Viral Video: ಉಸ್ತಾದ್ ಸ್ಪೈಡರ್ಖಾನ್; ಖಂಡಿತ ಇದು ಜಗತ್ತಿನ ಶಾಂತಿಗಾಗಿ ಅಲ್ಲ!
Tabla Artist : ಸ್ಪೈಡರ್ಮ್ಯಾನ್ ಆದ್ರೂ ಎಷ್ಟಂತ ಫೈಟ್ ಮಾಡ್ತಾನೆ ದುಷ್ಟರೊಂದಿಗೆ. ಅವನಿಗೂ ಸ್ವಲ್ಪ ಶಾಂತಿ ಸಮಾಧಾನ ಬೇಕಲ್ವಾ? ಫೈಟ್ಗೀಟ್ ಎಲ್ಲಾ ಬಿಟ್ಟು ತಬಲಾ ನುಡಿಸೋದೇ ಒಳ್ಳೆಯದು ಎಂದುಕೊಂಡು ರಿಯಾಝ್ಗೆ ಕುಳಿತಿದ್ಧಾನೆ!
Spider Man : ಈಗಷ್ಟೇ ಅಮೆರಿಕದ ಪಾರ್ಕ್ನಲ್ಲಿ ದುಷ್ಕರ್ಮಿಗಳಿಂದ ಹಲ್ಲೆಗೊಳಗಾಗಿ ಮೂಗು ಒಡೆದುಕೊಂಡ ಸ್ಪೈಡರ್ಮ್ಯಾನ್ ಅದೆಷ್ಟು ಬೇಗ ಸುಧಾರಿಸಿಕೊಂಡು ತಬಲಾ ನುಡಿಸುತ್ತ ಕುಳಿತಿದ್ಧಾನೆ! ಎಂದು ಅವಾಕ್ಕಾಗಬೇಡಿ. ಈ ಸ್ಪೈಡರ್ ಮ್ಯಾನ್ಗೂ ಆ ಸ್ಪೈಡರ್ಮ್ಯಾನ್ಗೂ ಸಂಬಂಧವೇ ಇಲ್ಲ. ಆದರೆ ಇವನನ್ನು ನೋಡಿದ ನೆಟ್ಟಿಗರು, ಸ್ಪೈಡರ್ಮ್ಯಾನ್ಗೆ ತಬಲಾ ಸಿಕ್ಕಾಗ! ಸ್ಪೈಡರ್ಮ್ಯಾನ್ ಮನೆಯಲ್ಲಿ ಯಾರೂ ಇಲ್ಲದೇ ಇದ್ದಾಗ ಏನು ಮಾಡುತ್ತಾನೆ ನೋಡಿ. ತಬಲಾ ಕಲಿತು ಕಲಾಕಾರನಾಗಬೇಕೆನ್ನುತ್ತಿರುವ ಸ್ಪೈಡರ್ ಮ್ಯಾನ್. ಅಂಬಾನಿ ಮನೆಯಲ್ಲಿ ಪೀಟರ್ ಪಾರ್ಕರ್. ಉಸ್ತಾದ್ ಪೀಟರ್ ಹುಸೇನ್ ತಬಲಾವಾದನದಲ್ಲಿ. ಸ್ಪೈಡರ್ ಮ್ಯಾನ್ ಸಮ್ ಅನ್ನು ಮುಕ್ತಾಯಗೊಳಿಸಿ… ಅಂತೆಲ್ಲ ಪ್ರತಿಕ್ರಿಯಿಸುತ್ತಿದ್ದಾರೆ.
ಈ ಸ್ಪೈಡರ್ಮ್ಯಾನ್ ವೃತ್ತಿಪರ ಕಲಾವಿದರು. ತಮ್ಮ ಇನ್ಸ್ಟಾಗ್ರಾಂ ಅನುಯಾಯಿಗಳನ್ನು ರಂಜಿಸಲು ಆಗಾಗ ಹೀಗೆ ಸ್ಪೈಡರ್ಮ್ಯಾನ್ನನ್ನು ಆವಾಹಿಸಿಕೊಳ್ಳುತ್ತಾರೆ. ಕ್ರಿಸ್ಮಸ್ ಸಂದರ್ಭದಲ್ಲಿ ಸಾಂತಾನನ್ನು ಆವಾಹಿಸಿಕೊಂಡಿದ್ದರು. ಇದೀಗ ಮತ್ತೆ ಸ್ಪೈಡರ್ಮ್ಯಾನ್. ಈ ವಿಡಿಯೋದಲ್ಲಿ ಇವರು ತೀನ್ತಾಲದಲ್ಲಿ ತಿರಕಿಟ್ ಕಾಯ್ದಾ ನುಡಿಸಿದ್ದಾರೆ. ಈ ಸ್ಪೈಡರ್ಮ್ಯಾನ್ನ ನಿಜರೂಪ ಹೇಗಿದೆ ಎಂದು ತಿಳಿದುಕೊಳ್ಳಲು ಈ ಕೆಳಗಿನ ವಿಡಿಯೋ ನೋಡಿ. ಇವರು ತಬಲಾ ಕಲಾವಿದರಾದ ಕಿರಣ್ ಪಾಲ್ (Kiral Pal).
ಇವರಿಗೆ ತಬಲಾ ಕಲಾವಿದರು ಆಗಲು ಮನಸ್ಸಿತ್ತು ಮತ್ತೆ ಪ್ರಯತ್ನಿಸುತ್ತಿದ್ದರು ಕೂಡ, ಕುಟುಂಬದವರು ಒತ್ತಡ ತಾಳಲಾರದೆ ಸ್ಪೈಡರ್ ಮ್ಯಾನ್ ಆಗಿಬಿಟ್ಟರು ಎಂದು ಒಬ್ಬರು ಹೇಳಿದ್ದಾರೆ. ಸ್ಪೈಡರ್ ಮ್ಯಾನ್ ದುಷ್ಕರ್ಮಿಗಳನ್ನು ಬೆನ್ನಟ್ಟಿದಾಗ ಈ ತಬಲಾವಾದನ ಬ್ಯಾಕ್ಗ್ರೌಂಡ್ ಮ್ಯೂಸಿಕ್ನಲ್ಲಿ ಕೇಳಿಬಂದರೆ ಹೇಗಿರುತ್ತದೆಂದು ಊಹಿಸಿಕೊಳ್ಳಿ ಎಂದಿದ್ಧಾರೆ ಮತ್ತೊಬ್ಬರು. ಸ್ಪೈಡರ್ ಮ್ಯಾನ್ ರಿಟೈರ್ ಆದಮೇಲಿನ ದೃಶ್ಯವಿದು ಎಂದು ಮಗದೊಬ್ಬರು ಹೇಳಿದದ್ದಾರೆ. ಸ್ಪೈಡರ್ಮ್ಯಾನ್ ತಬಲಾ ಕೌನ್ಸೆಲಿಂಗ್ನಲ್ಲಿದ್ದಾರೆ ಎಂದು ಇನ್ನೂ ಒಬ್ಬರು ಹೇಳಿದ್ದಾರೆ. ಮಜಾ ಇದೆಯಲ್ಲ?
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:41 am, Wed, 5 July 23