Viral News: ಈ ಒಂದು ಪುಸ್ತಕದ ಬೆಲೆ ಬರೋಬ್ಬರಿ 11 ಕೋಟಿ ರೂ.; ಯಾಕಿಷ್ಟು ದುಬಾರಿ ಗೊತ್ತಾ?

ಸಾಕಷ್ಟು ಜನರು ಪುಸ್ತಕಗಳನ್ನು ಓದುವ ಹವ್ಯಾಸ ಹೊಂದಿರುತ್ತಾರೆ. ಹೀಗಿರುವಾಗ ಎಲ್ಲಿಗೆ ಹೋದರೂ ಪುಸ್ತಕ ಇಷ್ಟವಾದರೆ ತಕ್ಷಣ ಕೊಂಡುಕೊಳ್ಳುತ್ತಾರೆ. ಅದರ ಬೆಲೆ ಜಾಸ್ತಿಯಾದರೂ ಕೆಲವೊಮ್ಮೆ ಖರೀದಿಸುವುದುಂಟು. ಆದರೆ ನೀವೆಂದಾದರೂ ಕೋಟಿಗಟ್ಟಲೆ ಹಣ ಖರ್ಚು ಮಾಡಿ ಪುಸ್ತಕಗಳನ್ನು ಖರೀದಿಸಿದ್ದೀರಾ? ಆದರೆ ಇದೀಗ ಇಲ್ಲೊಬ್ಬ ಪುಸ್ತಕ ಪ್ರೇಮಿ ಬರೋಬ್ಬರಿ 11 ಕೋಟಿ ರೂಪಾಯಿ ಖರ್ಚು ಮಾಡಿ ಪುಸ್ತಕ ಖರೀದಿಸಿದ್ದಾರೆ. ಈ ಪುಸ್ತಕ ಯಾಕಿಷ್ಟು ದುಬಾರಿ? ಇದರ ವಿಶೇಷತೆಯ ಬಗ್ಗೆ ಇಲ್ಲಿ ತಿಳಿದುಕೊಳ್ಳಿ.

ಈ ಪುಸ್ತಕವು 100 ವರ್ಷಗಳಷ್ಟು ಹಳೆಯದಾದ ಐತಿಹಾಸಿಕ ಪುಸ್ತಕವಾಗಿದೆ. ಇದನ್ನು 1925 ರಲ್ಲಿ ಅಮೇರಿಕನ್ ಬರಹಗಾರ ನೆಪೋಲಿಯನ್ ಹಿಲ್ ಬರೆದಿದ್ದಾರೆ ಎಂದು ಹೇಳಲಾಗುತ್ತದೆ. ಅಮೆರಿಕದ ಇಡಾಹೊ ನಿವಾಸಿ ರಸೆಲ್ ಬ್ರನ್ಸನ್ ಈ ಪುಸ್ತಕದ ಮೊದಲ ಆವೃತ್ತಿಯನ್ನು ಖರೀದಿಸಿದ್ದು, ವಿಶೇಷವೆಂದರೆ ಅದರಲ್ಲಿ ನೆಪೋಲಿಯನ್ ಸಹಿ ಇದೆ. ಡೈಲಿ ಸ್ಟಾರ್ ವರದಿಯ ಪ್ರಕಾರ, ಈ ಪುಸ್ತಕವನ್ನು ಖರೀದಿಸಲು ರಸೆಲ್​​​ ಬರೋಬ್ಬರಿ 11 ಕೋಟಿ ರೂ. ಖರ್ಚು ಮಾಡಿದ್ದಾರೆ.

ಈ ಪುಸ್ತಕದ ಬೆಲೆಯನ್ನು 1.5 ಮಿಲಿಯನ್ ಡಾಲರ್ ಅಂದರೆ 11 ಕೋಟಿ ರೂ.ಗೂ ಹೆಚ್ಚು ಇಡಲಾಗಿದ್ದರಿಂದ ಅದನ್ನು ಕೊಳ್ಳುವುದು ಅಷ್ಟು ಸುಲಭವಾಗಿರಲಿಲ್ಲ. ಸುಮಾರು ಒಂದು ತಿಂಗಳ ಕಾಲ ಮಾರಾಟಗಾರರೊಂದಿಗೆ ಮಾತುಕತೆ ನಡೆಸಿ ಅಂತಿಮವಾಗಿ ಒಪ್ಪಂದಕ್ಕೆ ಬಂದಿದ್ದೇನೆ ಎಂದು ರಸೆಲ್ ಹೇಳುತ್ತಾರೆ, ಆದರೆ ಈ ಸಮಯದಲ್ಲಿ ಅವನು ತನ್ನ ಹೆಂಡತಿಯನ್ನು ಒಪ್ಪಿಸಬೇಕಾಯಿತು, ಏಕೆಂದರೆ ಅವಳು ಅಂತಹ ದುಬಾರಿ ಪುಸ್ತಕವನ್ನು ಖರೀದಿಸಲು ಒಪ್ಪಿರಲಿಲ್ಲ. ಆದಾಗ್ಯೂ, ರಸ್ಸೆಲ್ ನಂತರ ತನ್ನ ಹೆಂಡತಿಯನ್ನು ಮನವೊಲಿಸುವಲ್ಲಿ ಯಶಸ್ವಿಯಾದರು ಮತ್ತು ಅಂತಿಮವಾಗಿ ಪುಸ್ತಕವನ್ನು ಖರೀದಿಸಿದರು.

ಇದನ್ನೂ ಓದಿ: ಕಾಮಿಡಿ ಶೋ ನೋಡಿ ನಕ್ಕು ನಕ್ಕು ಮೂರ್ಛೆ ತಪ್ಪಿ ಬಿದ್ದ ವ್ಯಕ್ತಿ; ಆಸ್ಪತ್ರೆಗೆ ದಾಖಲು

ವರದಿಗಳ ಪ್ರಕಾರ, ವೃತ್ತಿಯಲ್ಲಿ ಉದ್ಯಮಿಯಾಗಿರುವ ರಸೆಲ್, ನೆಪೋಲಿಯನ್ ಹಿಲ್ ಬರೆದಿರುವ ಈ ಪುಸ್ತಕ ಮತ್ತು ಇತರ ಹಲವು ಪುಸ್ತಕಗಳನ್ನು ಖರೀದಿಸಿದ್ದಾರೆ ಮತ್ತು ಇದಕ್ಕಾಗಿ 18 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದ್ದಾರೆ. ಅತ್ಯಂತ ಆಶ್ಚರ್ಯಕರ ವಿಷಯವೆಂದರೆ ಈ ಪುಸ್ತಕದಲ್ಲಿ ಯಾವುದೇ ಧೂಳು ಕೊಳೆ ಬರಬಾರದು ರಂವ ಕಾರಣಕ್ಕೆ ಖಾಸಗಿ ವಿಮಾನದಲ್ಲಿ ಪುಸ್ತಕ ಖರೀದಿಸಿ ಮನೆಗೆ ತಂದಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ