ತಮಿಳಿನ ‘ಹಲಮಿತಿ ಹಬೀಬೋ’ ಹಾಡಿಗೆ ತಾಯಿ ಮಗನ ಸಖತ್ ಸ್ಟೆಪ್: ವಿಡಿಯೋ ವೈರಲ್
ಇನ್ಸ್ಟಾಗ್ರಾಮ್ನಲ್ಲಿ ತಾಯಿ ಮಗನ ಜೋಡಿ ತಮಿಳಿನ ಹಲಮಿತಿ ಹಬೀಬೋ ಹಾಡಿಗೆ ಬಿಂದಾಸ್ ಸ್ಟೆಪ್ ಹಾಕಿದ್ದಾರೆ, ಸದ್ಯ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
![ತಮಿಳಿನ 'ಹಲಮಿತಿ ಹಬೀಬೋ' ಹಾಡಿಗೆ ತಾಯಿ ಮಗನ ಸಖತ್ ಸ್ಟೆಪ್: ವಿಡಿಯೋ ವೈರಲ್](https://images.tv9kannada.com/wp-content/uploads/2022/03/New-Project-2022-03-10T105059.565.jpg?w=1280)
ಇನ್ಸ್ಟಾಗ್ರಾಮ್ ರೀಲ್ಸ್ (Instagram Reels) ದಿನದಿಂದ ದಿನಕ್ಕೆ ಟಿಕ್ಟಾಕ್ಗಿಂತ ಹೆಚ್ಚು ಜನಪ್ರಿಯವಾಗುತ್ತಿದೆ. ಯಾವುದೇ ಹೊಸ ಹಾಡು ಬಿಡುಗಡೆಯಾದರೂ ಡ್ಯಾನ್ಸ್ ಮೂಲಕ ರೀಲ್ಸ್ ಮಾಡಿ ಹೊಸ ಟ್ರೆಂಡ್ ಸೃಷ್ಟಿ ಮಾಡುತ್ತಾರೆ ರೀಲ್ಸ್ ಪ್ರಿಯರು. ನೀವೇನಾದ್ರೂ ಇನ್ಸ್ಟಾಗ್ರಾಮ್ನಲ್ಲಿ ರೀಲ್ಸ್ ನೊಡವವರಾಗಿದ್ದರೆ ಹಲಮಿತಿ ಎನ್ನುವ ಹಾಡು ಸದ್ದು ಮಾಡುತ್ತಿರುವುದು ತಿಳಿಯುತ್ತದೆ. ತಮಿಳು ನಟ ವಿಜಯ್ ನಟನೆಯ ಬೀಸ್ಟ್ (Beast) ಚಿತ್ರದ ಈ ಹಾಡು ಈಗ ರೀಲ್ಸ್ ಪ್ರಿಯರ ಹಾಡಾಗಿದೆ. ಸದ್ಯ ಇನ್ಸ್ಟಾಗ್ರಾಮ್ನಲ್ಲಿ ತಾಯಿ ಮಗನ ಜೋಡಿ ಇದೇ ಹಲಮಿತಿ ಹಬೀಬೋ (Halamithi Habibo) ಹಾಡಿಗೆ ಬಿಂದಾಸ್ ಸ್ಟೆಪ್ ಹಾಕಿದ್ದಾರೆ, ಸದ್ಯ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
View this post on Instagram
ಕಪ್ಪು ಬಣ್ಣದ ಡ್ರೆಸ್ ತೊಟ್ಟಿರುವ ಅಮ್ಮ ಮಗ ಸಿನಿಮಾನದಲ್ಲಿ ನಟ ವಿಜಯ್ ಹಾಕಿದ ಸ್ಟೆಪ್ಗಳನ್ನು ಹಾಕಿದ್ದಾರೆ. ಹ್ಯಾಷ್ಟ್ಯಾಗ್ನಲ್ಲಿ ವಿಜಯ್ ಹಾಗೂ ಹಾಡಿನ ಹೆಸರನ್ನು ಸೇರಿಸಲಾಗಿದೆ. ಫೆ.22ರಂದು ಹಂಚಿಕೊಳ್ಳಲಾದ ವಿಡಿಯೋ 18 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಗಳಿಸಿದೆ. ಅಮ್ಮ ಮಗನ ಮಸ್ತ್ ಡ್ಯಾನ್ಸ್ ನೆಟ್ಟಿಗರ ಮನ ಗೆದ್ದಿದೆ. ವಿಡಿಯೋ ನೋಡಿ ಸೂಪರ್ ಎಂದು ಇನ್ಸ್ಟಾಗ್ರಾಮ್ ಬಳಕೆದಾರರರು ಕಾಮೆಂಟ್ ಮಾಡಿದ್ದಾರೆ.
ಬೀಸ್ಟ್ ಚಿತ್ರದ ಈ ಹಾಡನ್ನು ಅನಿರುದ್ಧ ರವಿಚಂದರ್ ಮತ್ತು ಜೋನಿತಾ ಗಾಂಧಿ ಹಾಡಿದ್ದಾರೆ. ವಿಡಿಯೋದಲ್ಲಿ ಲೋಹಿತಾ ರವಿಕಿರಣ್ ಮತ್ತು ಅವರ ಮಗ ಕಿಶನ್ ಅವರ ಡ್ಯಾನ್ಸ್ ಸದ್ಯ ಸಖತ್ ವೈರಲ್ ಆಗಿದೆ.
ಇದನ್ನೂ ಓದಿ:
ಬಟ್ಟೆಯೊಳಗೆ 52 ಹಲ್ಲಿ ಮತ್ತು ಹಾವುಗಳನ್ನು ಅಡಗಿಸಿಟ್ಟುಕೊಂಡು ಗಡಿ ದಾಟುತ್ತಿದ್ದ ವ್ಯಕ್ತಿಯ ಬಂಧನ