Viral Video: ಮನೆಗೆ ಬಂದ 3 ಹೆಬ್ಬಾವುಗಳನ್ನು ರಕ್ಷಿಸಿದ ಗ್ಲೆನ್ ಮ್ಯಾಕ್ಗ್ರೆತ್; ಸಾಹಸ ಮೆಚ್ಚಿದ ನೆಟ್ಟಿಗರು
Australia: ಮಾಜಿ ಕ್ರಿಕೆಟ್ಟಿಗ ಗ್ಲೆನ್ ಮ್ಯಾಕ್ಗ್ರೆತ್ ಮನೆಯೊಳಗೆ ಮೂರು ಕಾರ್ಪೆಟ್ ಹೆಬ್ಬಾವುಗಳು ನುಸುಳಿವೆ. ಆದರೆ ಗ್ಲೆನ್ ಧೈರ್ಯದಿಂದ ಆ ಹಾವುಗಳನ್ನು ರಕ್ಷಿಸಿ ಪೊದೆಯೊಳಗೆ ಬಿಟ್ಟಿದ್ದಾರೆ. ಇವರ ಈ ಸಾಹಸವನ್ನು ವಿಡಿಯೋದಲ್ಲಿ ನೋಡಿದ ನೆಟ್ಟಿಗರು ಕೊಂಡಾಡುತ್ತಿದ್ದಾರೆ. ಸುರಕ್ಷಿತವಾಗಿರುವಂತೆ ಸಲಹೆಗಳನ್ನು ನೀಡುತ್ತಿದ್ದಾರೆ. ನೀವೂ ಈ ವಿಡಿಯೋ ನೋಡಿ. ಅಬ್ಬಬ್ಬಾ ಎನ್ನಿಸುವಂತಿದೆ!
Updated on:Sep 08, 2023 | 10:49 AM
Carpet Pythons : ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಗ್ಲೆನ್ ಮ್ಯಾಕ್ಗ್ರೆತ್ (Glenn McGrath) ಮನೆಗೆ ಕಾರ್ಪೆಟ್ ಹೆಬ್ಬಾವುಗಳು ನುಸುಳಿದ್ದವು. ಹೌದು ಹೆಬ್ಬಾವುಗಳೇ, ಹೆಬ್ಬಾವು ಅಲ್ಲ. ಅಂದರೆ ಒಂದಲ್ಲ ಎರಡಲ್ಲ ಒಟ್ಟು ಮೂರು ಹೆಬ್ಬಾವುಗಳು. ಮೂರೂ ಹೆಬ್ಬಾವುಗಳನ್ನು ಧೈರ್ಯದಿಂದ ರಕ್ಷಿಸಿ ಪೊದೆಯೊಳಗೆ ಬಿಟ್ಟು ತಮ್ಮ ತಮ್ಮ ಆವಾಸಸ್ಥಾನದೊಳಗೆ ಹೋಗಲು ಅನುವು ಮಾಡಿಕೊಟ್ಟಿದ್ದಾರೆ ಗ್ಲೆನ್. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಅವರೇ ಈ ವಿಡಿಯೋ ಅನ್ನು ಪೋಸ್ಟ್ ಮಾಡಿದ್ದಾರೆ. ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ ನೆಟ್ಟಿಗರು ಗ್ಲೆನ್ ಅವರ ಧೈರ್ಯಸಾಹಸವನ್ನು ಕೊಂಡಾಡುತ್ತಿದ್ದಾರೆ.
ಇದನ್ನೂ ಓದಿ : Viral Video: ಆಕೆ ಪ್ರಕಾಶಮಾನವಾಗಿ ಕಂಗೊಳಿಸಬೇಕು; ವಧುವಿಗೆ ಎಲ್ಇಡಿ ಲೆಹೆಂಗಾ ವಿನ್ಯಾಸ ಮಾಡಿದ ವರ
ನಿನ್ನೆ ಹಂಚಿಕೊಂಡ ಈ ವಿಡಿಯೋ ಅನ್ನು ಈಗಾಗಲೇ ಸುಮಾರು 1 ಲಕ್ಷ ಜನರು ನೋಡಿದ್ದಾರೆ. 4,300 ಜನರು ಲೈಕ್ ಮಾಡಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿ ಗ್ಲೆನ್ ಅವರಿಗೆ ಈ ಕೌಶಲವೂ ಗೊತ್ತಿದೆ ಎನ್ನುವುದು ಇದೀಗ ತಿಳಿಯಿತು, ಅದ್ಭುತ ಎಂದಿದ್ದಾರೆ.
ಗ್ಲೆನ್ ಮ್ಯಾಕ್ಗ್ರೆತ್ ತಮ್ಮ ಮನೆಯಲ್ಲಿ ಹೆಬ್ಬಾವನ್ನು ರಕ್ಷಿಸುತ್ತಿರುವ ವಿಡಿಯೋ
View this post on Instagram
ಗ್ಲೆನ್ ಮಾಪ್ ಬಳಸಿ ಹೆಬ್ಬಾವುಗಳನ್ನು ಹಿಡಿದಿದ್ದಾರೆ. ನಿಜಕ್ಕೂ ನೀವು ಭಾರೀ ಧೈತ್ಯಶಾಲಿ ಮೂರು ಮೂರು ಹಾವುಗಳನ್ನು ಹಿಡಿಯಬೇಕೆಂದರೆ ನಿಮಗೆ ಈ ಕೌಶಲ ಸಿದ್ಧಿಸಿರಬೇಕು ಎಂದಿದ್ದಾರೆ ಒಬ್ಬರು. ಆಗಾಗ ನಿಮ್ಮ ಮನೆಗಳಿಗೆ ಹೆಬ್ಬಾವುಗಳು ಬರುವುದು ಸಹಜವೆ? ನೀವು ಹೆಬ್ಬಾವುಗಳನ್ನು ಹಿಡಿಯುವಲ್ಲಿ ಪಳಗಿದ್ದೀರಿ ಎಂದಾಯಿತು ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ಲಂಡನ್; ಮಧ್ಯರಾತ್ರಿ ರಸ್ತೆಯಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದ 12 ಅಡಿಯ ದೈತ್ಯಹೆಬ್ಬಾವು
ಆದಷ್ಟು ನೀವು ನಿಮ್ಮ ಬಾಗಿಲುಗಳನ್ನು ಮುಚ್ಚಿಕೊಂಡು ಇರಬೇಕಾಗುತ್ತದೆಯೇನೋ. ಮೂರು ಮೂರು ಹಾವುಗಳು ಎಂದರೆ ಭಯಂಕರ! ಮಲಗಿದಾಗ ಬಂದರೆ ಏನು ಗತಿ? ಯಾವುದಕ್ಕೂ ಹುಷಾರಾಗಿರಿ ಎಂದಿದ್ದಾರೆ ಮತ್ತೊಬ್ಬರು. ಅಂತೂ ನಿಮ್ಮ ಸಾಹಸ ಮೆಚ್ಚುವಂಥದ್ದೇ ನಾನಾಗಿದ್ದರೆ ಖಂಡಿತ ಮನೆಯ ಬೀಗ ಹಾಕಿಕೊಂಡು ಹೊರಗೆ ನಿಂತುಬಿಡುತ್ತಿದ್ದೆ ಎಂದಿದ್ದಾರೆ ಮಗದೊಬ್ಬರು. ನೀವು ನಮಗೆ ಮಾದರಿ ಸರ್ ಎಂದಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:47 am, Fri, 8 September 23
