ದೇವಾಲಯದಲ್ಲಿ ಕೊಡುವ ಹೂವನ್ನ ಕಿವಿಯ ಮೇಲೆ ಯಾಕೆ ಇಟ್ಟುಕೊಳ್ತಾರೆ?

ಬೆಂಗಳೂರು, ಆಗಸ್ಟ್ 10: ದೇವಾಲಯಗಳಿಂದ ಪಡೆದ ಹೂವುಗಳನ್ನು ಬಲ ಕಿವಿಯಲ್ಲಿ ಇಡುವುದು ಹಲವು ವರ್ಷಗಳಿಂದಲೂ ಚಾಲ್ತಿಯಲ್ಲಿರುವ ಒಂದು ಸಂಪ್ರದಾಯ. ಹಿಂದೂ ಧರ್ಮದಲ್ಲಿ, ಬಲಭಾಗವು ಸೂರ್ಯನನ್ನು ಮತ್ತು ಸಕಾರಾತ್ಮಕ ಶಕ್ತಿಯನ್ನು ಪ್ರತಿನಿಧಿಸುತ್ತದೆ. ಬಲ ಕಿವಿ ಸಕಾರಾತ್ಮಕ ಶಕ್ತಿಯನ್ನು ಹೆಚ್ಚು ಸ್ವೀಕರಿಸುವ ಸಾಮರ್ಥ್ಯ ಹೊಂದಿದೆ ಎಂಬ ನಂಬಿಕೆ ಇದೆ. ದೇವಾಲಯದಲ್ಲಿ ಪಡೆದ ಪುಷ್ಪ ಅಥವಾ ತುಳಸಿಯನ್ನು ಬಲ ಕಿವಿಯಲ್ಲಿ ಇಡುವುದರಿಂದ ದೇಹಕ್ಕೆ ಸಕಾರಾತ್ಮಕ ಶಕ್ತಿಯ ವರ್ಗಾವಣೆ ಆಗುತ್ತದೆ ಮತ್ತು ಅಂತರಂಗ ಶುದ್ಧಿ ಕೂಡ ಆಗುತ್ತದೆ ಎಂಬ ನಂಬಿಕೆ ಇದೆ. ಇದು ಆಲೋಚನಾ ಶಕ್ತಿಯನ್ನು ಹೆಚ್ಚಿಸುವುದು ಮತ್ತು ಆರೋಗ್ಯಕರ ಜೀವನಕ್ಕೆ ಕಾರಣವಾಗುವುದು ಎಂದು ಕೂಡ ಹೇಳಲಾಗುತ್ತದೆ.