Union Budget 2022: ಕೇಂದ್ರ ಬಜೆಟ್ 2022ರಿಂದ ಕೃಷಿ ಕ್ಷೇತ್ರ, ಕೃಷಿಕರ ನಿರೀಕ್ಷೆಗಳೇನು?

ಕೊವಿಡ್- 19 ಮೇಲಿನ ಪ್ರಭಾವ ಕೃಷಿ ವಲಯದ ಮೇಲೆ ಅಷ್ಟೇನೂ ಆಗಿಲ್ಲ ಎಂಬುದೇನೋ ನಿಜ. ಆದರೆ ಕೊರೊನಾ ಲಾಕ್​ಡೌನ್, ನಿರ್ಬಂಧಗಳಿಂದ ಸಾಗಾಟಕ್ಕೆ ಸಮಸ್ಯೆಯಾಯಿತು. ಈ ಮಧ್ಯೆಯೂ ಕೃಷಿಕರ ಆದಾಯವನ್ನು ದುಪ್ಪಟ್ಟುಗೊಳಿಸಬೇಕು ಎಂಬುದು ಕೇಂದ್ರ ಸರ್ಕಾರದ ಗುರಿ. ಅದಕ್ಕಾಗಿ ಬೆಳೆಗಳಿಗೆ ಬೆಂಬಲ ಬೆಲೆ ಘೋಷಣೆ, ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ, ವರ್ಷದಿಂದ ವರ್ಷಕ್ಕೆ ಕೇಂದ್ರ ಬಜೆಟ್​ನಲ್ಲಿ ಕೃಷಿ ವಲಯಕ್ಕೆ ಹೆಚ್ಚಿನ ಹಣ ಮೀಸಲು ಹೀಗೆ ನಾನಾ ಹೆಜ್ಜೆಗಳನ್ನು ಇಡುತ್ತಿದೆ. ಇಷ್ಟಾದರೂ ರೈತರ ಸ್ಥಿತಿ ಸುಧಾರಿಸಿದೆಯಾ ಎಂಬ ಪ್ರಶ್ನೆಯನ್ನು ಮುಂದಿಟ್ಟರೆ ಸಕಾರಾತ್ಮಕವಾದ ಉತ್ತರ ಸಿಗುವುದಿಲ್ಲ. ಆರ್ಥಿಕತೆಯ ಚೇತರಿಕೆ ಹಾದಿಯಲ್ಲಿ ಸಾಗುತ್ತಿರುವ ಭಾರತದ ಎದುರು ಈಗ 2022-23ರ ಮಹತ್ತರ ಬಜೆಟ್ ಕಣ್ಣೆದುರು ಇದೆ. ಫೆಬ್ರವರಿ 1ನೇ ತಾರೀಕಿನಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಸಂಸತ್​ನಲ್ಲಿ ಬಜೆಟ್ ಮಂಡನೆ ಮಾಡಲಿದ್ದಾರೆ. ಸದ್ಯಕ್ಕೆ ಭಾರತದ ವಿವಿಧ ರಾಜ್ಯಗಳ ಕೃಷಿಕರ ಸ್ಥಿತಿ ಹೇಗಿದೆ, ಅವರ ಪರಿಸ್ಥಿತಿ ಏನು, ಸರ್ಕಾರದಿಂದ ಅವರ ನಿರೀಕ್ಷೆಗಳೇನು ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ: Agriculture Loan: 2022ರ ಬಜೆಟ್​ನಲ್ಲಿ ರೈತರಿಗೆ ನೀಡುವ ಕೃಷಿ ಸಾಲದ ಪ್ರಮಾಣ 18 ಲಕ್ಷ ಕೋಟಿ ರೂ.ಗೆ ಏರಿಕೆ ಸಾಧ್ಯತೆ