‘ಬಿಗ್ ಬಾಸ್ ಕನ್ನಡ’ (Bigg Boss Kannada) ರಿಯಾಲಿಟಿ ಶೋನ ಕಳೆದ ಸೀಸನ್ನಲ್ಲಿ ಪ್ರಶಾಂತ್ ಸಂರ್ಬಗಿ ಅವರು ಸ್ಪರ್ಧಿಸಿದ್ದರು. ಆದರೆ ಟ್ರೋಫಿ ಗೆಲ್ಲಲು ಅವರಿಗೆ ಸಾಧ್ಯವಾಗಿರಲಿಲ್ಲ. ಈಗ ಅವರು ‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಸ್ಪರ್ಧಿಗಳ ಬಗ್ಗೆ ತಮ್ಮ ಅನಿಸಿಕೆ ತಿಳಿಸಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಆಟ ಯಾವ ರೀತಿ ನಡೆಯುತ್ತದೆ ಎಂಬ ಬಗ್ಗೆ ಪ್ರಶಾಂತ್ ಸಂಬರ್ಗಿ (Prashanth Sambargi) ಅವರಿಗೆ ತಿಳಿದಿದೆ. ದೊಡ್ಮನೆ ಒಳಗಿನ ಆಟವು ಹೊರ ಜಗತ್ತಿನಲ್ಲಿ ಯಾವ ರೀತಿ ಬಿಂಬಿತವಾಗುತ್ತದೆ ಎಂಬ ಬಗ್ಗೆಯೂ ಅವರಿಗೆ ಅರಿವಿದೆ. ಈ ಸೀಸನ್ನಲ್ಲಿ ಸ್ಪರ್ಧಿಸುತ್ತಿರುವ ತುಕಾಲಿ ಸಂತೋಷ್ (Tukali Santhosh) ಅವರ ಕಾಮಿಡಿ ಸರಿಯಿಲ್ಲ ಎಂದು ಪ್ರಶಾಂತ್ ಸಂಬರ್ಗಿ ಹೇಳಿದ್ದಾರೆ. ‘ಅತಿಯಾದ ಕಾಮಿಡಿ ಕೂಡ ವಿಷ ಆಗುತ್ತದೆ. ಬ್ಯಾಲೆನ್ಸ್ ಆದಂತಹ, ಸೂಕ್ಷ್ಮವಾದಂತಹ ಕಾಮಿಡಿ ಇರಬೇಕು. ಎಲ್ಲರೂ ಒಪ್ಪುವಂತಹ ಕಾಮಿಡಿ ಬೇಕು. ಹೇಸಿಗೆ ಬರುವಂತಹ ಕಾಮಿಡಿ ಆಗಿರಬಾರದು’ ಎಂದು ಅವರು ಹೇಳಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.