Uber Cab: ಬಳಕೆದಾರರ ಫೋನ್ ಬ್ಯಾಟರಿ ಕಮ್ಮಿ ಇದ್ದರೆ ಉಬರ್ ಕ್ಯಾಬ್ ಹೆಚ್ಚು ಶುಲ್ಕ ವಿಧಿಸುತ್ತಿದೆಯೇ?

ನಿಮ್ಮ ಫೋನಿನಲ್ಲಿ ಬ್ಯಾಟರಿ (Phone Battery) ಕಮ್ಮಿ ಇದ್ದು ನೀವು ಮನೆಗೆ ಬೇಗ ತೆರಳಬೇಕು ಎಂಬ ಕಾರಣಕ್ಕೆ ಉಬರ್ (Uber Cabs) ಬುಕ್ ಮಾಡಿದ್ದೀರಿ ಎಂದು ಭಾವಿಸೋಣ. ಆದರೆ ಪ್ರಯಾಣ ದರ (Cab Price) ಮಾಮೂಲಿಗಿಂತ ಜಾಸ್ತಿ ಇರುವುದನ್ನು ಕಂಡು ಬೆಚ್ಚಿ ಬಿದ್ದಿದ್ದಿರಾ? ಈ ರೀತಿಯ ಅನುಭವ ನಿಮಗಾಗಿದೆಯಾ? ಬೆಲ್ಜಿಯಂನ ಬ್ರಸೆಲ್ಸ್‌ನಲ್ಲಿರುವ ಉಬರ್ ಕ್ಯಾಬ್ ಬಳಕೆದಾರರಿಗೆ ಇದೇ ರೀತಿಯ ಅನುಭವವಾಗಿದೆ. ಉಬರ್ ಬಳೆಕೆದಾರರ ಸ್ಮಾರ್ಟ್‌ಫೋನ್ ಬ್ಯಾಟರಿ ಮಟ್ಟಕ್ಕೆ ಅನುಗುಣವಾಗಿ ಬೆಲೆಗಳನ್ನು ಪರಿಷ್ಕರಿಸಲಾಗುತ್ತಿದೆ ಎಂದು ಆರೋಪಿಸಲಾಗಿದೆ. ಬ್ರಸೆಲ್ಸ್‌ನಲ್ಲಿನ ಬಳಕೆದಾರರು ಒಂದೇ ರೀತಿಯ ಅಥವಾ ಒಂದೇ ಸ್ಥಳಕ್ಕೆ ಪ್ರಯಾಣಿಸಬೇಕಾದಾಗ ವಿಭಿನ್ನ ದರಗಳು ತೋರಿಸಲಾಗುತ್ತಿದೆ ಎಂದು ವರದಿ ಮಾಡಿದ್ದಾರೆ, ಬ್ರಸೆಲ್ಸ್ ಟೈಮ್ಸ್‌ನಲ್ಲಿನ ವರದಿಯ ಮಾಡಲಾಗಿದೆ.

ಬ್ರಸೆಲ್ಸ್‌ನಲ್ಲಿರುವ ಬಳಕೆದಾರರಿಗೆ ಅವರ ಫೋನ್ ಬ್ಯಾಟರಿ ಮಟ್ಟವನ್ನು ಆಧರಿಸಿ ಉಬರ್ ಅಪ್ಲಿಕೇಶನ್ ತನ್ನ ಬೆಲೆಯನ್ನು ಹೇಗೆ ಪರಿಷ್ಕರಿಸುತ್ತದೆ ಎಂಬುದನ್ನು ನೋಡುವ ಸಣ್ಣ ಅಧ್ಯಯನವನ್ನು ನಡೆಸಿದೆ. ಆದಾಗ್ಯೂ, ಬಳಕೆದಾರರ ಫೋನ್ ಬ್ಯಾಟರಿ ಮಟ್ಟಗಳು ಮತ್ತು ಸವಾರಿ ದರಗಳ ನಡುವಿನ ಯಾವುದೇ ಸಹ-ಸಂಬಂಧದ ಆರೋಪವನ್ನು ಉಬರ್ ಕಂಪನಿ ವಜಾಗೊಳಿಸಿದೆ.

ಅಧ್ಯಯನ

ಇದನ್ನು ಅರ್ಥಮಾಡಿಕೊಳ್ಳಲು, ಬೆಲ್ಜಿಯಂನ ದಿನಪತ್ರಿಕೆ ಡೆರ್ನಿಯರ್ ಹ್ಯೂರ್ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಬಳಸಿದರು, ಎರಡರ ಬ್ಯಾಟರಿ ಮಟ್ಟಗಳು ವಿಭಿನ್ನವಾಗಿತ್ತು. ಒಂದರಲ್ಲಿ ಶೇ 84ರಷ್ಟು ಬ್ಯಾಟರಿ ಇದ್ದರೆ, ಇನ್ನೊಂದು ಮೊಬೈಲ್‌ನಲ್ಲಿ ಶೇ 12ರಷ್ಟು ಮಾತ್ರ ಬ್ಯಾಟರಿ ಇತ್ತು. ಅವರು ಬ್ರಸೆಲ್ಸ್‌ನಲ್ಲಿರುವ ತಮ್ಮ ಕಚೇರಿಯಿಂದ ಕೇಂದ್ರದಲ್ಲಿರುವ ಟೂರ್ ಮತ್ತು ಟ್ಯಾಕ್ಸಿಗಳಿಗೆ ಸವಾರಿ ಮಾಡಲು ವಿನಂತಿಸಲು ಫೋನ್‌ಗಳನ್ನು ಬಳಸಿದರು.
ಈ ರೀತಿ ಎರಡೂ ಸ್ಮಾರ್ಟ್‌ಫೋನ್‌ಗಳಿಂದ ಬುಕ್ ಮಾಡಲಾದ ಕ್ಯಾಬ್ ದರದ ಬೆಲೆಗಳಲ್ಲಿ ಗಮನಾರ್ಹ ಬೆಲೆ ವ್ಯತ್ಯಾಸವಿದೆ ಎಂದು ಕಂಡುಕೊಂಡರು.

12 ಪ್ರತಿಶತ ಬ್ಯಾಟರಿ ಹೊಂದಿರುವ ಫೋನ್‌ಗೆ €17.56 (ರೂ.1,568) ಶುಲ್ಕ ವಿಧಿಸಲಾಗಿದೆ ಮತ್ತು 84 ಪ್ರತಿಶತ ಬ್ಯಾಟರಿ ಹೊಂದಿರುವ ಫೋನ್‌ಗೆ ಅದೇ ದೂರಕ್ಕೆ €16.6 (ರೂ.1,482) ದರವನ್ನು ತೋರಿಸಲಾಗಿದೆ.

ಯುಎಸ್ ಮೂಲದ ಕಂಪನಿ ಉಬರ್, ಫೋನ್‌ನ ಬ್ಯಾಟರಿ ಎಷ್ಟು ಚಾರ್ಜ್ ಉಳಿದಿದೆ ಎಂಬುದರ ಮೇಲೆ ಪಾವತಿಯನ್ನು ನಿರ್ಧರಿಸಲಾಗುತ್ತದೆ ಎಂದು ಹೇಳುವ ಆರೋಪಗಳನ್ನು ನಿರಾಕರಿಸಿದೆ, ಅಪ್ಲಿಕೇಶನ್ ಬಳಕೆದಾರರ ಬ್ಯಾಟರಿಯನ್ನು ಅಳೆಯಲು ಸಾಧ್ಯವಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: ಜುಲೈ 1 ರಿಂದ ಅಮರನಾಥ ಯಾತ್ರೆ ಪ್ರಾರಂಭ; ಏಪ್ರಿಲ್ 17 ರಿಂದ ನೋಂದಣಿಗೆ ಅವಕಾಶ

ಉಬರ್ ವಕ್ತಾರರು ಮಾಧ್ಯಮಕ್ಕೆ, “ಉಬರ್ ಪ್ರವಾಸದ ಬೆಲೆಯನ್ನು ಲೆಕ್ಕಾಚಾರ ಮಾಡಲು ಫೋನ್‌ನ ಬ್ಯಾಟರಿ ಮಟ್ಟವನ್ನು ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಉಬರ್ ಮೂಲಕ ಬುಕ್ ಮಾಡಲಾದ ಟ್ರಿಪ್‌ಗಳಿಗೆ ಅನ್ವಯಿಸಲಾದ ಬೆಲೆಯನ್ನು ಆ ಸಮಯದಲ್ಲಿ ಕ್ಯಾಬ್​ಗಳಿಗೆ ಇರುವ ಬೇಡಿಕೆ ಮತ್ತು ಚಾಲಕರ ಪೂರೈಕೆಯ ಮೇಲೆ ನಿರ್ಧರಿಸಲಾಗುತ್ತದೆ.” ಎಂದು ತಿಳಿಸದಿದ್ದರು.

ಪೀಕ್ ಸಮಯದಲ್ಲಿ, ಒಂದು ನಿರ್ದಿಷ್ಟ ಭೌಗೋಳಿಕ ಪ್ರದೇಶದಲ್ಲಿ ಹೆಚ್ಚಿನ ಸವಾರಿ ವಿನಂತಿಗಳು ಮತ್ತು ಕೆಲವು ಲಭ್ಯವಿರುವ ಡ್ರೈವರ್‌ಗಳು ಇದ್ದಾಗ, ಇದು ಪ್ರವಾಸದ ಬೆಲೆಯ ಮೇಲೆ ಪರಿಣಾಮ ಬೀರಬಹುದು ಎಂದು ಸ್ಪಷ್ಟನೆ ನೀಡಿದರು. ಈ ಹಿಂದೆಯೂ ಸಹ, ಉಬರ್ ತನ್ನ ಬಳಕೆದಾರರ ಬ್ಯಾಟರಿ ಅವಧಿಯ ಲಾಭವನ್ನು ಪಡೆದಿದೆ ಎಂದು ಆರೋಪಿಸಲಾಗಿದೆ ಎಂದು ಟೈಮ್ಸ್ ನೌ ವರದಿ ತಿಳಿಸಿದೆ.