‘ಸೃಷ್ಟಿಗೆ ನಾಡು ಸಿರಿಯಾಯಿತು, ಸರ್ವರೂ ಎಚ್ಚರದಿಂದಿರಬೇಕು’! ಬೀರೂರು ಮೈಲಾರಲಿಂಗೇಶ್ವರ ಕಾರ್ಣಿಕ ನುಡಿ
Updated on: Oct 21, 2026 | 8:54 AM
ಚಿಕ್ಕಮಗಳೂರು ಜಿಲ್ಲೆಯ ಕಡೂರು ತಾಲೂಕಿನ ಬೀರೂರು ಶ್ರೀ ಮೈಲಾರಲಿಂಗೇಶ್ವರ ಸ್ವಾಮಿಯ ಕಾರ್ಣಿಕ ನುಡಿ ಪ್ರಕಟವಾಗಿದೆ. 'ಇಟ್ಟ ರಾಮನ ಬಾಣಕ್ಕೆ ಹುಸಿಯಿಲ್ಲ, ನಾಡು ಸಿರಿಯಾಯಿತು, ಮದಗಜಗಳು ಕಾದಾಡಿದರು ಕತ್ತಲೆಯ ದೀಪಕ್ಕೆ ಬೆಳಕಾಯಿತು, ಸರ್ವರೂ ಎಚ್ಚರದಿಂದಿರಬೇಕು' ಎಂದು ಅರ್ಚಕ ದಶರಥ ಪೂಜಾರ್ ದೈವವಾಣಿ ನುಡಿದ್ದಾರೆ. ಈ ವರ್ಷದ ಪ್ರಸಿದ್ಧ ಕಾರ್ಣಿಕ ನುಡಿ ಆಲಿಸಲು ಸಾವಿರಾರು ಭಕ್ತರು ಆಗಮಿಸಿದ್ದರು.
ಚಿಕ್ಕಮಗಳೂರು, ಅಕ್ಟೋಬರ್ 21: ಕಡೂರು ತಾಲೂಕಿನ ಐತಿಹಾಸಿಕ ಬೀರೂರಿನ ಶ್ರೀ ಮೈಲಾರಲಿಂಗೇಶ್ವರ ಸ್ವಾಮಿಯ ಕಾರಣಿಕೋತ್ಸವವು ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಅತ್ಯಂತ ವಿಜೃಂಭಣೆಯಿಂದ ನೆರವೇರಿತು. ಈ ವರ್ಷದ ಕಾರ್ಣಿಕ ನುಡಿದ ದೇವಾಲಯದ ಪ್ರಧಾನ ಅರ್ಚಕರಾದ ದಶರಥ ಪೂಜಾರ್, “ಇಟ್ಟ ರಾಮನ ಬಾಣಕ್ಕೆ ಹುಸಿಯಿಲ್ಲ, ಸೃಷ್ಟಿಗೆ ನಾಡು ಸಿರಿಯಾಯಿತು… ಮದಗಜಗಳು ಕಾದಾಡಿದರು, ಕತ್ತಲೆಯ ದೀಪಕ್ಕೆ ಬೆಳಕಾಯಿತು… ಸರ್ವರೂ ಎಚ್ಚರದಿಂದಿರಬೇಕು!” ಎಂದು ದೈವವಾಣಿ ನುಡಿದರು.
ಬೀರೂರಿನ ಮೈಲಾರಲಿಂಗೇಶ್ವರಸ್ವಾಮಿ ನುಡಿಯುವ ಕಾರ್ಣಿಕದ ಪ್ರತಿಯೊಂದು ಮಾತು ವರ್ಷದೊಳಗೆ ನಿಜವಾಗುತ್ತದೆ ಎಂಬ ಬಲವಾದ ನಂಬಿಕೆ ಭಕ್ತರಲ್ಲಿದೆ. ಈ ದೈವವಾಣಿಯನ್ನು ಆಲಿಸಲು ರಾಜ್ಯದ ವಿವಿಧ ಮೂಲೆಗಳಿಂದ ಆಗಮಿಸಿದ್ದ ಸಾವಿರಾರು ಭಕ್ತರು ಸಾಕ್ಷಿಯಾದರು. ದೇಶ-ರಾಜ್ಯದ ಭವಿಷ್ಯ ಹಾಗೂ ಮಳೆ-ಬೆಳೆಯ ಸೂಚನೆಯಾಗಿ ಈ ಕಾರ್ಣಿಕ ನುಡಿಯನ್ನು ನೋಡಲಾಗುತ್ತದೆ.
ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Follow Us
