Bengaluru: ಚೀಟಿ ವ್ಯವಹಾರದಲ್ಲಿ ಜನರನ್ನು ವಂಚಿಸಿದರೂ ಟಿ ದಾಸರಹಳ್ಳಿ ದಂಪತಿಯದ್ದು ಮೀಸೆ ಮಣ್ಣಾಗದ ವರಸೆ!

ನೆಲಮಂಗಲ: ಇದಪ್ಪಾ ವರಸೆ ಅಂದ್ರೆ! ಹಳದಿ ಬಣ್ಣದ ಡ್ರೆಸ್ ನಲ್ಲಿ ಕಾಣಿಸುತ್ತಿರುವ ಮಹಿಳೆಯ ಹೆಸರು ಪುಣ್ಯ (Punya). ಆದರೆ ಈಕೆ ಮತ್ತು ಈಕೆಯ ಪತಿ ಚಂದ್ರಶೇಖರ್ (Chandrashekar) ನಡೆಸುತ್ತಿದ್ದ ಚೀಟಿ ವ್ಯವಹಾರದಲ್ಲಿ (chit fund) ಹಣ ತೊಡಗಿಸಿದವರು ಮಾತ್ರ ಪಾಪಿಷ್ಠರು! ಟಿ ದಾಸರಹಳ್ಳಿಯಲ್ಲಿ ವಾಸವಾಗಿರುವ ದಂಪತಿ ಚೀಟಿ ನಡೆಸುವ ನೆಪದಲ್ಲಿ ಜನರಿಗೆ ರೂ. 1.5 ಕೋಟಿ ವಂಚಿಸಿದ್ದಾರೆ. ಸುಮಾರು ಒಂದೂವರೆ ವರ್ಷಗಳಿಂದ ಚೀಟಿ ಹಾಕಿದವರಿಗೆ ದುಡ್ಡು ಹಿಂತಿರುಗಿಸಿಲ್ಲ. ಅವರೆಲ್ಲ ತಾಳ್ಮೆ ಕಳೆದುಕೊಂಡು ಬಾಗಲಗುಂಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಟಿವಿ9 ಕನ್ನಡ ವಾಹಿನಿಯ ವರದಿಗಾರ ಅಲ್ಲಿಗೆ ಹೋದಾಗ ದಂಪತಿ ಕೆಂಡಾಮಂಡಲವಾಗಿದ್ದಾರೆ. ಪುಣ್ಯ ಮೇಡಂ ಕೇಳೋದನ್ನ ಗಮನಿಸಿ; ಯಾರು ಟಿವಿ9 ಚಾನೆಲ್ ನವರನ್ನು ಕರೆಸಿದ್ದು ಅಂತ ಹೇಳುತ್ತಾರೆ! ಪೊಲಿಸರು ದಂಪತಿಯನ್ನು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ