Video: ಸತ್ತು ಹೋದ ಆನೆಯ ತಲೆಬುರುಡೆಯನ್ನು ಕಂಡು ರೋಧಿಸಿದ ಹೆಣ್ಣಾನೆ

ದಕ್ಷಿಣ ಆಫ್ರಿಕಾ, ಸೆಪ್ಟೆಂಬರ್ 02: ಸಾವು ಎಂದರೆ ಎಲ್ಲರಿಗೂ ಒಂದು ರೀತಿಯ ಭಯ. ತನ್ನ ಆತ್ಮೀಯ ವ್ಯಕ್ತಿಗಳನ್ನು ಕಳೆದುಕೊಂಡರೆ ಆ ನೋವಿನಿಂದ ಹೊರಬರಲು ವರ್ಷಗಳೇ ಬೇಕು. ಈ ವಿಚಾರದಲ್ಲಿ ಪ್ರಾಣಿಗಳು ಹೊರತಾಗಿಲ್ಲ. ತಮ್ಮವರನ್ನು ಕಳೆದುಕೊಂಡಾಗ ಪ್ರಾಣಿಗಳು ರೋಧಿಸುವ ಹಾಗೂ ಸತ್ತ ಮರಿಯನ್ನು ಅಥವಾ ಸಂಗಾತಿಯನ್ನು ಎಬ್ಬಿಸಲು ಪ್ರಯತ್ನಿಸುವ ಪ್ರಾಣಿ ಪ್ರಪಂಚದ ಭಾವುಕ ಕ್ಷಣದ ವಿಡಿಯೋಗಳನ್ನು ನೀವು ನೋಡಿರುತ್ತೀರಿ. ಆದರೆ ಈ ವಿಡಿಯೋ ಇಂತಹದ್ದೇ ಭಾವುಕ ಕ್ಷಣಕ್ಕೆ ಸಾಕ್ಷಿಯಾಗಿದೆ. ಆನೆಯೊಂದು (Elephant) ಮತ್ತೊಂದು ಆನೆಯ ತಲೆಬುರುಡೆ ಕಂಡೊಡನೆ ಆತಂಕಗೊಂಡಿದ್ದು, ದುಃಖವು ಮುಗಿಲು ಮುಟ್ಟಿದೆ. ಈ ವಿಡಿಯೋವು ದಕ್ಷಿಣ ಆಫ್ರಿಕಾದ ಗ್ರೇಟರ್ ಕ್ರುಗರ್‌ನ ರಾಷ್ಟ್ರೀಯ ಉದ್ಯಾನವನದ್ದು (Greater Kruger National Park of South Africa) ಎನ್ನಲಾಗಿದೆ. ಈ ಭಾವುಕ ಕ್ಷಣದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

readysetsafari ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಲಾಗಿದ್ದು, ಆನೆಯೂ ಮತ್ತೊಂದು ತನ್ನ ಆನೆಯ ತಲೆ ಬುರುಡೆ ನೋಡುತ್ತಿದ್ದಂತೆ ಭಾವುಕಗೊಂಡಿರುವುದನ್ನು ನೀವಿಲ್ಲಿ ಕಾಣಬಹುದು. ಈ ವಿಡಿಯೋದ ಶೀರ್ಷಿಕೆಯಲ್ಲಿ ಮಿಸಾವಾ ಸಫಾರಿ ಕ್ಯಾಂಪ್‌ನಲ್ಲಿ ಈ ಅದ್ಭುತವಾದ ದೃಶ್ಯವೊಂದು ನಮಗೆ ಕಾಣಲು ಸಿಕ್ಕಿತು. ಹೆಣ್ಣು ಆನೆಯ ಪ್ರತಿಕ್ರಿಯೆಯು ಭಾವನಾತ್ಮಕ ಹಾಗೂ ಅನಿರೀಕ್ಷಿತವಾಗಿತ್ತು. ಈ ಕಾರಣಕ್ಕಾಗಿಯೇ ಈ ಆಫ್ರಿಕಾ ತುಂಬಾ ಅದ್ಭುತವಾಗಿದೆ ಎಂದೇಳಬಹುದು. ಮುಂದೆ ನೀವು ಏನು ನೋಡುತ್ತೀರಿ ಎಂದು ನಿಮಗೆ ತಿಳಿದಿರುವುದಿಲ್ಲ. ಆದರೆ ಅದು ವಿಶೇಷವಾಗಿರುತ್ತದೆ ಎಂದು ನಿಮಗೆ ತಿಳಿದಿರುತ್ತದೆ. ಆನೆಗಳ ತಲೆಬುರುಡೆಗಳನ್ನು ನೋಡಿದರೆ ಭಾವನಾತ್ಮಕವಾಗಿ ಜೀವಂತ ಆನೆಗಳು ಪ್ರತಿಕ್ರಿಯಿಸುತ್ತವೆ ಎನ್ನುವ ಬಗ್ಗೆ ನಾವು ಕೇಳಿದ್ದೆವು. ಆದರೆ ಆ ದೃಶ್ಯವನ್ನು  ಎಂದಿಗೂ ನಾವು ನೋಡಿರಲಿಲ್ಲ. ಮಿಸಾವಾ ಸಫಾರಿ ಶಿಬಿರದಲ್ಲಿ ವನ್ಯಜೀವಿ ಚಾಲನೆಯ ಸಮಯದಲ್ಲಿ ಈ ದೃಶ್ಯವನ್ನು ಕಣ್ಣಾರೆ ಕಂಡೆವು ಎಂದು ಬರೆಯಲಾಗಿದೆ.

ಇದನ್ನೂ ಓದಿ

ಹುಟ್ಟಿದ ನಂತರ ಮೊದಲ ಬಾರಿಗೆ ನೀರಿನ ಸ್ಪರ್ಶ

ನೋಡ ನೋಡುತ್ತಿದ್ದಂತೆ ನಡುರಸ್ತೆಯಲ್ಲೇ ಮಿನಿ ಟ್ರಕನ್ನು ಉರುಳಿಸಿದ ಆನೆ

ತಾಯಿಯಿಂದ ಬೆರ್ಪಟ್ಟು ಕೇರಳದ ಶಾಲಾ ಆವರಣಕ್ಕೆ ಎಂಟ್ರಿ ಕೊಟ್ಟ ಮರಿಯಾನೆ

ಚೊಂಪುವಿಗೆ ಚೆಂಡಾಟ ಆಡೋದಂದ್ರೆ ಬಲು ಇಷ್ಟ ನೋಡಿ

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

View this post on Instagram

A post shared by Cara & Van ❤🐘🐆🦏🐃🦁❤ (@readysetsafari)

ದಕ್ಷಿಣ ಆಫ್ರಿಕಾದ ಗ್ರೇಟರ್ ಕ್ರುಗರ್‌ನ ರಾಷ್ಟ್ರೀಯ ಉದ್ಯಾನವನದಲ್ಲಿ ಆನೆಯ ಭಾವುಕ ಕ್ಷಣವನ್ನು ಸಫಾರಿಗೆ ತೆರಳಿದವರು ಸೆರೆ ಹಿಡಿದಿದ್ದಾರೆ. ಈ ವಿಡಿಯೋದಲ್ಲಿ ಹೆಣ್ಣು ಆನೆಯೊಂದು ತಲೆಬುರುಡೆ ಕಂಡೊಡನೆ ಪರೀಕ್ಷಿಸಿದೆ. ಈ ಅಸ್ಥಿ ಪಂಜರವು ಮತ್ತೊಂದು ಆನೆದ್ದು ಎಂದು ಗೊತ್ತಾಗಿದೆ. ಈ ಆನೆಯೂ ಸೊಂಡಿಲು ಹಾಗೂ ಬಾಲವನ್ನು ಜೊತೆಗೆ ಎತ್ತುತ್ತಾ ಜೋರಾಗಿ ಘೀಳಿಸಲು ಶುರು ಮಾಡಿದೆ. ನೆಲವನ್ನು ಕಾಲಿನಿಂದ ತುಳಿದು ಅಲ್ಲಿಂದ ದೂರ ಓಡಿದೆ. ಹೀಗೆ ಓಡಿದ ಆನೆಯೂ ಪೊದೆಯೊಳಗೆ ಹೋಗಿದ್ದು ಅಲ್ಲಿಂದ ಕಣ್ಮರೆಯಾಗಿದೆ.

ಇದನ್ನೂ ಓದಿ:Video: ಹುಟ್ಟಿದ ನಂತರ ಮೊದಲ ಬಾರಿಗೆ ನೀರಿನ ಸ್ಪರ್ಶ, ಆನೆ ಮರಿಯ ಸಂತಸ ನೋಡಿ

ಈ ವಿಡಿಯೋವನ್ನು ಒಂದು ಲಕ್ಷಕ್ಕೂ ಅಧಿಕ ಜನರು ಸ್ಪಂದಿಸಿದ್ದು, ಬಳಕೆದಾರರರು ಆನೆಯೂ ಅಸ್ಥಿ ಪಂಜರ ನೋಡಿ ಪ್ರತಿಕ್ರಿಯಿಸಿದ್ದನ್ನು ನೋಡಿ ಶಾಕ್ ಆಗಿದ್ದಾರೆ. ಬಳಕೆದಾರರೊಬ್ಬರು, ಆನೆಗಳು ಇಷ್ಟು ಭಾವುಕ ಜೀವಿ ಎನ್ನುವುದನ್ನು ಈ ವಿಡಿಯೋದಲ್ಲೇ ನೋಡಿದ್ದು ಎಂದಿದ್ದಾರೆ. ಮತ್ತೊಬ್ಬರು, ಈ ದೃಶ್ಯವು ಕಣ್ಣಂಚಲಿ ನೀರು ತರಿಸಿತು. ಸಾವು ಎಲ್ಲರಿಗೂ ನೋವೇ, ಆ ನೋವನ್ನು ಅರಗಿಸಿಕೊಳ್ಳಲು ಕಷ್ಟ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರ ಈ ಆನೆಯೂ ತುಂಬಾನೆ ಭಾವನಾತ್ಮಕ ಜೀವಿ. ನೈಜತೆ ಅರಗಿಸಿಕೊಳ್ಳಲು ಕಷ್ಟವಾಯಿತು ಎಂದು ಕಾಮೆಂಟ್‌ನಲ್ಲಿ ತಿಳಿಸಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ