Viral Video: ಮೇಲೇರಲು ಸಹಾಯ ಮಾಡಿದ ಈ ಇರುವೆಗೆ ಕೊನೆಗೆ ಏನು ಉಳಿಯಿತು?; ಬದುಕಿನ ಪಾಠ ಹೇಳುವ ಈ ವಿಡಿಯೋ ನೋಡಿ

ಜೀವನದ ಪಾಠಗಳು ಸಣ್ಣ ಸಣ್ಣ ಜೀವಿಯಿಂದಲೂ ಕಲಿಯುವುದಿರುತ್ತದೆ. ಪ್ರಸ್ತುತ ಅಂತರ್ಜಾಲದಲ್ಲಿ ಇರುವೆಗಳ ಒಂದು ವಿಡಿಯೋ ವೈರಲ್ ಆಗಿದ್ದು, ಈ ಸಣ್ಣ ತುಣುಕು ನೆಟ್ಟಿಗರ ಮನಗೆದ್ದಿದೆ. ಅಲ್ಲದೇ, ಬಹಳ ಮೆಚ್ಚುಗೆಗೂ ಪಾತ್ರವಾಗಿದ್ದು, ಇಷ್ಟು ಸಣ್ಣ ತುಣುಕಿನಲ್ಲಿ ಎಷ್ಟು ದೊಡ್ಡ ಸಾರ ಅಡಗಿದೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಅಷ್ಟಕ್ಕೂ ವಿಡಿಯೋದಲ್ಲೇನಿದೆ? ಬೆನ್ ಫಿಲಿಪ್ಸ್ ಎನ್ನುವವರು ಟ್ವಿಟರ್​ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ.

ವಿಡಿಯೋದಲ್ಲಿ ಮೂರು ಇರುವೆಗಳು ಒಂದು ಸ್ಥಳದಿಂದ ಎತ್ತರದಲ್ಲಿರುವ ಎಲೆಗೆ ಏರಲು ಪ್ರಯತ್ನಿಸುತ್ತಿರುತ್ತವೆ. ಅದರಲ್ಲಿ ಒಂದು ಇರುವೆಯು ತನ್ನ ಸಹವರ್ತಿಗಳಾದ ಇತರ ಇರುವೆಗಳಿಗೆ ಮೇಲೇರಲು ಸಹಾಯ ಮಾಡುತ್ತದೆ. ಇದರ ಸಹಾಯದಿಂದ ಮೇಲೇರುವ ಇರುವೆಗಳು, ಎಲೆಯನ್ನು ಹತ್ತಿದ ನಂತರ ಹಿಂತಿರುಗಿಯೂ ನೋಡದೇ ಹೊರಟುಬಿಡುತ್ತವೆ. ಮೇಲೇರಲು ಸಹಾಯ ಮಾಡಿದ ಇರುವೆಯೂ ಮೇಲೆ ಹತ್ತಲು ಪ್ರಯತ್ನಿಸುತ್ತಾ ಅಸಹಾಯಕವಾಗಿ ಕೈ ಮೇಲೆತ್ತಿಕೊಂಡು ನಿಲ್ಲುವಾಗ ವಿಡಿಯೋ ಮುಕ್ತಾಯವಾಗಿದೆ.

ವಿಡಿಯೋಕ್ಕೆ ‘ಇದುವರೆಗೆ ತಯಾರಿಸಲಾಗಿರುವ ಅತ್ಯಂತ ದುಃಖದ ಚಿತ್ರವಿದು’ ಎಂದು ಕ್ಯಾಪ್ಶನ್ ನೀಡಲಾಗಿದೆ. ಈ ವಿಡಿಯೋಕ್ಕೆ ನೆಟ್ಟಿಗರು ವಿಧವಿಧವಾಗಿ ಪ್ರತಿಕ್ರಿಯಿಸಿದ್ದು, ಕೆಲವರು ಬಹಳ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಬಹಳಷ್ಟು ಜನ ಇದನ್ನು ಮನುಷ್ಯನ ಜೀವನಕ್ಕೆ ಹೋಲಿಸಿದ್ದು, ಇದೊಂದು ಬಹಳ ದೊಡ್ಡ ಬದುಕಿನ ಪಾಠ ಎಂದು ವ್ಯಾಖ್ಯಾನಿಸಿದ್ದಾರೆ.

ವಿಡಿಯೋ ಇಲ್ಲಿದೆ:

ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿರುವ ಈ ಪುಟಾಣಿ ವಿಡಿಯೋ ತುಣುಕು ನಿಮಗೇನನ್ನಿಸಿತು? ನಿಮ್ಮ ಬದುಕಿನ ಯಾವುದಾದರೂ ಘಟನೆಯನ್ನು ಇದು ನೆನಪಿಸಿತೇ?

ಇದನ್ನೂ ಓದಿ:

ಎಲ್ಲ ಬಗೆಯ ಪಾತ್ರಗಳಿಗೆ ಒಗ್ಗುವ ನಿವಿನ್ ಪೌಲಿ ಈಗ ಮಾಲಿವುಡ್​ನ ಜನಪ್ರಿಯ ನಟರಲ್ಲಿ ಒಬ್ಬರು

ಕಾಶ್ಮೀರಕ್ಕೆ ಮೊದಲಿನಂತೆ ವಿಶೇಷ ಸ್ಥಾನಮಾನ ನೀಡದಿದ್ದರೆ ಶಾಂತಿ ಮರುಸ್ಥಾಪಿಸಲು ಸಾಧ್ಯವಿಲ್ಲ: ಫಾರೂಕ್ ಅಬ್ದುಲ್ಲಾ ಅನಿಸಿಕೆ