‘ರಾಕೇಶ್​ ಅಡಿಗ ಕಂದಮ್ಮ’: ಒಂದೊಂದೇ ಪದದಲ್ಲಿ ಬಿಗ್​ ಬಾಸ್​ ಸ್ಪರ್ಧಿಗಳ ವ್ಯಕ್ತಿತ್ವ ವಿವರಿಸಿದ ಸೋನು

ನಟ ರಾಕೇಶ್​ ಅಡಿಗ (Rakesh Adiga) ಮತ್ತು ರೀಲ್ಸ್​ ಬೆಡಗಿ ಸೋನು ಶ್ರೀನಿವಾಸ್​ ನಡುವೆ ಉತ್ತಮ ಬಾಂಧವ್ಯ ಬೆಳೆದಿದೆ. ಬಿ​ಗ್​ ಬಾಸ್​ ಮನೆಗೆ ಎಂಟ್ರಿ ನೀಡುವುದಕ್ಕೂ ಮುನ್ನ ಅವರಿಬ್ಬರು ಅಪರಿಚಿತರಾಗಿದ್ದರು. ಆದರೆ ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ (Bigg Boss Kannada OTT) ಮೊದಲ ಸೀಸನ್​ ಮೂಲಕ ಅವರಿಬ್ಬರ ನಡುವೆ ಸಲುಗೆ ಬೆಳೆದಿದೆ. ದೊಡ್ಮನೆಯಲ್ಲಿ ಪತ್ರಕರ್ತ ಸೋಮಣ್ಣ ಮತ್ತು ಸೋನು ಗೌಡ ಮಾತನಾಡುತ್ತ ಕುಳಿತಿದ್ದಾಗ ಎಲ್ಲರ ಬಗ್ಗೆ ಚರ್ಚೆ ಆಗಿದೆ. ಎಲ್ಲ ಸ್ಪರ್ಧಿಗಳ ವ್ಯಕ್ತಿತ್ವವನ್ನು ಸೋನು ಶ್ರೀನಿವಾಸ್​ ಗೌಡ (Sonu Srinivas Gowda) ಅವರು ಒಂದೊಂದೇ ಪದದಲ್ಲಿ ವಿವರಿಸಿದ್ದಾರೆ. ರಾಕೇಶ್​ ಅಡಿಗಗೆ ‘ಕಂದಮ್ಮ’ ಎಂದು ಅವರು ಹೇಳಿದ್ದಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ಫಿನಾಲೆ ನಡೆಯಲಿದೆ.