ಜಿಮ್​ಪ್ರಿಯೆ! ಮದುವೆಯಲ್ಲಿ ಪುಲ್​ಅಪ್ಸ್​ ತೆಗೆದ ವಧುವಿನ ವಿಡಿಯೋ ವೈರಲ್

Viral Video : ಈಗ ವೆಡ್ಡಿಂಗ್ ಪ್ಲ್ಯಾನರ್ (Wedding Planners) ​​ಗಳಿಗಂತೂ ಮೈತುಂಬಾ ತಲೆತುಂಬಾ ಕೆಲಸ. ಡಿಫರೆಂಟ್​ ಆಗಿ ಆಗಬೇಕು ನಮ್ಮ ಮದುವೆ ಎಂದು ಕೇಳಿಕೊಂಡು ಬರುವವರಿಗೆ ಬಜೆಟ್​ಗೆ ತಕ್ಕಂತೆ ಪ್ಲ್ಯಾನ್ ಮಾಡುವುದೇ ಮಾಡುವುದು. ಪ್ಲ್ಯಾನ್ ಮಾಡಿಕೊಟ್ಟ ಮೇಲೆ ವಿಡಿಯೋ ಮಾಡುವುದು ಮತ್ತು ಸೋಶಿಯಲ್ ಮೀಡಿಯಾಗೆ ಹಾಕುವುದು ಮುಂದಿನ ಹಂತದ ಕೆಲಸ. ಇದು ಈಗಿನ ವೆಡ್ಡಿಂಗ್ ಟ್ರೆಂಡ್. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಮದುವೆಯ ಗಂಡು ಹೆಣ್ಣು ಡ್ಯಾನ್ಸ್​ ಮಾಡುತ್ತಾ ಪುಲ್​ಅಪ್ಸ್ (Pullups) ತೆಗೆಯುತ್ತಾರೆ. ಗಮನಿಸಿದ್ರಾ ಜಿಮ್​ ಸಲಕರಣೆಯೂ ಮದುವೆ ಮಂಟಪಕ್ಕೆ ಬಂದಿದೆ!

@manishmalhotravows ಇನ್​ಸ್ಟಾ ಪುಟವು ಈ ವಿಡಿಯೋ ಹಂಚಿಕೊಂಡಿದೆ. ಆರಂಭದಲ್ಲಿ ಇಬ್ಬರೂ ಭಾಂಗ್ರಾ ಡ್ಯಾನ್ಸ್​ ಮಾಡುತ್ತಾರೆ. ಡ್ಯಾನ್ಸ್ ಮಾಡುತ್ತಲೇ ಒಬ್ಬೊಬ್ಬರೇ ಪುಲ್​ಅಪ್ಸ್​ ತೆಗೆಯುತ್ತಾರೆ. ಮರಳಿ ಮತ್ತೆ ಭಾಂಗ್ರಾಗೆ ಹೆಜ್ಜೆ ಹಾಕುತ್ತಾರೆ. ಸುತ್ತಮುತ್ತಲಿನ ಜನ ಇವರಿಬ್ಬರನ್ನೂ ಹುರಿದುಂಬಿಸುತ್ತಾರೆ. ಈತನಕ ಈ ವಿಡಿಯೋ ಅನ್ನು 13,000ಕ್ಕೂ ಹೆಚ್ಚು ಜನ ನೋಡಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : ತನ್ನ ಮದುವೆಯಲ್ಲಿ ಚಂಡೆವಾದ್ಯ ನುಡಿಸಿ ನೆಟ್ಟಿಗರ ಗಮನ ಸೆಳೆದ ಕೇರಳದ ವಧು

ಈ ವಧು ಜಿಮ್​ಪ್ರಿಯೆ ಎನ್ನಿಸುತ್ತದೆ. ಅವಳ ದೇಹವನ್ನು ಗಮನಿಸಿ ABS (Advanced Body System) ಹೊಂದಿದ್ದಾಳೆ ಎಂದಿದ್ದಾರೆ ಒಬ್ಬರು. ಬಹುಶಃ ಈ ಲೆಹೆಂಗಾ 12 ಕಿ. ಗ್ರಾಂ. ಖಂಡಿತ ಇದೆ ಎಂದಿದ್ದಾರೆ ಇನ್ನೊಬ್ಬರು. ಬಹಳ ಚೆನ್ನಾಗಿದ್ದಾಳೆ ವಧು. ದೇಹವೇ ದೇಗುಲ, ದೇಹ ಚೆನ್ನಾಗಿಟ್ಟುಕೊಂಡರೆ ಉಳಿದೆಲ್ಲವೂ ಚೆನ್ನಾಗಿರುತ್ತದೆ ಎಂಬ ಅರಿವು ಈಕೆಗಿದೆ ಎಂದಿದ್ದಾರೆ ಹಲವರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ