Yearly Horoscope 2026: 2026 ಮಕರ ರಾಶಿಯವರಿಗೆ ಅದೃಷ್ಟವನ್ನು ತರುವ ವರ್ಷವಾಗಲಿದೆ

ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಶಾಸ್ತ್ರಜ್ಞ ಡಾ ಬಸವರಾಜ ಗುರೂಜಿ ಅವರು 2026ರ ಮಕರ ರಾಶಿ ವಾರ್ಷಿಕ ಭವಿಷ್ಯದ ಕುರಿತು ವಿವರಣೆ ನೀಡಿದ್ದಾರೆ. 2026 ಪರಾಭವನಾಮ ಸಂವತ್ಸರ ಮಕರ ರಾಶಿಯವರಿಗೆ ಅದೃಷ್ಟ ತರಲಿದೆ. ಜೂನ್ ಎರಡನೇ ತಾರೀಖಿನ ನಂತರ ಗುರು ಗ್ರಹದ ಸಂಚಾರದಿಂದ ಮಕರ ರಾಶಿಯವರಿಗೆ ಗುರುಬಲ ಮತ್ತು ಮಹಾ ಗುರುಬಲ ಲಭಿಸಲಿದೆ.

ಈ ವರ್ಷ ಆದಾಯಕ್ಕೆ ಹೋಲಿಸಿದರೆ ವ್ಯಯವು ಅಧಿಕವಾಗಿರಬಹುದು. ಆದಾಗ್ಯೂ, ಇದು ವಿಜಯದ ವರ್ಷ, ಪಾಪಗಳ ಮತ್ತು ಕರ್ಮಗಳ ನಿವಾರಣೆಯ ವರ್ಷ ಎಂದು ಡಾ ಗುರೂಜಿ ಹೇಳಿದ್ದಾರೆ. ಜನವರಿ, ಫೆಬ್ರವರಿ, ಮಾರ್ಚ್ ತಿಂಗಳುಗಳಲ್ಲಿ ಆರ್ಥಿಕವಾಗಿ ಸಣ್ಣಪುಟ್ಟ ಸಮಸ್ಯೆಗಳಿರಬಹುದು. ಆದರೆ ನಂತರದ ಅವಧಿಯಲ್ಲಿ ಅದೃಷ್ಟವು ಕೂಡಿಬಂದು ಮಾನಸಿಕ ಯಾತನೆಗಳಿಂದ ಮುಕ್ತಿ ಸಿಗಲಿದೆ. ವೃತ್ತಿಯಲ್ಲಿ ಬದಲಾವಣೆ, ಕೀರ್ತಿ ಪ್ರತಿಷ್ಠೆಗಳು ಹೆಚ್ಚಲಿವೆ. ವ್ಯಾಪಾರಸ್ಥರಿಗೆ ಹಾಗೂ ತಂತ್ರಜ್ಞಾನ ಕ್ಷೇತ್ರದಲ್ಲಿರುವವರಿಗೆ ಶುಭಕರವಾಗಿದೆ. ರಾಹು ಗ್ರಹದ ಸಂಚಾರದಿಂದ ನೇರ ಮಾತುಕತೆ ಹೆಚ್ಚಾಗಬಹುದು. ಏಳನೇ ಮನೆಯ ಗುರು ಹಂಸ ಯೋಗವನ್ನು ತರಲಿದ್ದು, ಐಷಾರಾಮಿ ಜೀವನ ಮತ್ತು ಹಣಕಾಸಿನ ಲಾಭವನ್ನು ನೀಡಲಿದೆ. ಆದರೆ ಕುಟುಂಬದಲ್ಲಿ ಅನಾರೋಗ್ಯದ ಸಾಧ್ಯತೆಯ ಬಗ್ಗೆಯೂ ಎಚ್ಚರಿಕೆ ನೀಡಲಾಗಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ