Viral Video: ತನ್ನ ಮೇಲೆ ಮುತ್ತಿನ ಮಳೆ ಸುರಿಸಿದವನಿಗೆ ಬೆಕ್ಕಿನ ಮರಿ ಏನು ಮಾಡಿತು ಗೊತ್ತಾ?; ಕ್ಯೂಟ್ ವಿಡಿಯೋ ಇಲ್ಲಿದೆ

ಬೆಕ್ಕು, ನಾಯಿ, ಕರು ಮುಂತಾದ ಸಾಕು ಪ್ರಾಣಿಗಳೆಂದರೆ ನಿಮಗೆ ಇಷ್ಟಾನಾ? ಹಾಗಾದರೆ ಇಂಟರ್ನೆಟ್​​ನಲ್ಲಿ ಸಾಕುಪ್ರಾಣಿಗಳ ಕ್ಯೂಟ್ ಕ್ಯೂಟ್ ಆದ ಸಾವಿರಾರು ವಿಡಿಯೋಗಳು ನಿಮಗೆ ಸಿಗುತ್ತವೆ. ಅವುಗಳನ್ನು ನೋಡುತ್ತಿದ್ದರೆ ಅವುಗಳ ಮೇಲೆ ಪ್ರೀತಿ ಉಕ್ಕಿ ಬರುವುದಂತೂ ಸುಳ್ಳಲ್ಲ. ನೀವೂ ಪೆಟ್ ಪ್ರಿಯರಾಗಿದ್ದರೆ ನಿಮಗೆ ಈ ವಿಡಿಯೋ ಕೂಡ ಇಷ್ಟವಾಗುವುದರಲ್ಲಿ ಅನುಮಾನವೇ ಇಲ್ಲ. ಮುದ್ದಾದ ಬೆಕ್ಕಿನ ಮರಿಯೊಂದನ್ನು (Cat) ಕೈಯಲ್ಲಿ ಹಿಡಿದುಕೊಂಡಿರುವ ವ್ಯಕ್ತಿ ಅದನ್ನು ಗಟ್ಟಿಯಾಗಿ ತಬ್ಬಿಕೊಂಡು ಮುತ್ತಿಡುತ್ತಿದ್ದಾನೆ. ಎರಡು ಬಾರಿ ಕಿಸ್ ಮಾಡಿದ ಮೇಲೆ ಆತನನ್ನು ತಡೆದ ಆ ಬೆಕ್ಕು ಏನು ಮಾಡಿತು ಗೊತ್ತಾ? ವೈರಲ್ (Viral Video) ಆಗಿರುವ ವಿಡಿಯೋ ಇಲ್ಲಿದೆ ನೋಡಿ.

ರೆಡ್ಡಿಟ್​ನಲ್ಲಿ ಶೇರ್ ಮಾಡಲಾಗಿರುವ ಈ ವಿಡಿಯೋ ನೋಡಿದರೆ ನಗು ಮೂಡುವುದು ಗ್ಯಾರಂಟಿ. ‘ಸೋ ಮೆನಿ ಕಿಸಸ್ (ಮುಖದ ತುಂಬ ಮುತ್ತುಗಳು)’ ಎಂಬ ಕ್ಯಾಪ್ಷನ್ ನೀಡಿ ಈ ವೀಡಿಯೊವನ್ನು ಪೋಸ್ಟ್ ಮಾಡಲಾಗಿದೆ. ಒಬ್ಬ ವ್ಯಕ್ತಿ ತನ್ನ ಕೈಗಳಲ್ಲಿ ಬೆಕ್ಕಿನ ಮರಿಯನ್ನು ಹಿಡಿದುಕೊಂಡು ಅದನ್ನು ಚುಂಬಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಆ ಬೆಕ್ಕು ಸ್ವಲ್ಪ ಸಮಯದವರೆಗೆ ಸುಮ್ಮನಿರುತ್ತದೆ. ಆದರೆ, ಆತ ಮುತ್ತು ಕೊಡುವುದನ್ನು ನಿಲ್ಲಿಸದಿದ್ದಾಗ ಆತನ ಬಾಯಿಯ ಮೇಲೆ ತನ್ನ ಕಾಲನ್ನು ಅಡ್ಡ ಹಿಡಿದು ಆತನ ಮೂಗನ್ನು ನೆಕ್ಕುತ್ತದೆ.

ಈ ವಿಡಿಯೋ ಪೋಸ್ಟ್​ ಆ 1 ದಿನದೊಳಗೆ 62,000ಕ್ಕೂ ಹೆಚ್ಚು ಅಪ್‌ವೋಟ್‌ಗಳನ್ನು ಪಡೆದಿದೆ. ಈ ವಿಡಿಯೋಗೆ ಹಲವರು ಹಲವಾರು ರೀತಿಯ ಕಮೆಂಟ್​ಗಳನ್ನು ಮಾಡಿದ್ದಾರೆ. ಕೆಲವರು ತಮ್ಮ ಮನೆಯ ಬೆಕ್ಕು ಕೂಡ ಇದೇ ರೀತಿ ಮಾಡುತ್ತದೆ ಎಂದಿದ್ದಾರೆ. ಈ ಬೆಕ್ಕಿನ ಮರಿಯನ್ನು ನೋಡುತ್ತಿದ್ದರೆ ಹಿಡಿದು ಮುದ್ದು ಮಾಡಬೇಕೆನಿಸುತ್ತಿದೆ ಎಂದು ಇನ್ನು ಕೆಲವರು ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: Viral Video: ಮೊಟ್ಟ ಮೊದಲ ಬಾರಿಗೆ ಚಾಕೋಲೇಟ್ ರುಚಿ ನೋಡಿದ ಮಗುವಿನ ರಿಯಾಕ್ಷನ್ ಹೇಗಿತ್ತು ಗೊತ್ತಾ?

Viral Video: ಲೋಕದ ಚಿಂತೆ ನನಗ್ಯಾಕೆ!; ಬಸ್​ ಸ್ಟಾಪ್​ನಲ್ಲೇ ನಿಂತು ಡ್ಯಾನ್ಸ್​ ಮಾಡಿದ ವ್ಯಕ್ತಿಯ ವಿಡಿಯೋ ವೈರಲ್