‘ಕಾಂತಾರ’ ಚಿತ್ರವನ್ನು ಪುನೀತ್ ರಿಜೆಕ್ಟ್ ಮಾಡಿದ್ದೇಕೆ? ಹೊರಬಿತ್ತು ಅಸಲಿ ವಿಚಾರ

‘ಕಾಂತಾರ’ ಸಿನಿಮಾ (Kantara Movie) ಸೂಪರ್ ಹಿಟ್ ಆಗಿದೆ. ಈ ಚಿತ್ರದ ಮೂಲಕ ರಿಷಬ್ ನಟನಾಗಿ, ನಿರ್ದೇಶಕನಾಗಿ ಯಶಸ್ಸು ಕಂಡಿದ್ದಾರೆ. ಈ ಚಿತ್ರದಲ್ಲಿ ಪುನೀತ್ ರಾಜ್​ಕುಮಾರ್ ಅವರು ನಟಿಸಬೇಕಿತ್ತು. ಆದರೆ, ಅದು ಸಾಧ್ಯವಾಗಿಲ್ಲ. ಈ ಬಗ್ಗೆ ರಿಷಬ್ ಮಾತನಾಡಿದ್ದಾರೆ. ‘ಒಂದು ದಿನ ಪುನೀತ್ ಅವರಿಗೆ ಕಾಂತಾರದ ಕಥೆ ಹೇಳಿದೆ. ಅವರು ಕಥೆ ಕೇಳಿ ಖುಷಿಪಟ್ಟರು. ಆದರೆ, ಡೇಟ್ಸ್​ನ ತೊಂದರೆ ಆಯ್ತು. ಪುನೀತ್ ಆಗ ದ್ವಿತ್ವ ಒಪ್ಪಿಕೊಂಡಿದ್ದರು. ಅದು ಹೊಂಬಾಳೆ ಫಿಲ್ಮ್ಸ್ (Hombale Films) ಅಡಿಯಲ್ಲೇ ಸಿದ್ಧವಾಗಬೇಕಿದ್ದ ಸಿನಿಮಾ ಆಗಿತ್ತು. ಎಲ್ಲಕ್ಕಿಂತ ಮುಖ್ಯವಾಗಿ ದೈವದ ವಿಚಾರ ಎಂದಾಗ ಅವರಿಗೆ ಕೊಂಚ ಕಾಳಜಿ ಬಂದಿರಬಹುದು. ಈ ಎಲ್ಲಾ ಕಾರಣದಿಂದ ಅವರು ಸಿನಿಮಾ ಮಾಡಿಲ್ಲ’ ಎಂದು ರಿಷಬ್ ಮಾಹಿತಿ ನೀಡಿದ್ದಾರೆ.