Viral Video: ಮಳೆಯನ್ನು ಲೆಕ್ಕಿಸದೇ ದೇಶಕ್ಕಾಗಿ 5,000 ಮೀಟರ್ ಓಟ ಪೂರ್ಣಗೊಳಿಸಿದ ಗಟ್ಟಿಗಿತ್ತಿ

ಕ್ರೀಡೆ ಎನ್ನುವುದು ಒಂದು ತಪಸ್ಸು, ಅದನ್ನು ಸಾಧಿಸುವುದು ಸುಲಭದ ಮಾತಲ್ಲ. ಅದಕ್ಕೆ ಅಷ್ಟೇ ಪರಿಶ್ರಮ ಬೇಕು. ಅದನ್ನು ಛಲದಿಂದ ಸಾಧಿಸಬೇಕು ಎಂಬುದಕ್ಕೆ ಈ ವೀಡಿಯೊ ಸಾಕ್ಷಿ ನೋಡಿ. ಹೌದು ಕಾಂಬೋಡಿಯಾದ ಓಟಗಾರ್ತಿಯೊಬ್ಬರು ಮಳೆಯನ್ನು ಲೆಕ್ಕಿಸದೇ ಹಠವನ್ನು ಸಾಧಿಸಿರುವ ವೀಡಿಯೊ ವೈರಲ್​ ಆಗಿದೆ. ಈ ಓಟಗಾರ್ತಿ ಸುರಿಯುತ್ತಿರುವ ಮಳೆಯಲ್ಲಿ 5 ಸಾವಿರ ಮೀಟರ್​​ ದೂರ ಓಡುತ್ತಿರುವ ವೀಡಿಯೊ ವೈರಲ್ ಆಗಿದೆ. ಈ ವೀಡಿಯೊ ಅನೇಕರ ಗಮನ ಸೆಳೆದಿದೆ. ಈ ಓಟಗಾರ್ತಿಯನ್ನು ಬೌ ಸಮ್ನಾಂಗ್ ಎಂದು ಹೇಳಲಾಗಿದೆ. ಇವರ ಈ ಕಠಿಣ ಪರಿಶ್ರಮ ಎಲ್ಲ ಪ್ರಶಂಸೆಗೆ ಕಾರಣವಾಗಿದೆ. ಈ ವೀಡಿಯೊವನ್ನು ಅನೇಕ ಸ್ಪೋರ್ಟ್​​ ಅಕಾಡೆಮಿಗಳು ಟ್ವಿಟರ್​​ನಲ್ಲಿ ಹಂಚಿಕೊಂಡಿದೆ, ಇದು ಈ ವರೆಗೆ ಈ ವೀಡಿಯೊ 700,000 ವೀಕ್ಷಣೆಯನ್ನು ಪಡೆದುಕೊಂಡಿದೆ. ನಿಮ್ಮ ಸ್ಥಾನವನ್ನು ಯಾರಿಗೂ ಬಿಟ್ಟು ಕೊಡಬೇಡಿ ಸಹೋದರಿ ಎಂದು ಹೇಳಿದ್ದಾರೆ. ಆಗ್ನೇಯ ಏಷ್ಯನ್ ಗೇಮ್ಸ್​​ನಲ್ಲಿ ನಡೆದಿರುವ ದೃಶ್ಯ.

ಮಾಧ್ಯಮಗಳೊಂದಿಗೆ ಮಾತನಾಡಿದ ಓಟಗಾರ್ತಿ ಬೌ ಸಮ್ನಾಂಗ್, ಮಳೆ ಆಗುತ್ತದೆ ಎಂದು ಗೊತ್ತಿತ್ತು, ಆದರೆ ಹೆಚ್ಚು ಮಳೆಯಾಗುತ್ತದೆ ಎಂದು ತಿಳಿದಿರಲಿಲ್ಲ. ಮೇ 8ರಂದು ಭಾರೀ ಮಳೆ, ಗಾಳಿ, ಗುಡುಗು ಇತ್ತು, ಇದೀಗ ಈ ವೀಡಿಯೊ ತುಂಬಾ ವೇಗವಾಗಿ ವೈರಲ್​​ ಆಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:Viral Video: ಟ್ರ್ಯಾಕ್ಟರ್​ನಲ್ಲಿ ಅಪಾಯಕಾರಿ ಸ್ಟಂಟ್, ಸ್ವಲ್ಪ ಹೆಚ್ಚು, ಕಡಿಮೆಯಾದ್ರೂ ಜೀವವೇ ಹೋಗ್ತಿತ್ತು

ಓಟವನ್ನು ಮುಗಿಸಿದ ನಂತರ ಬೌ ಸಮ್ನಾಂಗ್ ಅವರು ತುಂಬಾ ಬಾವುಕರಾದರೂ. ಆದರೆ ಮತ್ತೊಬ್ಬ ಓಟಗಾರ್ತಿ ವಿಯೆಟ್ನಾಂನ ಥಿ ಓನ್ಹ್ ಅವರು ಆರು ನಿಮಿಷಗಳ ಮೊದಲು ಫೈನಲ್​​ ಹಂತಕ್ಕೆ ಬಂದು ತಲುಪಿದ್ದಾರೆ. ನನಗೆ ಕಾಂಬೋಡಿಯಾದಲ್ಲಿದ್ದ ಪ್ರೇಕ್ಷಕರ ಬೆಂಬಲ ನನ್ನನ್ನೂ ಯಾವುದೇ ಕಾರಣಕ್ಕೆ ಹಿಂದೆ ಸರಿಯಲು ಬಿಡಲಿಲ್ಲ ಎಂದು ಹೇಳಿದರು.

ಇನ್ನೊಂದು ಮನಕಲಕುವ ವಿಚಾರವೆಂದರೆ ಈ ಅಥ್ಲೀಟ್ ರಕ್ತಹೀನತೆಯಿಂದ ಬಳಲುತ್ತಿದ್ದ ಎಂದು ಹೇಳಲಾಗಿದೆ. ನಾನು ಈ ಸಮಸ್ಯೆಯಿಂದ ಬಳಲುತ್ತಿದ್ದರು, ನನಗೆ ಈ ಬಗ್ಗೆ ಯಾವುದೇ ಬೇಜಾರು ಇಲ್ಲಿ. ನನ್ನ ಕಣ್ಮುಂದೆ ಬಂದಿದ್ದು ನನ್ನ ಕಾಂಬೋಡಿಯಾ, ಏಕೆಂದರೆ ನಾನು ಕಾಂಬೋಡಿಯಾದಿಂದ ಪ್ರತಿನಿಧಿಸುತ್ತಿದ್ದೇನೆ ಎಂದು ಹೇಳಿದರು.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ