Viral Video: ಮೋಡಿ ಮಾಡಿದ ಮೇಧಾವಿಯ ಬೆಲ್ಲಿ ಡ್ಯಾನ್ಸ್​; ಉಲ್ಲಸಿತಗೊಂಡ ನೆಟ್ಟಿಗರು

Belly Dance: ಬೆಲ್ಲಿ ಡ್ಯಾನ್ಸ್​ ಕೆಲವೇ ಕೆಲವರಿಗೆ ಒಲಿಯುತ್ತದೆ. ಸತತ ಪರಿಶ್ರಮ ಮತ್ತು ಕೌಶಲ ಅದಕ್ಕೆ ಬೇಕಾಗುತ್ತದೆ. ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಈ ಪ್ರಕಾರವನ್ನು ಪ್ರಯತ್ನಿಸುತ್ತಿರುತ್ತಾರೆ. ಆದರೆ ಎಲ್ಲರ ಪ್ರದರ್ಶನವೂ ನಿರೀಕ್ಷಿತ ಮಟ್ಟವನ್ನು ತಲುಪುತ್ತದೆ ಎಂದು ಹೇಳಲಾಗದು. ಇದೀಗ ನೃತ್ಯ ಕಲಾವಿದೆ (Dancer) ಮೇಧಾವಿ ಮಿಶ್ರಾ ಮಾಡಿದ ಬೆಲ್ಲಿ ಡ್ಯಾನ್ಸ್​ ನೆಟ್ಟಿಗರ ಗಮನ ಸೆಳೆದಿದೆ. 2008ರಲ್ಲಿ ಬಿಡುಗಡೆಯಾದ ಗಜಿನಿ ಸಿನೆಮಾದ ಹಾಡಿಗೆ ಈಕೆ ಡ್ಯಾನ್ಸ್ ಮಾಡಿದ್ದಾರೆ. ಪ್ರವೀಣ್​ ಮಣಿ ಮತ್ತು  ಶ್ರೇಯಾ ಘೋಷಾಲ್ (Shreya Ghoshal) ಈ ಹಾಡನ್ನು ಹಾಡಿದ್ದಾರೆ. ಮೇಧಾವಿಯ ನೃತ್ಯಕೌಶಲ ನೋಡಿದ ನೆಟ್ಟಿಗರು ಉತ್ಸಾಹದಿಂದ ಪ್ರತಿಕ್ರಿಯಿಸುತ್ತಿದ್ದಾರೆ.

ಇದನ್ನು ಓದಿ : Viral Video: ಬಾಯಿಂದ ಬಾಯಿಗೆ ನೀರು ಉಗುಳಿಕೊಳ್ಳುತ್ತಿರುವ ಜೋಡಿಯ ವಿಡಿಯೋ ವೈರಲ್; ಪೊಲೀಸರ ಪ್ರತಿಕ್ರಿಯೆ

ಆರು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋವನ್ನು ಈತನಕ ಸುಮಾರು 4,000 ಜನರು ಲೈಕ್ ಮಾಡಿದ್ದಾರೆ. ನೀವು ಮಾಡಿದ ನೃತ್ಯ ಇಷ್ಟವಾಯಿತು ಎಂದು ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಈತನಕ ನಾನು ನೋಡಿದ ಬೆಲ್ಲಿ ಡ್ಯಾನ್ಸ್ ರೀಲ್​​ಗಳಲ್ಲಿ ನಿಮ್ಮದು ಅತ್ಯುತ್ತಮವಾಗಿದೆ ಎಂದಿದ್ದಾರೆ ಕೆಲವರು.

ಮೇಧಾವಿಯ ಬೆಲ್ಲಿ ಡ್ಯಾನ್ಸ್ ವಿಡಿಯೋ

ಅದ್ಭುತವಾದ ಪ್ರದರ್ಶನ. ನಿಮ್ಮ ಇತರೇ ರೀಲ್​​ಗಳಿಗಿಂತ ಇದು ಹೆಚ್ಚು ಮೆಚ್ಚುಗೆಯಾಯಿತು ಎಂದು ಹೇಳಿದ್ದಾರೆ ಒಬ್ಬರು. ಇದು ನನ್ನ ಮೂಡ್​ ಅನ್ನೇ ಬದಲಾಯಿಸಿತು, ಚೆನ್ನಾಗಿ ನರ್ತಿಸಿದ್ದೀರಿ ಎಂದಿದ್ದಾರೆ ಇನ್ನೊಬ್ಬರು. ನಾನೂ ಈಗ ಇಂಥದೇ ಒಂದು ರೀಲ್ ಮಾಡಬೇಕು ಎಂದುಕೊಳ್ಳುತ್ತಿದ್ದೇನೆ ಆದರೆ ನಿಮ್ಮಷ್ಟು ಚೆನ್ನಾಗಿ ನರ್ತಿಸಲು ನನಗೆ ಬರಲಿಕ್ಕಿಲ್ಲ ಎಂದಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral Video: ವೆಲ್​ಕಮ್​ ಟು ಮರ್ಲಿ ಹೇರ್ ಸಲೂನ್​! ಈ ವೇಕಪ್ ವಿಡಿಯೋಗಳಲ್ಲಿ ನಿಮಗ್ಯಾವುದು ಇಷ್ಟ?

ನಿಮ್ಮಷ್ಟಕ್ಕೆ ನೀವೇ ಇದನ್ನು ಕಲಿತಿರೋ? ಎಂದು ಕೇಳಿದ್ದಾರೆ ಒಬ್ಬರು. ನನಗೆ ನಿದ್ರೆ ಬರುತ್ತಿತ್ತು, ನಿಮ್ಮ ಬಳುಕು ನೋಡಿ ಎಲ್ಲವೂ ಓಡಿಹೋಯಿತು ಎಂದಿದ್ದಾರೆ ಇನ್ನೊಬ್ಬರು. ಈ ಹಾಡು ನನ್ನಿಷ್ಟದ್ದು, ನೀವಿದಕ್ಕೆ ಬಹಳ ಚೆನ್ನಾಗಿ ನರ್ತಿಸಿದ್ದೀರಿ ಎಂದಿದ್ದಾರೆ ಮತ್ತೊಬ್ಬರು. ನಾನಿದನ್ನೂ ಈತನಕ ಇಪ್ಪತ್ತು ಸಲವಾದರೂ ನೋಡಿದೆ, ನಿಮಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಇನ್ನೂ ಒಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ