ಅಂದು ಕುಮಾರಸ್ವಾಮಿ ಪ್ರಜ್ವಲ್​ದು ತಪ್ಪಿದ್ರೆ ಕ್ಷಮಿಸಿ ಅಂದಿದ್ದು ಇದೇ ತಪ್ಪಿಗಾ? ಎಟಿ ರಾಮಸ್ವಾಮಿ ಪ್ರಶ್ನೆ

ಅಂದು ಹಾಸನದಲ್ಲಿ ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ಪ್ರಜ್ವಲ್​ ನನ್ನ ಮಗ ಎಂದಿದ್ದ ಕುಮಾರಸ್ವಾಮಿ(HD Kumaraswamy) ಈಗ ಅವರದ್ದು ನಮ್ಮದು ಬೇರೆ ಬೇರೆ ಕುಟುಂಬ ಎಂದು ಹೇಳುತ್ತಿದ್ದಾರೆ ಎಂದು ಮಾಜಿ ಶಾಸಕ ಎಟಿ ರಾಮಸ್ವಾಮಿ ಹೇಳಿದ್ದಾರೆ.

ಅಂದು ಚುನಾವಣಾ ಸಮಯದಲ್ಲಿ ಜನರ ಮುಂದೆ ಬಂದು ಪ್ರಜ್ವಲ್​ನಿಂದ ತಪ್ಪಾಗಿದ್ದರೆ ಕ್ಷಮಿಸಿ ಎಂದು ಕೇಳಿದ್ದರು, ಹಾಗಿದ್ದರೆ ಅವರು ಕ್ಷಮೆ ಕೇಳಿದ್ದು ಇದೇ ತಪ್ಪಿಗಾ ಎಂದು ಪ್ರಶ್ನಿಸಿದ್ದಾರೆ.

ಮಾತುಗಳು ಗಳಿಗೆಗೆ ಸಂದರ್ಭಕ್ಕೆ ತಕ್ಕಂತೆ ಬದಲಾವಣೆಯಾಗಬಾರದು, ರಾಜಕಾರಣಿಯಾದವನು ಮಾತನಾಡಿದಂತೆ ನಡೆದುಕೊಳ್ಳಬೇಕು. ಮತ್ತೆ ಹೇಳುತ್ತೇನೆ ಈ ವಿಚಾರದಲ್ಲಿ ರಾಜಕೀಯ ಬೆರೆಸಬೇಡಿ ಎಂದರು.

ವೈಯಕ್ತಿಕ ಪ್ರತಿಷ್ಠೆಯನ್ನು ಬೆಳೆಸಿಕೊಳ್ಳಲು ಹೋಗಬೇಡಿ, ತಪ್ಪಿದ್ದರೆ ಸಮಗ್ರ ತನಿಖೆ ಮಾಡಿ ತಪ್ಪಿತಸ್ಥರ ಮೇಲೆ ಕ್ರಮ ಕೈಗೊಳ್ಳಿ, ತಪ್ಪಿಲ್ಲ ಅಂದರೆ ಯಾರು ಈ ರೀತಿ ಸುಳ್ಳು ಸುದ್ದಿಗಳನ್ನು ಹಬ್ಬಿಸುತ್ತಾರೆ ಅವರ ವಿರುದ್ಧ ಕ್ರಮ ಕೈಗೊಳ್ಳಿ ಎಂದು ಹೇಳಿದರು.

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ