Viral Video: ನಾಗರಹಾವಿನ ತಲೆಗೆ ಚುಂಬಿಸಿದ ಯುವತಿ; ಧೈರ್ಯಶಾಲಿಗಳು ಮಾತ್ರ ನೋಡಿ

Cobra: ಇತ್ತೀಚೆಗಷ್ಟೇ ಯುವತಿಯೊಬ್ಬಳು ಪ್ರವಾಸಕ್ಕೆ ಹೋದಾಗ ಹಾವಿಗೆ ಚುಂಬಿಸಲು ಹೋಗಿ ಕಚ್ಚಿಸಿಕೊಂಡ ಹಳೆಯ ವಿಡಿಯೋ ವೈರಲ್ ಆಗಿದ್ದನ್ನು ನೋಡಿದ್ದಿರಿ. ಇದೀಗ ಹಿಜಾಬ್​ (Hijab) ಧರಿಸಿದ ಯುವತಿಯೊಬ್ಬಳು ಕೋಪಗೊಂಡ ನಾಗರಹಾವಿನ ತಲೆಗೆ ಮುತ್ತನ್ನು ಕೊಟ್ಟ ನಾಲ್ಕು ವರ್ಷದ ಹಿಂದಿನ ಹಳೆಯ ವಿಡಿಯೋ ವೈರಲ್ ಆಗುತ್ತಿದೆ. ವೇದಿಕೆಯ ಮೇಲೆ ನಿರ್ಭೀತಿಯಿಂದ ಉಪಾಯವಾಗಿ ಹಾವಿನ ತಲೆಗೆ ಈ ಯುವತಿ ಮುತ್ತನ್ನು ಕೊಡುತ್ತಿರುವ ವಿಡಿಯೋ ನೋಡುತ್ತಿದ್ದರೆ ಎಂಥವರಿಗೂ ಒಂದು ಕ್ಷಣ ಎದೆ ಝಲ್ ಎನ್ನುವಂತಿದೆ. ಇನ್ನೊಬ್ಬ ಹಿಜಾಬ್​ಧಾರಿಣಿ ಅದನ್ನು ಆತುದಿಗೆ ಹಿಡಿದುಕೊಂಡಿದ್ದಾಳೆ ಈಕೆ ಧೈರ್ಯದಿಂದ ಮುತ್ತನ್ನು ಕೊಟ್ಟಿದ್ದಾಳೇ. ವಿಡಿಯೋ ನೋಡಿದ ನೆಟ್ಟಿಗರು ಪ್ರತಿಕ್ರಿಯೆಗಳ ಮಳೆ ಸುರಿಸುತ್ತಿದ್ದಾರೆ.

ಇದನ್ನೂ ಓದಿ : Viral Video: ಕರಿದೋಸೆ ವೀಣಕ್ಕ; ಬೀದಿಬದಿ ಹೋಟೆಲ್ ಶುರುಮಾಡಿದ ಸಾಫ್ಟ್​ವೇರ್ ಎಂಜಿನಿಯರ್

ದೈತ್ಯ ನಾಗರಹಾವಿನ ಗಮನವನ್ನು ಕಪ್ಪುಬಟ್ಟೆಯ ಮೂಲಕ ಬೇರೆಡೆ ಸೆಳೆದು ಧೈರ್ಯದಿಂದ ಅದರ ನೆತ್ತಿಯನ್ನು ಮೆಲ್ಲನೆ ಚುಂಬಿಸುವ ಚಾಣಾಕ್ಷತನ ನೋಡಿ! @Bellashariman ಎಂಬ Instagram ನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ನೀವು ಎಷ್ಟು ದಿನ ಬದುಕುತ್ತೀರಿ ಎನ್ನುವುದು ಮುಖ್ಯವಲ್ಲ, ಹೇಗೆ ಬದುಕುತ್ತೀರಿ ಎನ್ನುವುದು ಮುಖ್ಯ ಎಂಬ ಕ್ಯಾಪ್ಷನ್​ ಈ ವಿಡಿಯೋಗೆ ಕೊಡಲಾಗಿದೆ.

ಯುವತಿಯೊಬ್ಬಳು ನಾಗರಹಾವಿನ ನೆತ್ತಿಗೆ ಚುಂಬಿಸುತ್ತಿರುವ ವಿಡಿಯೋ

ಈತನಕ ಈ ವಿಡಿಯೋ ಅನ್ನು ಸುಮಾರು 15,000 ಜನರು ನೋಡಿದ್ದಾರೆ. ಅನೇಕರು ಈ ಯುವತಿಯ ಧೈರ್ಯ ಸಾಹವನ್ನು ಕೊಂಡಾಡಿದ್ಧಾರೆ. ಅಲ್ಲದೇ ಸುರಕ್ಷತೆಯ ಬಗ್ಗೆ ಕಾಳಜಿ ವಹಿಸುವಂತೆ ಸಲಹೆ ನೀಡಿದ್ದಾರೆ. ಯಾಕೆ ಇಂಥ ಕ್ರೂರಪ್ರಾಣಿಗಳೊಂದಿಗೆ ಪ್ರದರ್ಶನಕ್ಕೆ ಇಳಿದಿದ್ದೀರಿ ಎಂದು ಕೇಳಿದ್ದಾರೆ ಒಬ್ಬರು. ನಿಜಕ್ಕೂ ಇದು ಅದ್ಭುತವಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ಎಷ್ಟೊಂದು ಜನರಿಗೆ ನಾಗರಹಾವನ್ನು ಚುಂಬಿಸುವ ಹುಚ್ಚು ಹಿಡಿದಿದೆಯಲ್ಲ, ಏನಾದರೂ ಕಾರಣವಿದೆಯೇ? ಇಂಥ ಮಾರಣಾಂತಿಕ ಸಾಹಸಕ್ಕೆ ಯಾಕೆ ಬೀಳುತ್ತಿದ್ದಾರೆ ಎಂದು ಕೇಳಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral Video: 88ರ ಅಜ್ಜ 85ರ ಅಜ್ಜಿ 66ನೇ ವಿವಾಹ ವಾರ್ಷಿಕೋತ್ಸವಕ್ಕೆ ಏರಿದ್ದು ಮೌಂಟ್​ ವಾಷಿಂಗ್ಟನ್!

ಧೈರ್ಯಶಾಲಿ ಹುಡುಗಿ, ಒಳ್ಳೆಯದಾಗಲಿ ಎಂದು ಕೆಲವರು ಹಾರೈಸಿದ್ದಾರೆ. ತಮ್ಮ ನಿರ್ಭಯತೆಯನ್ನು ಪ್ರದರ್ಶಿಸಲು ಇವರು ವನ್ಯಪ್ರಾಣಿಗಳನ್ನು ಕಷ್ಟಕ್ಕೆ ತಳ್ಳುತ್ತಿದ್ದಾರೆ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಒಟ್ಟಿನಲ್ಲಿ ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ