Viral Video: ಆಕೆ ಪ್ರಕಾಶಮಾನವಾಗಿ ಕಂಗೊಳಿಸಬೇಕು; ವಧುವಿಗೆ ಎಲ್ಇಡಿ ಲೆಹೆಂಗಾ ವಿನ್ಯಾಸ ಮಾಡಿದ ವರ
Marriage: ತನ್ನ ಹುಡುಗಿಯನ್ನು ಮೆಚ್ಚಿಸಲು ತಾನೇನೆಲ್ಲ ಮಾಡಬೇಕು ಎಂದು ಹುಡುಗ ಯೋಚಿಸುತ್ತಲೇ ಇರುತ್ತಾನೆ. ಆದರೆ ಈತನಕ ಇಂಥ ಆಲೋಚನೆ ನಿಮಗೆಂದಾದರೂ ಹೊಳೆದಿತ್ತೆ? ತನ್ನ ಹುಡುಗಿ ಪ್ರಕಾಶಮಾನವಾಗಿ ಹೊಳೆಯಬೇಕು ಎಂಬ ಆಶಯದಿಂದ ಸ್ವತಃ ತಾನೇ ಆಕೆಗೆ ಎಲ್ಇಡಿ ಬಲ್ಬ್ನಿಂದ ವಿನ್ಯಾಸಗೊಳಿಸಿದ್ದಾನೆ. ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ.
Updated on: Sep 07, 2023 | 6:25 PM
Wedding: ಮದುವೆಯೆಂದರೆ ವಧುವರರಿಗೆ (Bride and Groom) ನೂರಾರು ಕನಸುಗಳು. ಎಲ್ಲರಿಗಿಂತ ಭಿನ್ನವಾಗಿ ತಮ್ಮ ಮದುವೆ ನೆರವೇರಬೇಕು. ಬಂದವರ ಸ್ಮೃತಿಪಟಲದಲ್ಲಿ ಆ ಸಂಭ್ರಮ ಅಚ್ಚಳಿಯದೇ ಉಳಿಯಬೇಕು. ಎಲ್ಲಕ್ಕಿಂಥ ಮುಖ್ಯವಾಗಿ ತಾವು ವಿಶೇಷವಾಗಿ ಅಲಂಕರಿಸಿಕೊಳ್ಳಬೇಕು ಇತ್ಯಾದಿ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ, ವರನೊಬ್ಬ ವಧುವಿಗೆ ತಾನೇ ವಿಶೇಷವಾದ ಲೆಹೆಂಗಾ ವಿನ್ಯಾಸ ಮಾಡಿದ್ದಾನೆ. ಮದುವೆಯ ದಿನ ಆಕೆ ಪ್ರಕಾಶಮಾನವಾಗಿ ಹೊಳೆಯಬೇಕು ಎನ್ನುವ ಕಾರಣಕ್ಕಾಗಿ ಆಕೆಯ ಲೆಹೆಂಗಾತುಂಬಾ ಎಲ್ಇಡಿ ಬಲ್ಬ್ ಬೆಳಗುವಂತೆ ಮಾಡಿದ್ದಾನೆ.
ಇದನ್ನೂ ಓದಿ : Viral Video: ಲಂಡನ್; ಮಧ್ಯರಾತ್ರಿ ರಸ್ತೆಯಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದ 12 ಅಡಿಯ ದೈತ್ಯಹೆಬ್ಬಾವು
ಒಂದುವಾರದ ಹಿಂದೆ ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ ಈ ವಿಡಿಯೋಗೆ ಸುಮಾರು 2,000ಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. 2.5 ಲಕ್ಷ ಜನರು ನೋಡಿದ್ದಾರೆ. ನೂರಾರು ಜನರು ತಮ್ಮ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ವಧು ರೆಹಬ್ ಡೇನಿಯಲ್ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿದ್ದಾಳೆ.
ಎಲ್ಇಡಿ ಲೆಹಂಗಾ ಧರಿಸಿರುವ ವಧುವಿನ ವಿಡಿಯೋ
View this post on Instagram
‘ನನ್ನ ಗಂಡನೇ ಈ ಲೆಹೆಂಗಾ ವಿನ್ಯಾಸ ಮಾಡಿದ್ದಾರೆ. ಇದನ್ನು ಧರಿಸಿದಾಗ ಜನರು ಗೇಲಿ ಮಾಡಬಹುದು ಎಂದು ಕೆಲವರು ಹೇಳಿದರು. ಆದರೆ ನಾನಿದನ್ನು ಅತ್ಯಂತ ಹೆಮ್ಮೆಯಿಂದ ಧರಿಸಿದ್ದೇನೆ. ಏಕೆಂದರೆ ಈತನಕ ಯಾವ ಮದುವಣಗಿತ್ತಿಯೂ ಇಂಥ ಪ್ರಯತ್ನವನ್ನು ಮಾಡಿಲ್ಲ.’ ಎಂದಿದ್ದಾರೆ.
ಇದನ್ನೂ ಓದಿ : Viral Video: ಜಪಾನ್; ಅಂಡರ್ಗ್ರೌಂಡ್ ಸೈಕಲ್ ಪಾರ್ಕಿಂಗ್ ವಿಡಿಯೋ ವೈರಲ್
ಮೆಚ್ಚಿಸಲು ಅತಿಯಾಗಿ ಪ್ರಯತ್ನಿಸಬೇಡಿ ಎಂದು ನಿಮ್ಮ ಗಂಡನಿಗೆ ಹೇಳಿ ಎಂದಿದ್ದಾರೆ ಒಬ್ಬರು. ಸರಳತನವೇ ಜೀವನ, ಈ ಆಡಂಬರ ಎಂದೂ ಒಳ್ಳೆಯದಲ್ಲ, ಪರಸ್ಪರರ ಮನಸ್ಸನ್ನು ಅರ್ಥ ಮಾಡಿಕೊಂಡು ಹೋಗುವುದರ ಕಡೆ ಗಮನ ಕೊಡಿ ಎಂದಿದ್ದಾರೆ ಇನ್ನೊಬ್ಬರು. ಹಣ ಇದೆಯೆಂದು ವೈಭವವನ್ನು ಪ್ರದರ್ಶಿಸುವುದು ಸರಿಯಲ್ಲ, ಇದನ್ನೇ ಬಡಬಗ್ಗರಿಗೆ ದಾನ ಮಾಡಿದ್ದರೆ ಪುಣ್ಯ ಲಭಿಸುತ್ತಿತ್ತು ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ಲೋಕಲ್ ಟ್ರೇನ್ನಲ್ಲಿ ಪಾನೀಪೂರಿ ಮಾರಾಟ; ಈ ಐಡಿಯಾ ಏನೋ ಚೆನ್ನಾಗಿದೆ ಆದರೆ…
ಏನೇ ಹೇಳಿ, ಇಂಥ ಐಡಿಯಾ ಬಹುಶಃ ನಿಮ್ಮ ಗಂಡನಿಗೆ ಮಾತ್ರ ಹೊಳೆಯಲು ಸಾಧ್ಯ! ನಿಮ್ಮಿಬ್ಬರಿಗೂ ಒಳ್ಳೆಯದಾಗಲಿ ಎಂದಿದ್ದಾರೆ ಒಬ್ಬರು. ಮನಸ್ಸು ಹೊಳೆದರೆ ಎಲ್ಲವೂ ಹೊಳೆಯುತ್ತದೆ ಎಂದು ಇನ್ನೊಬ್ಬರು ಹೇಳಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
