‘ಇಂಥ ಸಿನಿಮಾ ಮಾಡೋದಕ್ಕೆ ಹೆಮ್ಮೆ ಇದೆ’ ಹೊಸ ಚಿತ್ರದ ಬಗ್ಗೆ ಮಾಹಿತಿ ಬಿಟ್ಟುಕೊಟ್ಟ ಮೇಘನಾ ರಾಜ್​

​ನಟಿ ಮೇಘನಾ ರಾಜ್​ (Meghana Raj Sarja) ಅವರು ಮತ್ತೆ ಸಿನಿಮಾ ಕೆಲಸಗಳಲ್ಲಿ ತೊಡಗಿಕೊಂಡಿರುವುದು ಅವರ ಅಭಿಮಾನಿಗಳಿಗೆ ಖುಷಿ ನೀಡಿದೆ. ಕಾರಣಾಂತರಗಳಿಂದ ಒಂದಷ್ಟು ತಿಂಗಳ ಕಾಲ ಅಭಿನಯದಿಂದ ಅವರು ದೂರ ಉಳಿದುಕೊಂಡಿದ್ದರು. ಈಗ ಹೊಸ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ನಿರ್ದೇಶಕ ಕಾಂತ ಕನ್ನಲ್ಲಿ ಜೊತೆ ಮೇಘನಾ ರಾಜ್​ ಅವರು ಹೊಸದೊಂದು ಚಿತ್ರ ಮಾಡಲಿದ್ದಾರೆ. ಈ ಸಿನಿಮಾಗೆ ‘ಶಬ್ದ’ (Shabda Kannada Movie) ಎಂದು ಹೆಸರು ಇಡಲಾಗಿದೆ. ಈ ಮೊದಲು ‘ಇರುವುದೆಲ್ಲವ ಬಿಟ್ಟು’ ಚಿತ್ರದಲ್ಲಿ ಕಾಂತ ಕನ್ನಲ್ಲಿ (Kantha Kannalli) ಮತ್ತು ಮೇಘನಾ ರಾಜ್​ ಅವರು ಜೊತೆಯಾಗಿ ಕೆಲಸ ಮಾಡಿದ್ದರು. ಮತ್ತೆ ಅದೇ ತಂಡದ ಜೊತೆ ಕೈ ಜೋಡಿಸುತ್ತಿರುವುದಕ್ಕೆ ಅವರಿಗೆ ಸಂತಸ ಇದೆ. ಈ ಬಗ್ಗೆ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ‘ಈ ಸಿನಿಮಾದಲ್ಲಿ ಎಸ್​. ಮಹೇಂದರ್​ ಅವರು ಬಹಳ ಮುಖ್ಯವಾದ ಒಂದು ಪಾತ್ರ ಮಾಡಲಿದ್ದಾರೆ. ಅತುಲ್​ ಕುಲಕರ್ಣಿ ಸಹ ಇದ್ದಾರೆ. ಇದು ಮಿಸ್ಟ್ರೀ ಪ್ರಕಾರಕ್ಕೆ ಸೇರುವ ಸಿನಿಮಾ. ಈ ಕಥೆಯನ್ನು ಒಂದೂವರೆ ವರ್ಷದ ಹಿಂದೆಯೇ ನಾನು ಕೇಳಿದ್ದೆ. ಕೊವಿಡ್​ ಕಾರಣದಿಂದ ಮಾಡೋಕೆ ಸಾಧ್ಯವಾಗಿರಲಿಲ್ಲ. ಪ್ರತಿಭಾವಂತರ ಒಂದು ತಂಡ ಸೇರಿಕೊಂಡು ವಿಶೇಷವಾದ ಕಥೆಯನ್ನು ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ನಟಿಸುತ್ತಿರುವುದು ನನಗೆ ಹೆಮ್ಮೆ ಇದೆ’ ಎಂದು ಮೇಘನಾ ರಾಜ್​ ಹೇಳಿದ್ದಾರೆ.

ಇದನ್ನೂ ಓದಿ:

‘ಚಿರು ನನಗೋಸ್ಕರ ಕಟ್ಟಿಕೊಟ್ಟ ಕುಟುಂಬ ಇದು’; ‘ಗೋಲ್ಡನ್​ ಗ್ಯಾಂಗ್​’ ಶೋನಲ್ಲಿ ಮೇಘನಾ ಭಾವುಕ ಮಾತು

ಡಾನ್ಸಿಂಗ್​ ಚಾಂಪಿಯನ್​ ಶೋನಲ್ಲಿ ಚಿರು-ರಾಯನ್​ ಬಗ್ಗೆ ಮೇಘನಾ ರಾಜ್​ ಸರ್ಜಾ ಹೃದಯಸ್ಪರ್ಶಿ ಮಾತು