ಈ ವರ್ಷ 18.90 ಲಕ್ಷಕ್ಕೆ ಹರಾಜಾಯ್ತು ಹೈದರಾಬಾದ್ನ ಚಿನ್ನದ ಲೇಪಿತ ಬಾಲಾಪುರ ಗಣೇಶನ ಲಡ್ಡು
Viral News: ಮೊದಲಿಗೆ 1,116 ರೂಪಾಯಿಯಿಂದ ಹರಾಜು ಪ್ರಕ್ರಿಯೆ ಆರಂಭವಾಯಿತು. ಹರಾಜು ಪ್ರಕ್ರಿಯೆಯಲ್ಲಿ ನೂರಾರು ಭಕ್ತರು ಸೇರಿದ್ದು ಅಧಿಕ ಮೌಲ್ಯಕ್ಕೆ ಗಣೇಶನ ಫೇಮಸ್ ಲಡ್ಡು ಹರಾಜಾಗಿದೆ.
ಹೈದರಾಬಾದ್ನಲ್ಲಿ ಫೇಮಸ್ ಆಗಿರುವ 21ಕೆಜಿಯ ಬಾಲಾಪುರ ಗಣೇಶನ ಲಡ್ಡು ಭಾನುವಾರ ಹರಾಜು ಪ್ರಕ್ರಿಯೆಯಲ್ಲಿ 18.90 ಲಕ್ಷಕ್ಕೆ ಮಾರಾಟಾಗಿದೆ. ಆಂಧ್ರ ಪ್ರದೇಶದ ಎಮ್ಎಲ್ಸಿ ರಮೇಶ್ ಯಾದವ್, ಲಡ್ಡುವನ್ನು ಖರೀದಿಸಿದ್ದಾರೆ. ಲಡ್ಡು ಸುಮಾರು 21 ಕೆಜಿಯಷ್ಟಿದ್ದು, ಚಿನ್ನ ಲೇಪಿತ ಫೇಮಲ್ ಲಡ್ಡುವಾಗಿದೆ.
ಮೊದಲಿಗೆ 1,116 ರೂಪಾಯಿಯಿಂದ ಹರಾಜು ಪ್ರಕ್ರಿಯೆ ಆರಂಭವಾಯಿತು. ಹರಾಜು ಪ್ರಕ್ರಿಯೆಯಲ್ಲಿ ನೂರಾರು ಭಕ್ತರು ಸೇರಿದ್ದು ಅಧಿಕ ಮೌಲ್ಯಕ್ಕೆ ಗಣೇಶನ ಫೇಮಸ್ ಲಡ್ಡು ಹರಾಜಾಗಿದೆ. ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿಗೆ ಈ ಲಡ್ಡುವನ್ನು ಉಡುಗೊರೆಯಾಗಿ ನೀಡುವುದಾಗಿ ರಮೇಶ್ ಯಾದವ್ ಹೇಳಿದ್ದಾರೆ.
2020ರಲ್ಲಿಕೊವಿಡ್ 19 ಸಾಂಕ್ರಾಮಿಕ ನಿರ್ಬಂಧಗಳಿಂದ ಹರಾಜು ಪ್ರಕ್ರಿಯೆ ನಡೆಸಲಿಲ್ಲ. ಅದರ ಬದಲಾಗಿ ತೆಲಂಗಾಣ ಮುಖ್ಯಮಂತ್ರಿ ಕೆ ಚಂದ್ರಶೇಖರ್ ರಾವ್ ಅವರಿಗೆ ನೀಡಲಾಗಿತ್ತು. ಅದಕ್ಕೂ ಮೊದಲು 2019ರಲ್ಲಿ ಬಾಲಾಪುರ ನಿವಾಸಿ ಕೊಲಾನ್ ರೆಡ್ಡಿ ಎಂಬುವವರು ಹರಾಜನ್ನು ಗೆದ್ದಿದ್ದರು. ಆಗ ಲಡ್ಡು 17.60 ಲಕ್ಷಕ್ಕೆ ಮಾರಾಟವಾಗಿತ್ತು.
ಪ್ರತೀವರ್ಷ ಲಡ್ಡು ಹರಾಜಿನ ಬಳಿಕ ಗಣೇಶ ವಿಸರ್ಜನಾ ಮೆರವಣಿಗೆ ಆರಂಭವಾಗುತ್ತದೆ. ಮೆರವಣಿಗೆಗೆ ಹಲವು ಭಾಗಗಳಿಂದ ಬಂದ ಭಕ್ತರು ಸೇರುತ್ತಾರೆ. ಪ್ರಾರಂಭದಿಂದ ಇಲ್ಲಿಯವರೆಗೆ ಪ್ರತಿ ವರ್ಷವೂ ಬಾಲಾಪುರ ಗಣೇಶ ಉತ್ಸವ ಸಮಿತಿ ಹರಾಜು ಪ್ರಕ್ರಿಯೆಯನ್ನು ನಡೆಸಿಕೊಂಡು ಬರುತ್ತಿದೆ. 1994ರಲ್ಲಿ ಮೊದಲಿಗೆ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಲಡ್ಡು 450 ರೂಪಾಯಿಗೆ ಮಾರಾಟವಾಗಿತ್ತು ಎಂಬ ಮಾಹಿತಿ ವರದಿಗಳಿಂದ ತಿಳಿದು ಬಂದಿದೆ. ಪ್ರತೀ ವರ್ಷ ರಾಜಕಾರಣಿಗಳು, ಉದ್ಯಮಿಗಳು ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸುತ್ತಾರೆ. ಕುಟುಂಬ ಸ್ನೇಹತರೊಂದಿಗೆ ಲಡ್ಡುವನ್ನು ಪ್ರಸಾದವಾಗಿ ಸ್ವೀಕರಿಸುತ್ತಾರೆ.
ಇದನ್ನೂ ಓದಿ:
(This year 2021 gold planet balapur ganesha Laddu Auction RS 18.90 Lakh)
Published On - 9:08 am, Mon, 20 September 21