Viral Video: ಮೋಜಿನ ವಿಜ್ಞಾನ; ಮೊಬೈಲ್​ ದೂರವಿಟ್ಟು ಮಕ್ಕಳನ್ನು ಹತ್ತಿರಕ್ಕೆಳೆದುಕೊಳ್ಳಿ

Experiment : ಮತ್ತೆ ಮೊಬೈಲ್​ ಹಿಡಿದುಕೊಂಡೆಯಾ? ಬಿಡು ಅದನ್ನು ಮೊದಲು. ಮೊಬೈಲ್​ ನೋಡಿಯೇ ನೀನು ಹೀಗಾಡುವುದು. ನೋಡು ಈಗಾಗಲೇ ಕಣ್ಣುಗಳು ಹಾಳಾಗಿ ಹೋಗಿವೆ. ಎಷ್ಟು ಬೈದರೂ ನಿನಗೆ ಅರ್ಥವಾಗುವುದಿಲ್ಲವಲ್ಲ ಮತ್ತದೇ ಮೊಬೈಲ್ ಮೊಬೈಲ್​. ಅದನ್ನ ದೂರ ಎಸೆದು ಬಿಡಬೇಕು! ಎಂದು ಅಬ್ಬರಿಸುತ್ತೀರೇ ಹೊರತು ಮೊಬೈಲ್​ನಿಂದ ಮಕ್ಕಳು ದೂರವಿರಬೇಕು ಎಂದರೆ ನೀವು ಅವರ ಹತ್ತಿರಕ್ಕೆ ಹೋಗಬೇಕು ಎನ್ನುವುದು ನಿಮ್ಮ ಅರಿವಿಗೆ ಬರುವುದೇ ಇಲ್ಲ. ಆದರೆ, ನಿಮ್ಮ ಕೈಯಲ್ಲಿರುವ ಮೊಬೈಲ್​ ಅನ್ನು ದಿನಕ್ಕೆ ಇಷ್ಟು ಗಂಟೆಯಾದರೂ ದೂರವಿಟ್ಟು ಆ ಸಮಯವನ್ನು ಮಕ್ಕಳಗಾಗಿ ವಿನಿಯೋಗಿಸುವುದೊಂದೇ ಪರಿಹಾರ. ಇದೀಗ ಈ ವಿಡಿಯೋ ನೋಡಿ. ಈ ಅಪ್ಪ ನಾಲ್ಕೂ ಮಕ್ಕಳೊಂದಿಗೆ ಮೋಜಿನ ವಿಜ್ಞಾನ (Fun Science) ಪ್ರಯೋಗವನ್ನು ಮಾಡುತ್ತಿದ್ದಾರೆ.

ನಾನು ಇಂಥವರ ಮನೆಯಲ್ಲಿ ಹುಟ್ಟಿ ಬೆಳೆಯಬೇಕಿತ್ತು ಎಂದು ಅನೇಕರು ಹೇಳುತ್ತಿದ್ದಾರೆ. ಈ ತಂದೆ ಎಷ್ಟು ಪ್ರೀತಿಯಿಂದ ಮಕ್ಕಿಳಿಗೆ ಈ ಪ್ರಯೋಗವನ್ನು ಹೇಳಿಕೊಡುತ್ತಿದ್ದಾರೆ. ಮತ್ತೆ ಆ ಮಕ್ಕಳೂ ಕೂಡ ಎಷ್ಟೊಂದು ಮಗ್ನವಾಗಿದ್ದಾರೆ. ಎದುರಿಗೆ ಮೊಬೈಲ್​ನಲ್ಲಿ ಚಿತ್ರೀಕರಿಸಲಾಗುತ್ತಿದೆ ಎನ್ನುವ ಅರಿವಿಲ್ಲದಷ್ಟು! ಎಂದಿದ್ದಾರೆ ಒಬ್ಬರು. ಮಕ್ಕಳನ್ನು ಒಳ್ಳೆಯ ಕುತೂಹಲದೆಡೆ ತಿರುಗಿಸುವಂಥ ಇಂಥ ವಿಡಿಯೋಗಳನ್ನು ಹೆಚ್ಚೆಚ್ಚು ಮಾಡಬೇಕು. ಅವುಗಳಲ್ಲಿ ಹೀಗೆ ಪೋಷಕರೂ ತೊಡಗಿಕೊಳ್ಳಬೇಕು ಎಂದು ಮತ್ತೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ‘ಐ ಕೇಮ್​ ಫ್ರಂ ಹನೇಹಳ್ಳಿ’ ; ಈ ಅಪ್ಪಟ ಅವಿದ್ಯಾವಂತನ ಗಂಟಲೋಳ್​ ಇಳಿದ ಇಂಗ್ಲಿಷ್ 

ಆ ಚಿಕ್ಕಮಗು ಎಷ್ಟು ಮುದ್ದಾಗಿ ಕುತೂಹಲದಿಂದ ಈ ಪ್ರಯೋಗವನ್ನು ವೀಕ್ಷಿಸುತ್ತಿದೆಯಲ್ಲ ಎಂದು ಅನೇಕರು ಪ್ರೀತಿಯ ಹೂಮಳೆ ಸುರಿಸಿದ್ದಾರೆ. ನನ್ನ ಬಾಲ್ಯ ಮತ್ತು ಅಪ್ಪನನ್ನು ಈ ವಿಡಿಯೋ ನೆನಪಿಸುತ್ತಿದೆ ಎಂದು ಹೇಳಿದ್ದಾರೆ ಕೆಲವರು. ಅಪ್ಪ ಅಮ್ಮನಿಗೆ ವಾರಕ್ಕೆ ಎರಡು ರಜೆ ಕೊಡಬೇಕು. ಒಂದು ಮನೆಕೆಲಗಳನ್ನು ನಿರ್ವಹಿಸಲು ಇನ್ನೊಂದು ಮಕ್ಕಳೊಂದಿಗೆ ಕಳೆಯಲು ಎಂದು ಒಂದಿಷ್ಟು ಹೇಳಿದ್ದಾರೆ. ಈಗಲೂ ಮಕ್ಕಳನ್ನು ಇಂಥ ಸಂಗತಿಗಳ ಕಡೆಗೆ ಆಸಕ್ತಿ ಹುಟ್ಟುವಂತೆ ಖಂಡಿತ ಮಾಡಬಹುದು, ಮೊಬೈಲ್​ನಿಂದ ದೂರವಿರಿಸಬಹುದು ಎಂಬ ಭರವಸೆ ಇದನ್ನು ನೋಡಿದ ಮೇಲೆ ಅನ್ನಿಸುತ್ತಿದೆ, ನಾನೂ ನನ್ನ ಮಕ್ಕಳೊಂದಿಗೆ ಪ್ರಯತ್ನಿಸುವೆ ಎಂದಿದ್ದಾರೆ ಒಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ