Viral Video: ಲಂಡನ್; ಮಧ್ಯರಾತ್ರಿ ರಸ್ತೆಯಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದ 12 ಅಡಿಯ ದೈತ್ಯಹೆಬ್ಬಾವು
London: ಲಂಡನ್ನ ರಸ್ತೆಯಲ್ಲಿ ನಡುರಾತ್ರಿ 12 ಅಡಿ ಉದ್ದದ ದೈತ್ಯ ಹೆಬ್ಬಾವು ಸಂಚರಿಸುವಾಗ ಸ್ಥಳೀಯರ ಕಣ್ಣಿಗೆ ಬಿದ್ದಿದೆ. ಪೊಲೀಸರಿಗೆ ತಿಳಿಸಿದಾಗ ಅವರು ತಕ್ಷಣವೇ ಬಂದು, ಈ ಹಾವನ್ನು ರಕ್ಷಿಸಿ ಸುರಕ್ಷಿತವಾದ ಜಾಗಕ್ಕೆ ತಲುಪಿಸಿದ್ದಾರೆ. ನೆಟ್ಟಿಗರು ಇವರ ಈ ಸಾಹಸಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
Updated on: Sep 07, 2023 | 5:51 PM
Python: ಈ ಹೆಬ್ಬಾವು ಲಂಡನ್ನ ವೆಸ್ಟ್ ಮಿಡ್ಲ್ಯಾಂಡ್ಸ್ನ ರಸ್ತೆಯಲ್ಲಿ ನಡುರಾತ್ರಿ ಸಂಚರಿಸುತ್ತಿದ್ದಾಗ ಪೊಲೀಸರ ಕಣ್ಣಿಗೆ ಬಿದ್ದಿದೆ. 12 ಅಡಿಯ ದೈತ್ಯ ಹೆಬ್ಬಾವನ್ನು ರಕ್ಷಿಸುವಲ್ಲಿ ಪೊಲೀಸರು ಸಾಕಷ್ಟು ಶ್ರಮವಹಿಸಿದ್ದಾರೆ. ರಕ್ಷಿಸಿದ ಹಾವನ್ನು ಮೊದಲು ಪಶುವೈದ್ಯಕೀಯ ಚಿಕಿತ್ಸಾಲಯದಲ್ಲಿ ಪ್ರಾಥಮಿಕ ತಪಾಸಣೆಗೆ ಕರೆದೊಯ್ದಿದ್ದಾರೆ. ಆನಂತರ ಸುರಕ್ಷಿತ ಜಾಗಕ್ಕೆ ಅದನ್ನು ತಲುಪಿಸಿದ್ದಾರೆ. ಪೊಲೀಸರ ಈ ಕಾರ್ಯವನ್ನು ನೆಟ್ಟಿಗರು ಮನದುಂಬಿ ಶ್ಲಾಘಿಸುತ್ತಿದ್ದಾರೆ. ಕಾರ್ಯಾಚರಣೆಯ ಫೋಟೋ ಇದೀಗ ಇನ್ಸ್ಟಾಗ್ರಾಂ (Instagram) ಮೂಲಕ ವೈರಲ್ ಆಗಿದ್ದು ಅನೇಕರು ಮೆಚ್ಚುಗೆಯಿಂದ ಪ್ರತಿಕ್ರಿಯಿಸುತ್ತಿದ್ದಾರೆ.
ಇದನ್ನೂ ಓದಿ : Viral Video: ಜಪಾನ್; ಅಂಡರ್ಗ್ರೌಂಡ್ ಸೈಕಲ್ ಪಾರ್ಕಿಂಗ್ ವಿಡಿಯೋ ವೈರಲ್
ಸೆ. 5ರಂದು ಮಧ್ಯರಾತ್ರಿ 1.30 ರ ಸುಮಾರಿಗೆ, 12 ಅಡಿ ಉದ್ದದ ಹಳದಿ ಹೆಬ್ಬಾವು ಹಾರ್ವುಡ್ ಸ್ಟ್ರೀಟ್ನಲ್ಲಿ ನುಸುಳಾಡುತ್ತಿದೆ ಎಂದು ಪೊಲೀಸರಿಂದ ಸಾರ್ವಜನಿಕರಿಂದ ಕರೆ ಬಂದಿದೆ. ಆನಂತರ ಪೊಲೀಸರು ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಧೈರ್ಯ ಸಾಹಸದಿಂದ ಹಾವನ್ನು ರಕ್ಷಿಸಿ ವ್ಯಾನ್ಗೆ ಸಾಗಿಸಿದ್ದಾರೆ.
12 ಅಡಿ ದೈತ್ಯ ಹೆಬ್ಬಾವನ್ನು ರಕ್ಷಿಸುತ್ತಿರುವ ಪೊಲೀಸರು
View this post on Instagram
22 ಗಂಟೆಯ ಹಿಂದೆ ಹಂಚಿಕೊಂಡ ಈ ಪೋಸ್ಟ್ ಅನ್ನು ಈಗಾಗಲೇ 1,600ಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಪೊಲೀಸರು ಹಾವಿಗೆ ಹೇಗೆ ಕೈಕೋಳ ಹಾಕಿದರು? ಎಂದು ತಮಾಷೆ ಮಾಡಿದ್ದಾರೆ ಒಬ್ಬರು. ಅಯ್ಯೋ ಈ ಸಮಯದಲ್ಲಿ ನಾ ಆ ಹಾವಿನ ಹತ್ತಿರ ಇರಬೇಕಾಗಿತ್ತು, ಪರ್ವಾಗಿಲ್ಲ ನೀವು ನಿಭಾಯಿಸಿದ್ದೀರಿ ಒಳ್ಳೆಯದು! ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ಲೋಕಲ್ ಟ್ರೇನ್ನಲ್ಲಿ ಪಾನೀಪೂರಿ ಮಾರಾಟ; ಈ ಐಡಿಯಾ ಏನೋ ಚೆನ್ನಾಗಿದೆ ಆದರೆ…
ಅಕಸ್ಮಾತ್ ನಾನೇನಾದರೂ ಆ ಜಾಗದಲ್ಲಿ ಇದ್ದರೆ ಖಂಡಿತ ಒಂದು ಮೈಲಿ ದೂರ ಓಡಿಬಿಡುತ್ತಿದ್ದೆ ಎಂದಿದ್ದಾರೆ ಒಬ್ಬರು. ಒಹ್ ನೀವು ನನ್ನ ಹಳೆಯ ಗೆಳೆಯನನ್ನು ರಕ್ಷಿಸಿದ್ದೀರಿ ಎಂದಿದ್ದಾರೆ ಮತ್ತೊಬ್ಬರು. ಏನೇ ಹೇಳಿ, ಇಷ್ಟು ದೊಡ್ಡ ಭಯಂಕರ ಹಾವನ್ನು ಹಿಡಿಯುವುದು ಸಣ್ಣ ಮಾತೇನಲ್ಲ, ಶಭಾಷ್ ಎಂದಿದ್ದಾರೆ ಅನೇಕರು. ಬರೀಗೈಯಲ್ಲಿ ಅವರು ಹಾವನ್ನು ರಕ್ಷಿಸಿದ್ದಾರೆ, ಅಕಸ್ಮಾತ್ ಅದು ಅವರನ್ನೇ ವಾಪಾಸು ಸುತ್ತಿಕೊಂಡಿದ್ದರೆ? ಎಂದು ತಮಾಷೆ ಮಾಡುವವರನ್ನು ಪ್ರಶ್ನಿಸಿದ್ದಾರೆ ಕೆಲವರು.
ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
