ನಿಶ್ಚಿತಾರ್ಥದ ದಿನ ಉಂಗುರ ತೊಡಿಸುವಾಗ ಶುರುವಾಯ್ತು ವರನಲ್ಲಿ ನಡುಕ..! ಮುಂದೆಲ್ಲ ಹೆಂಗೆ? ಎಂಬುದು ನೆಟ್ಟಿಗರ ಪ್ರಶ್ನೆ
ಹೀಗೆ ಕೈನಡುಗಿಸಿದ ವರನನ್ನು ನೆಟ್ಟಿಗರು ಸಿಕ್ಕಾಪಟೆ ಟ್ರೋಲ್ ಮಾಡಿದ್ದಾರೆ. ಯಾಕಿಷ್ಟು ನರ್ವಸ್ ಆಗಿದ್ದು ಎಂದೂ ಕಾಲೆಳೆಯುತ್ತಿದ್ದಾರೆ. ಹಾಗೇ, ತನಗೆ ಉಂಗುರ ಹಾಕುವಾಗ ಹುಡುಗನ ಕೈ ನಡುಗಿದ್ದನ್ನು ನೋಡಿದ ಮದುಮಗಳೂ ಸಹ ನಾಚುತ್ತ, ನಕ್ಕಿದ್ದಾಳೆ.
ಪ್ರತಿಯೊಬ್ಬರ ಜೀವನದಲ್ಲೂ ನಿಶ್ಚಿತಾರ್ಥ, ಮದುವೆ ಎಂಬುದೆಲ್ಲ ತುಂಬ ವಿಶೇಷ ದಿನಗಳು. ಅಂತಹ ದಿನಗಳಲ್ಲಿ ಎಕ್ಸೈಟ್ಮೆಂಟ್, ಉತ್ಸಾಹ, ಏನೋ ಹುರುಪು ತೀರ ಸಹಜ. ನಾವು ಹೊಸ ಜೀವನಕ್ಕೆ ಕಾಲಿಡುತ್ತಿದ್ದೇವೆ ಎಂಬ ಸಂತೋಷ ಹುಡುಗ-ಹುಡುಗಿ ಇಬ್ಬರಲ್ಲೂ ಇದ್ದೇ ಇರುತ್ತದೆ. ಅಂಥ ವಿಶೇಷದಿನಗಳಲ್ಲಿ ನಡೆಯುವ ಕೆಲವು ಫನ್ನಿ ಸನ್ನಿವೇಶಗಳು..ವಿಚಿತ್ರ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುವ ಪರಿಪಾಠ ಇತ್ತೀಚೆಗೆ ಹೆಚ್ಚಾಗಿದೆ.
ಹಾಗೇ ಈಗೊಂದು ನಿಶ್ಚಿತಾರ್ಥದ ವಿಡಿಯೋ ವೈರಲ್ ಆಗಿದ್ದು, ಅದನ್ನು ನೋಡಿದ ನೆಟ್ಟಿಗರು..ಅಯ್ಯೋ..ಈಗಲೇ ಹಿಂಗೆ, ಇನ್ನೆ ಮುಂದೆಲ್ಲ ಹೇಗೋ ಎಂದು ಪ್ರಶ್ನಿಸುತ್ತಿದ್ದಾರೆ. ಅಷ್ಟಕ್ಕೂ ಆಗಿದ್ದೇನು ಎಂದರೆ, ಅಲ್ಲೊಂದು ನಿಶ್ಚಿತಾರ್ಥ ನಡೆಯುತ್ತಿದೆ. ಹುಡುಗ-ಹುಡುಗಿ ಇಬ್ಬರೂ ಭರ್ಜರಿ ರೆಡಿ ಆಗಿದ್ದಾರೆ. ಅವರ ಮನೆಯವರೂ ಅಲ್ಲಿದ್ದಾರೆ. ಇನ್ನೇನು ಉಂಗುರ ತೊಡಿಸುವ ಕಾರ್ಯಕ್ರಮ ಶುರುವಾಯಿತು. ಆದರೆ ಹುಡುಗನ ಕೈ ನಡುಗಲು ಪ್ರಾರಂಭಿಸಿದ್ದೇ ವಿಡಿಯೋ ವೈರಲ್ ಆಗಲು ಕಾರಣ. ಉಂಗುರ ತೊಡಿಸಲು ಪ್ರಯತ್ನಿಸಿದ ಮದುಮಗನ ಕೈ ಗಡಗಡನೇ ನಡುಗಿದ್ದನ್ನು ನೀವು ವಿಡಿಯೋದಲ್ಲಿ ನೋಡಬಹುದು. ಅದನ್ನು ನೋಡಿದ ನೆಟ್ಟಿಗರು, ಇಷ್ಟೊಂದು ಎಕ್ಸೈಟ್ಮೆಂಟಾ ಎಂದು ಪ್ರಶ್ನಿಸಿದ್ದಾರೆ. ಉಂಗುರು ತೊಡಿಸಲು ಅದ್ಯಾಕೆ ಅಷ್ಟು ನರ್ವಸ್ ಆಗಿದ್ದೇಕೆ ಎಂದೂ ಕಾಲೆಳೆದಿದ್ದಾರೆ. ತನಗೆ ಉಂಗುರ ಹಾಕುವಾಗ ಹುಡುಗನ ಕೈ ನಡುಗಿದ್ದನ್ನು ನೋಡಿದ ಮದುಮಗಳೂ ಸಹ ನಾಚುತ್ತ, ನಕ್ಕಿದ್ದಾಳೆ.
ಇದನ್ನೂ ಓದಿ: ಜಿಟಿ ಜಿಟಿ ಮಳೆಯಲ್ಲೂ ಎಸಿಬಿ ಅಧಿಕಾರಿಗಳ ಭರ್ಜರಿ ಬೇಟೆ, ಬೆಂಗಳೂರಿನಲ್ಲಿ ನಾಲ್ಕು ಕಡೆ ದಾಳಿ