ಹೂಗಳನ್ನ ಬಿಡಿಸಿದ ಎಷ್ಟು ದಿನಗಳಲ್ಲಿ ದೇವರಿಗೆ ಅರ್ಪಿಸಬೇಕು?

ಬೆಂಗಳೂರು, ಮೇ 30: ಡಾ. ಬಸವರಾಜ್ ಗುರುಜಿ ಅವರು ನಿತ್ಯ ಭಕ್ತಿ ಕಾರ್ಯಕ್ರಮದಲ್ಲಿ ಪೂಜೆಗೆ ಬಳಸುವ ಹೂವುಗಳನ್ನು ಎಷ್ಟು ದಿನ ಇಟ್ಟುಕೊಳ್ಳಬೇಕು ಎಂಬುದರ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ತುಳಸಿ, ಬಿಲ್ವಪತ್ರೆ ಮತ್ತು ಕಮಲದ ಹೂವುಗಳನ್ನು ವಾರಪೂರ್ತಿ ಉಪಯೋಗಿಸಬಹುದು. ಇತರ ಹೂವುಗಳನ್ನು ಮೂರು ದಿನಗಳಿಗಿಂತ ಹೆಚ್ಚು ಇಡಬಾರದು. ಬಿಳಿಯ ವಸ್ತ್ರದಲ್ಲಿ ನೀರು ಸಿಂಪಡಿಸಿ ಇಟ್ಟುಕೊಂಡರೆ ಮೂರು ದಿನ, ಬೆಳ್ಳಿ ಅಥವಾ ತಾಮ್ರದ ಪಾತ್ರೆಯಲ್ಲಿ ಇಟ್ಟರೆ ಐದು ದಿನಗಳವರೆಗೆ ಉಪಯೋಗಿಸಬಹುದು. ಪೂಜೆಗೆ ಫ್ರಿಜ್‌ನಲ್ಲಿಟ್ಟ ಹೂವುಗಳನ್ನು ಬಳಸುವುದು ಸೂಕ್ತವಲ್ಲ ಎಂದು ಅವರು ತಿಳಿಸಿದ್ದಾರೆ.