Viral News: ಪ್ರೇಯಸಿಗಾಗಿ ಹುಡುಗಿಯಂತೆ ಡ್ರೆಸ್ ಧರಿಸಿ, ಮೇಕಪ್ ಮಾಡಿಕೊಂಡು ಪರೀಕ್ಷೆ ಬರೆದ ಪ್ರೇಮಿ!

ಪ್ರೀತಿಯಲ್ಲಿ ಬಿದ್ದವರಿಗೆ ಯಾವುದೂ ತಪ್ಪು ಎಂದು ಕಾಣುವುದಿಲ್ಲ. ಈಗಂತೂ ಪ್ರತಿಯೊಬ್ಬರೂ ಮಾಸ್ಕ್ ಧರಿಸುವುದು ಕಡ್ಡಾಯವಾದ್ದರಿಂದ ಯಾರು ಯಾರೆಂಬುದು ಕೂಡ ಕಂಡುಹಿಡಿಯುವುದು ಸುಲಭವಲ್ಲ. ತನ್ನ ಪ್ರೇಯಸಿಯನ್ನು ಬಹಳ ಪ್ರೀತಿಸುತ್ತಿದ್ದ ಯುವಕನೊಬ್ಬ ಆಕೆಯಂತೆಯೇ ಹುಡುಗಿಯ ಡ್ರೆಸ್ ಹಾಕಿಕೊಂಡು ಆಕೆಯ ಬದಲು ಆಕೆಯ ಪರೀಕ್ಷೆ ಬರೆದಿರುವ ವಿಚಿತ್ರ ಮತ್ತು ಶಾಕಿಂಗ್ ಘಟನೆ ಸೆನೆಗಲ್​ನಲ್ಲಿ ನಡೆದಿದೆ.

ಸೆನೆಗಲ್​ನ ಗ್ಯಾಸ್ಟನ್ ಬರ್ಗರ್ ಯುನಿವರ್ಸಿಟಿಯಲ್ಲಿ ಈ ಘಟನೆ ನಡೆದಿದೆ. ತನ್ನ ಪ್ರೇಯಸಿ ಪರೀಕ್ಷೆಯಲ್ಲಿ ಪಾಸ್ ಆಗುವುದಿಲ್ಲ ಎಂಬ ಭಯದಲ್ಲಿ ಆಕೆಯ ಬದಲಾಗಿ ತಾನೇ ಆಕೆಯ ಸಿಲೆಬಸ್ ಓದಿಕೊಂಡು, ಹುಡುಗಿಯಂತೆ ಡ್ರೆಸ್ ಮಾಡಿಕೊಂಡು ಆಕೆಯ ಹೆಸರಿನಲ್ಲಿ ಪರೀಕ್ಷೆ ಬರೆದು ಬಂದಿದ್ದಾನೆ 22 ವರ್ಷದ ಭೂಪ. ಆದರೆ, ಪರೀಕ್ಷೆ ಬರೆಯುವಾಗಲೇ ಆತ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದಾನೆ. ಇದರಿಂದ ತನ್ನ ಪ್ರೇಯಸಿಯ ಭವಿಷ್ಯಕ್ಕೆ ತಾನೇ ತೊಡಕಾಗಿದ್ದಾನೆ.

ಗ್ಯಾಸ್ಟಮ್ ಬರ್ಗರ್ ಯುನಿವರ್ಸಿಟಿಯ ಖಾದಿಮ್ ಎಂಬೂಪ್ ಎಂಬಾತ ಹುಡುಗಿಯಂತೆ ಡ್ರೆಸ್ ಧರಿಸಿ, ಮೇಕಪ್ ಮಾಡಿಕೊಂಡು, ತಲೆಗೆ ಸ್ಕಾರ್ಫ್ ಧರಿಸಿಕೊಂಡು, ಕಿವಿಯೋಲೆ ಹಾಕಿಕೊಂಡು ಮುಖಕ್ಕೆ ಮಾಸ್ಕ್ ಧರಿಸಿಕೊಂಡು ಪರೀಕ್ಷಾ ಹಾಲ್​ಗೆ ಹೋಗಿದ್ದಾನೆ. ಇದೇ ರೀತಿ ಯಾಮಾರಿಸಿ ಮೂರು ಪರೀಕ್ಷೆಗಳನ್ನು ಬರೆದ ಆ ಯುವಕ ನಾಲ್ಕನೇ ದಿನ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಆತನನ್ನು ಪೊಲೀಸರು ಬಂಧಿಸಿ, ಪೊಲೀಸ್ ಸ್ಟೇಷನ್​ಗೆ ಕರೆದುಕೊಂಡು ಹೋಗಿದ್ದಾರೆ.

ಇದನ್ನೂ ಓದಿ: Crime News: ಆನ್​ಲೈನ್​ ಗೇಮ್​ನಲ್ಲಿ 40,000 ರೂ. ಕಳೆದುಕೊಂಡ 13 ವರ್ಷದ ಬಾಲಕ; ಅಮ್ಮ ಬೈದಿದ್ದಕ್ಕೆ ಬೇಸರಗೊಂಡು ಆತ್ಮಹತ್ಯೆ

Viral News: ತಾಳಿ ಕಟ್ಟುವ ಹೊತ್ತಲ್ಲಿ ಮದುವೆ ಬೇಡವೆಂದ ವಧು; ಕಾರಣ ಕೇಳಿದ್ರೆ ಶಾಕ್ ಆಗ್ತೀರ

(Viral News: Man dresses up as his Lover to appear for girlfriend exam get Arrested in Exam Hall)