Head Bush: ‘ಇನ್ಮೇಲೆ ವರ್ಷಕ್ಕೆ ಇಷ್ಟು ಚಿತ್ರ ಮಾಡಲ್ಲ’: ‘ಹೆಡ್​ ಬುಷ್​’ ಬಳಿಕ ಡಾಲಿ ಧನಂಜಯ್​ ನಿರ್ಧಾರ

ಹಲವು ಬಗೆಯ ಪಾತ್ರಗಳನ್ನು ಮಾಡಿ ನಟ ಡಾಲಿ ಧನಂಜಯ್​ (Daali Dhananjay) ಅವರು ಸೈ ಎನಿಸಿಕೊಂಡಿದ್ದಾರೆ. ಅವರು ಅಭಿನಯಿಸಿದ ‘ಹೆಡ್​ ಬುಷ್​’ (Head Bush) ಸಿನಿಮಾ ಈಗ ತೆರೆಕಂಡು ಉತ್ತಮ ಪ್ರದರ್ಶನ ಕಾಣುತ್ತಿದೆ. ಇದರ ಸುತ್ತ ಕೆಲವು ವಿವಾದಗಳು ಕೂಡ ತಲೆ ಎತ್ತಿವೆ. ಲಾಕ್​ ಡೌನ್​ ಬಳಿಕ ಧನಂಜಯ್​ ಅವರು ಬ್ಯಾಕ್​ ಟು ಬ್ಯಾಕ್​ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಿದರು. ಅದಕ್ಕೆ ಬೇರೆ ಬೇರೆ ಕಾರಣಗಳು ಇದ್ದವು. ಇನ್ಮುಂದೆ ವರ್ಷಕ್ಕೆ ಇಷ್ಟೊಂದು ಸಿನಿಮಾ ಮಾಡುವುದಿಲ್ಲ ಎಂದು ಧನಂಜಯ್​ ತಿಳಿಸಿದ್ದಾರೆ.