Viral Video: ವೆಡ್ಡಿಂಗ್ ಕೇಕ್ನಲ್ಲಿ ಪುಟ್ಟನಾಯಿ; ವರನನ್ನು ಅಚ್ಚರಿಗೊಳಿಸಿದ ವಧು
Dog Love: ಮದುವೆಯಲ್ಲಿ ಕುಟುಂಬದವರು ಸ್ನೇಹಿತರು ವಧುವರರಿಗೆ ನೀಡುವ ಅಚ್ಚರಿಗಳು ಒಂದೆಡೆಯಾದರೆ ವಧು ಮತ್ತು ವರರು ಪರಸ್ಪರ ನೀಡುವ ಅಚ್ಚರಿಗಳು ಯಾವತ್ತೂ ವಿಶೇಷವಾಗಿರುತ್ತವೆ ಮತ್ತು ಇತರರ ಊಹೆಗೆ ಸುಲಭವಾಗಿ ನಿಲುಕಲಾರವು. ಇದೀಗ ವಧುವೊಬ್ಬಳು ವರನ ನೆಚ್ಚಿನ ನಾಯಿಮರಿಯನ್ನು ಪುಟ್ಟದಾಗಿ ಕೇಕ್ನಲ್ಲಿ ಅರಳಿಸಿ ಅವನನ್ನು ಮದುಗೊಳಿಸಿದ್ದಾಳೆ.
Wedding Cake: ವಧು ವರನನ್ನು ಕರೆದುಕೊಂಡು ಕೇಕ್ ಇದ್ದಲ್ಲಿಗೆ ಕರೆದುಕೊಂಡು ಬರುತ್ತಾಳೆ. ಕೇಕ್ ನೋಡುತ್ತಿದ್ದಂತೆ ವರ ಅಚ್ಚರಿಗೆ ಒಳಗಾಗುತ್ತಾನೆ. ಏಕೆಂದರೆ ಆ ಕೇಕ್ನಲ್ಲಿ ವರನ ನಾಯಿಮರಿಯ (Dog) ಪುಟ್ಟ ಆಕೃತಿ ಅರಳಿರುತ್ತದೆ. ಈ ಮೂಲಕ ವಧು ವರನಿಗೆ ಸರ್ಪ್ರೈಝ್ ಕೊಡುವ ವಧುವಿನ ಉದ್ದೇಶ ಈಡೇರಿ ಇಬ್ಬರ ಮುಖದಲ್ಲೂ ಸಂತಸ ಮೂಡುತ್ತದೆ. ಈ ವಿಡಿಯೋ ಇನ್ಸ್ಟಾಗ್ರಾಂನಲ್ಲಿದ್ದು ನೆಟ್ಟಿಗರು ಕುತೂಹಲದಿಂದ ಮುದ್ದಾದ ಈ ಕೇಕ್ ಅನ್ನು ನೋಡುತ್ತಿದ್ದಾರೆ. ವೆಡ್ಡಿಂಗ್ ಕಂಟೆಂಟ್ ಕ್ರಿಯೇಟರ್ ಯುಕೆ ಎಂಬ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ.
ಇದನ್ನೂ ಓದಿ : Viral: ‘ನನ್ನದು ಭಾರತದಲ್ಲಿ ತಯಾರಿಸಿದ ಐಫೋನ್’ ಹೆಮ್ಮೆಪಟ್ಟ ನಟ ಮಾಧವನ್
ಈ ವಿಡಿಯೋ ಅನ್ನು ಆ. 21ರಂದು ಹಂಚಿಕೊಳ್ಳಲಾಗಿದೆ. ಈತನಕ ಸುಮಾರು 3 ಮಿಲಿಯನ್ ಜನರು ಇದನ್ನು ನೋಡಿದ್ದಾರೆ. 2.7 ಲಕ್ಷ ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ವಧುವಿನ ಇಚ್ಛೆ ಪೂರ್ಣಗೊಂಡ ಬಗ್ಗೆ ಮತ್ತು ವರನ ಮುಖದಲ್ಲಿ ಆ ಕೇಕ್ ನೋಡಿ ಅರಳಿದ ಅಚ್ಚರಿಯ ಭಾವದ ಬಗ್ಗೆ ತಮ್ಮ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸಿದ್ದಾರೆ.
ವೆಡ್ಡಿಂಗ್ ಕೇಕ್ನಲ್ಲಿ ವಧುವಿನ ನಾಯಿ
View this post on Instagram
ಅವನು ನಾಯಿಯನ್ನು ನೋಡುತ್ತಿದ್ದಂತೆ ಅವನ ಮುಖಭಾವವೇ ಬದಲಾಯಿತು ಎಂದಿದ್ದಾರೆ ಒಬ್ಬರು. ಅವಳಿಗೆ ಪ್ರೀತಿ ಬಿಟ್ಟರೆ ಬೇರೆ ಏನೂ ಬೇಕಿಲ್ಲ ಬದುಕಿನಲ್ಲಿ ಎನ್ನುವುದು ಅವನಿಗೆ ಈ ಮೂಲಕ ಮನದಟ್ಟಾಯಿತು ಎಂದಿದ್ದಾರೆ ಇನ್ನೊಬ್ಬರು. ಅವನಿಗೆ ಎಷ್ಟು ಖುಷಿಯಾಗಿದೆ ಎಂದರೆ, ಆ ಇಡೀ ರಾತ್ರಿ ಅವನು ನಿದ್ರಿಸಿರುವುದಿಲ್ಲ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral: ತನ್ನ ಅಚ್ಚುಮೆಚ್ಚಿನ ‘ಜೀವಂತ ತಲೆದಿಂಬಿನೊಂದಿಗೆ’ ತಪ್ಪಿಸಿಕೊಂಡಿದ್ದ ಎರಡು ವರ್ಷದ ಹೆಣ್ಣುಮಗು
ಅವನಿನ್ನು ಆಕೆಗೆ ಒಂದಿಷ್ಟು ಸಾಕುಪ್ರಾಣಿಗಳನ್ನು ಉಡುಗೊರೆಯಾಗಿ ಕೊಡಬಹುದು ಎಂದಿದ್ಧಾರೆ ಒಬ್ಬರು. ಆಕೆ ಅವನನ್ನು ಮತ್ತು ಅವನ ಇಂಗಿತವನ್ನು ಎಷ್ಟು ಪ್ರೀತಿಸುತ್ತೇನೆ ಎಂದು ತೋರಿಸುವುದರ ದ್ಯೋತಕ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
