಗಳಿಗೆ ಹೀಗೆ ಮಾಡುವುದು ಎಂದಿದ್ದಾರೆ ಮತ್ತೊಬ್ಬರು. ಅನೇಕರು ಈ ವಿಡಿಯೋ ನೋಡಿ ಬಿದ್ದುಬಿದ್ದು ನಕ್ಕಿದ್ದಾರೆ. ಅಮ್ಮಾ ಬಹಳ ಸ್ಟ್ರಿಕ್ಟ್​! ಎಂದಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ