Viral Video: ಲೋಕಲ್ ಟ್ರೇನ್ನಲ್ಲಿ ಪಾನೀಪೂರಿ ಮಾರಾಟ; ಈ ಐಡಿಯಾ ಏನೋ ಚೆನ್ನಾಗಿದೆ ಆದರೆ…
Local Train: ಪಾನೀಪೂರಿ ಪ್ರಿಯರೆಲ್ಲರೂ ನೋಡಲೇಬೇಕಾದ ವಿಡಿಯೋ ಇದು. ನಮ್ಮೂರಿನ ರೈಲಿನೊಳಗೂ ಪಾನೀಪೂರಿ ಸಿಕ್ಕರೆ ಎಷ್ಟು ಒಳ್ಳೆಯದಲ್ಲವೇ? ಎಂದು ಅನ್ನಿಸುವುದು ನೂರಕ್ಕೆ ನೂರರಷ್ಟು ಸತ್ಯ. ಆದರೆ ನೆಟ್ಟಿಗರು ಈ ವಿಷಯವಾಗಿ ಏನೆಲ್ಲ ಚರ್ಚಿಸಿದ್ದಾರೆ? ನಾಲ್ಕು ಗಂಟೆಗಳ ಹಿಂದೆ ರೆಡ್ಡಿಟ್ನಲ್ಲಿ ಪೋಸ್ಟ್ ಮಾಡಲಾದ ಈ ವಿಡಿಯೋ ಮತ್ತು ಅದಕ್ಕೆ ಬಂದ ಪ್ರತಿಕ್ರಿಯೆಗಳನ್ನು ಓದಿ.
Updated on: Sep 07, 2023 | 3:48 PM
Golgappa: ಗೋಲ್ಗಪ್ಪಾ, ಪಾನೀಪುರಿ, ಫುಚ್ಕಾ ಹೀಗೆ ಒಂದೊಂದು ಕಡೆ ಒಂದೊಂದು ಹೆಸರಿನಲ್ಲಿ ಕರೆಸಿಕೊಳ್ಳುವ ಈ ಸ್ಟ್ರೀಟ್ ಚಾಟ್ ಕಂಡರೆ ಯಾರಿಗೆ ತಾನೆ ಬಾಯಲ್ಲಿ ನೀರೂರದೆ ಇರುತ್ತದೆ? ಸ್ಟ್ರೀಟ್ ಚಾಟ್ ತಿನ್ನಬೇಕೆಂದರೆ ಅದೇ ಸ್ಟ್ರೀಟ್ಗೆ ಹೋಗಬೇಕು. ಹೋಗಬೇಕೆಂದರೆ ನಡೆದುಕೊಂಡೋ, ಬಸ್ಸು ಏರಿಯೋ, ಗಾಡಿ ಏರಿಯೋ ಒಟ್ಟಿನಲ್ಲಿ ಸಮಯವನ್ನಂತೂ ವ್ಯಯಿಸಿ ಹೋಗಬೇಕು. ಆದರೆ ನೀವಿದ್ದಲ್ಲಿಗೇ ಆ ಸ್ಟ್ರೀಟ್ ಚಾಟ್ ಬಂದರೆ? ನೋಡಿ ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಪಾನೀಪೂರಿವಾಲಾ ಬೆಂಗಾಲದ ಲೋಕಲ್ ಟ್ರೇನಿನಲ್ಲಿ (Local Train) ತನ್ನ ವ್ಯಾಪಾರ ಶುರುಮಾಡಿದ್ದಾನೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಪರವಿರೋಧ ಅಭಿಪ್ರಾಯವ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ : Viral Video: ವೇಟರ್ನಿಂದ ಇನ್ಸ್ಟಾಗ್ರಾಂನ ಮುಖ್ಯಸ್ಥರಾಗುವ ತನಕ; ಆ್ಯಡಮ್ ಮೊಸ್ಸೇರಿಯ ವೃತ್ತಿ ಹಿನ್ನೋಟ
4 ಗಂಟೆಗಳ ಹಿಂದೆ ರೆಡ್ಡಿಟ್ನಲ್ಲಿ ಪೋಸ್ಟ್ ಮಾಡಿರುವ ಈ ವಿಡಿಯೋ ಅನ್ನು ಈತನಕ ಸುಮಾರು 500 ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ. ಸುಮಾರು 40 ಜನರು ಪ್ರತಿಕ್ರಿಯಿಸಿದ್ದಾರೆ. ಇದು ಪಾನೀಪೂರಿ ಅಲ್ಲ ಇದು ಫುಚ್ಕಾ ಎಂದಿದ್ದಾರೆ ಒಬ್ಬರು. ಹಾಗಿದ್ದರೆ ಅದರ ರೆಸಿಪಿ ಬೇರೆ ಇರುತ್ತದೆಯಾ? ಎಂದು ಕೇಳಿದ್ದಾರೆ ಇನ್ನೊಬ್ಬರು.
ಲೋಕಲ್ ಟ್ರೇನಿನಲ್ಲಿ ಪಾನಿಪೂರಿ ಮಾರುತ್ತಿರುವ ಈ ದೃಶ್ಯ ನೋಡಿ
Guy selling pani puri in local train by u/Construction1ne in indiasocial
ಇದು ಬೆಂಗಾಲ್ನ ಲೋಕಲ್ ಟ್ರೇನುಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವಂಥ ದೃಶ್ಯ. ಇದರಲ್ಲಿ ವಿಶೇಷ ಏನೂ ಇಲ್ಲ ಎಂದಿದ್ದಾರೆ ಒಬ್ಬರು. ಗ್ರಾಹಕರಿಗೂ ಮತ್ತು ಈ ಮಾರಾಟಗಾರನಿಗೂ ಲಾಭವೇ. ಆದರೆ ಹ್ಯಾಂಡ್ಗ್ಲೌಸ್ ಇಲ್ಲದೇ ತಯಾರಿಸುವ ಈ ತಿಂಡಿಯನ್ನು ತಿಂದರೆ ಅದರ ಪರಿಣಾಮ ಯಾರ ಮೇಲೆ? ಎಂದು ಕೇಳಿದ್ದಾರೆ ಇನ್ನೊಬ್ಬರು. ಅನುಕೂಲವೂ ರುಚಿಯೂ ಎಲ್ಲವೂ ಸರಿ. ಹಾಗಿದ್ದರೆ ಇಲ್ಲಿರುವ ಈ ಪಾನೀಪೂರಿವಾಲಾನ ಫೋಟೋ ಒಮ್ಮೆ ನೋಡಿ ಎಂದಿದ್ದಾರೆ ಮಗದೊಬ್ಬರು.
ಈ ಫೋಟೋ ನೋಡಿದ ನೀವು ಏನು ಹೇಳುತ್ತೀರಿ?
Comment by u/Historical_Ad_1714 from discussion Guy selling pani puri in local train in indiasocial
ಇದು ಬೆಂಗಾಲದ್ದೇ ದೃಶ್ಯ ಎಂದು ಹೇಗೆ ಹೇಳುತ್ತೀರಿ? ಎಂದು ಒಬ್ಬರು ಕೇಳಿದ್ದಾರೆ. ಇದು ಪಶ್ಚಿಮ ಬಂಗಾಳವೇ ಮತ್ತೆ ಈ ಬಗ್ಗೆ ಚರ್ಚೆ ಬೇಡ ಎಂದು ಕೆಲವರು ಹೇಳಿದ್ದಾರೆ. ಒಟ್ಟಾರೆಯಾಗಿ ಇದು ಎಲ್ಲಿಯದು ಎನ್ನುವುದಕ್ಕಿಂತ ರುಚಿಯೊಂದಿಗೆ ಶುಚಿಯೂ ಮುಖ್ಯ ಅಲ್ಲವೆ?
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
