ಪ್ರತಿ ಭಾನುವಾರ ಫ್ಯಾಮಿಲಿ ಬದಲು ಫ್ಯಾನ್ಸ್​ಗೆ ಸಮಯ ಮೀಸಲು: ಧ್ರುವ ಸರ್ಜಾ

ನಟ ಧ್ರುವ ಸರ್ಜಾ ಅವರು ಪ್ರತಿ ಭಾನುವಾರ ತಮ್ಮ ಅಭಿಮಾನಿಗಳನ್ನು ಭೇಟಿ ಮಾಡುತ್ತಾರೆ. ಧ್ರುವ ಅವರನ್ನು ನೋಡಲು ಬೇರೆ ಬೇರೆ ಊರುಗಳಿಂದ ಬರುವ ಅಭಿಮಾನಿಗಳು ಬಗೆಬಗೆಯ ಗಿಫ್ಟ್​ ತರುತ್ತಾರೆ. ನೆಚ್ಚಿನ ಹೀರೋ ಮುಂದೆ ಡೈಲಾಗ್​ ಹೊಡೆಯುತ್ತಾರೆ. ಹಾಗಾಗಿ ಧ್ರುವ ಅವರು ಅಭಿಮಾನಿಗಳಿಗಾಗಿ ಪ್ರತಿ ಭಾನುವಾರವನ್ನು ಮೀಸಲಿಡುತ್ತಾರೆ. ಇದಕ್ಕೆ ನಟನ ಕುಟುಂಬದವರ ಬೆಂಬಲ ಕೂಡ ಇದೆ. ಆ ಬಗ್ಗೆ ಧ್ರುವ ಸರ್ಜಾ ಮಾತನಾಡಿದ್ದಾರೆ. ‘ಇದು ಬೆಲೆ ಕಟ್ಟಲಾಗದ ಕ್ಷಣಗಳು. ಯಾರೋ ಹೆತ್ತ ಮಕ್ಕಳು ಇಲ್ಲಿ ಬಂದು ನಮಗೋಸ್ಕರ ಟೈಮ್​ ಕೊಡುತ್ತಾರೆ. ನನಗಾಗಿ ಡೈಲಾಗ್​ ಹೇಳುತ್ತಾರೆ, ಡೈಲಾಗ್​ ಬರೆಯುತ್ತಾರೆ. ಅದು ಖುಷಿ ಕೊಡುವ ವಿಚಾರ. ನಮ್ಮ ಕುಟುಂಬದವರು ಕೂಡ ಇದಕ್ಕೆ ಬೆಂಬಲವಾಗಿ ನಿಂತಿದ್ದಾರೆ. ನನ್ನ ಹೆಂಡತಿ, ಮಕ್ಕಳು, ತಂದೆ-ತಾಯಿ ಭಾನುವಾರ ಹೊರಗೆ ಹೋಗೋಣ ಅಂತ ಕೇಳಲ್ಲ. ನಾನು ಫ್ಯಾನ್ಸ್​ ಜೊತೆ ಬ್ಯುಸಿಯಾಗಿ ಇರುತ್ತೇನೆ ಎಂಬುದು ಅವರಿಗೂ ಗೊತ್ತು’ ಎಂದಿದ್ದಾರೆ ಧ್ರುವ ಸರ್ಜಾ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.