ಹೆಚ್​​ಡಿಕೆ ಆರೋಪಕ್ಕೆ ಡಿಸಿ ತಿರುಗೇಟು! ಚಾಟ್​​ ನಿಜಾನಾ ಎಂದು ತನಿಖೆ ಮಾಡಿಸ್ತೇನೆ ಎಂದ ಅಧಿಕಾರಿ

ಹಾಸನ, ನವೆಂಬರ್​​ 08: ಹಾಸನ ಡಿಸಿ ಮತ್ತು ಉಸ್ತುವಾರಿ ಸಚಿವ ಶಿವಲಿಂಗೇಗೌಡ ವಿರುದ್ಧ ಕೇಂದ್ರ ಸಚಿವ ಹೆಚ್​ಡಿ ಕುಮಾರಸ್ವಾಮಿ ಭ್ರಷ್ಟಾಚಾರ ಆರೋಪ ಮಾಡಿದ್ದಾರೆ. ಸದ್ಯ ಇದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ಈ ಕುರಿತಾಗಿ ಜಿಲ್ಲಾಧಿಕಾರಿ ಕೆಎಸ್​ ಲತಾಕುಮಾರಿ ಪ್ರತಿಕ್ರಿಯಿಸಿದ್ದು, ‘ಹೇಳಿಕೆ, ಚಾಟ್ ನಾನು ನೋಡಿದೆ, ಅದೆಲ್ಲವೂ ಸುಳ್ಳು ಆರೋಪ. ಆ ಚಾಟ್ ನಿಜಾನಾ ಎಂದು ತಿಳಿದುಕೊಳ್ಳಲು ದೂರು ನೀಡುತ್ತೇನೆ. ಇದು ತುಂಬಾ ಬೇಜಾರು ಹಾಗೂ ನೋವು ಕೊಡುವ ವಿಚಾರ. ಅವರು ಸುದ್ದಿಗೋಷ್ಠಿ ಮಾಡುವ ಬದಲು ದೂರು ನೀಡಬೇಕಿತ್ತು. ನಾವು ಹಾಸನಾಂಬೆ ಜಾತ್ರೆಯಲ್ಲಿ ಬ್ಯುಸಿ ಇರುವಾಗ ವೈಯಕ್ತಿಕ ಆರೋಪ ಮಾಡಿದ್ದಾರೆ. ಈ ಬಗ್ಗೆ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಜೊತೆ ಮಾತಾಡ್ತೇನೆ, ಹಾಗಾಗಿ ನಾನು ಧೈರ್ಯವಾಗಿ ಮಾತನಾಡುತ್ತಿದ್ದೇನೆ’ ಎಂದರು.

ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.