Viral Video: ವೆಲ್ಕಮ್ ಟು ಮರ್ಲಿ ಹೇರ್ ಸಲೂನ್! ಈ ವೇಕಪ್ ವಿಡಿಯೋಗಳಲ್ಲಿ ನಿಮಗ್ಯಾವುದು ಇಷ್ಟ?
Cat Lover: ನೀವು ಬೆಳಗ್ಗೆ ಏಳಲು ಅಲರಾಂ ಇಟ್ಟುಕೊಳ್ಳುತ್ತೀರಿ, ಇನ್ನೂ ಕೆಲವರಿಗೆ ಮನೆಯ ಸದಸ್ಯರು ಏಳಿಸುತ್ತಾರೆ. ಇನ್ನೂ ಕೆಲವರಿಗೆ ತಂತಾನೇ ಎಚ್ಚರವಾಗುತ್ತದೆ. ಆದರೆ ಬೆಕ್ಕು ಸಾಕಿದವರಿಗೆ? ಬೆಕ್ಕೇ ಬಂದು ಎಬ್ಬಿಸುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ತನ್ನ ಪೋಷಕಿಯನ್ನು ಎಬ್ಬಿಸುವ ಬೇರೆ ಬೇರೆ ವಿಡಿಯೋ ತುಣುಕುಗಳು ಇದರಲ್ಲಿ ಅಡಕವಾಗಿವೆ. ಮಿಲಿಯನ್ಗಟ್ಟಲೆ ಜನರಿಗೆ ಇವು ಮೆಚ್ಚುಗೆಯಾಗಿವೆ.
Updated on:Nov 02, 2023 | 10:45 AM
Cat: ಮರ್ಲಿ ಎಂಬ ಈ ಬೆಕ್ಕು ಚಿಕ್ಯಾಗೋನಲ್ಲಿ ವಾಸವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಸ್ವಂತ ಖಾತೆಗಳನ್ನು ಹೊಂದಿರುವ ಈ ಬೆಕ್ಕು ನೆಟ್ಟಿಗರಿಗೆ ಬಹುಪ್ರಿಯ. ಟಿಕ್ಟಾಕ್ನಲ್ಲಿ ಇದಕ್ಕೆ 3 ಮಿಲಿಯನ್ಗಿಂತಲೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಇನ್ಸ್ಟಾಗ್ರಾಂನಲ್ಲಿ 5 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಇದೀಗ ಮರ್ಲಿಯ ವಿವಿಧ ವೇಕಪ್ (Wake-up) ವಿಡಿಯೋ ವೈರಲ್ ಆಗುತ್ತಿದೆ. ಮಿಲಿಯನ್ಗಟ್ಟಲೇ ಜನರು ಈ ವಿಡಿಯೋಗಳನ್ನು ನೋಡಿದ್ದು, ಆ ಎಲ್ಲ ವಿಡಿಯೋಗಳನ್ನು ಒಟ್ಟಾಗಿಸಿ ಮಾಡಿರುವ ವಿಡಿಯೋವನ್ನು ಇದೀಗ 7 ಲಕ್ಷಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಹಾಗಿದ್ದರೆ ಈ ಕ್ಲಿಪ್ಪಿಂಗ್ಗಳಲ್ಲಿ ನಿಮಗೆ ತುಂಬಾ ಇಷ್ಟವಾಗುವ ವಿಡಿಯೋ ಯಾವುದು?
ಇದನ್ನೂ ಓದಿ : Viral Video: ಮುಂಬೈ; ಟ್ರಾಫಿಕ್ನಲ್ಲಿ ಆಟೊ ಚಾಲಕನ ಗಾಯನ, ಎಲ್ಲೆಡೆ ಇಂಥವರಿರಲಿ ಎಂದ ನೆಟ್ಟಿಗರು
ಅಕ್ಟೋಬರ್ 16ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಈ ವಿಡಿಯೋವನ್ನು ಮಿಲಿಯನ್ಗಟ್ಟಲೇ ಜನರು ನೋಡಿದ್ದಾರೆ. ಪೋಷಕಿಯ ಕಣ್ಣನ್ನು ನೆಕ್ಕುವ ವಿಡಿಯೋ ಬಹಳ ಇಷ್ಟವಾಯಿತು ಎಂದು ಅನೇಕರು ಹೇಳಿದ್ದಾರೆ. ಅದು ಆಕೆಯ ಕೂದಲನ್ನು ಕಿತ್ತುವುದಿದೆಯಲ್ಲ ಅದು ಬಹಳ ಇಷ್ಟವಾಯಿತು ಎಂದು ಕೆಲವರು ಹೇಳಿದ್ದಾರೆ.
ಇಲ್ಲಿದೆ ಮರ್ಲಿಯ ವೇಕಪ್ ವಿಡಿಯೋ
View this post on Instagram
ಅಂದರೆ ಪ್ರತೀ ದಿನ ಬಂದು ಹೀಗೆ ನಿಮ್ಮನ್ನು ಎಬ್ಬಿಸಿದಾಗಲೇ ನೀವು ಏಳುತ್ತೀರಿ ಎಂದಾಯಿತು ಎಂದಿದ್ದಾರೆ ಒಬ್ಬರು. ಅವನು ನಿಮ್ಮ ಕೂದಲನ್ನು ಕತ್ತರಿಸಿದ್ದು ಮಹಾಕಾವ್ಯ! ಎಂದಿದ್ದಾರೆ ಇನ್ನೊಬ್ಬರು. ನಿಮ್ಮ ವಿಡಿಯೋವನ್ನು ನಾನು ನೋಡುವಾಗ ನನ್ನ ಬೆಕ್ಕು ಮಲಗಿತ್ತು, ಎಚ್ಚರಗೊಂಡು ಮೇಲಿನಿಂದ ಜಿಗಿದು ನನ್ನ ಮೇಲೆ ಹಾರಿ ಬಂದು ಇಲ್ಲಿ ಏನು ನಡೆಯುತ್ತಿದೆ ಎಂಬಂತೆ ನೋಡಿತು ಎಂದಿದ್ದಾರೆ ಮತ್ತೊಬ್ಬರು.
ಇದನ್ನು ಓದಿ : Viral: ‘ತುಂಬಾ ಮುದ್ದಾಗಿದ್ದೀರಿ’ ನಾಗಾಲ್ಯಾಂಡ್ ಸಚಿವರಿಗೆ ಇಂಡಿಗೋ ಗಗನಸಖಿಯಿಂದ ಚೀಟಿ, ಮುಂದೆ?
ಓಹೋ ಇದು ಮಾರ್ಲಿ ಹೇರ್ ಸಲೂನ್ ಎಂದಿದ್ದಾರೆ ಒಬ್ಬರು. ಬೆಕ್ಕುಗಳು ಬೆಳಗಿನ ಹೊತ್ತು ಹೀಗೆ ಬಹಳ ಮುದ್ದಾಡುತ್ತವೆ ಎಂದಿದ್ದಾರೆ ಇನ್ನೊಬ್ಬರು. ತನ್ನ ಪೋಷಕರು ಇನ್ನೂ ಬದುಕಿದ್ದಾರೆ ಎಂದು ಖುಷಿಪಡುತ್ತವೆ ಎಂದಿದ್ದಾರೆ ಮತ್ತೊಬ್ಬರು. ನನ್ನ ಬೆಕ್ಕು ಪ್ರತೀದಿನ ಬೆಳಗ್ಗೆ ನನ್ನನ್ನು ಹೀಗೆಯೇ ಏಳಿಸುತ್ತದೆ ಎಂದಿದ್ದಾರೆ ಮಗದೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:43 am, Thu, 2 November 23
