HP Omen Transcend 14: ಎಚ್​ಪಿ ಎಐ ಫೀಚರ್ಸ್ ನೂತನ ಲ್ಯಾಪ್​ಟಾಪ್ ಬಿಡುಗಡೆ

ದೇಶದ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆ ಹೊಂದಿರುವ ಗೇಮಿಂಗ್ ಮತ್ತು ಕಂಟೆಂಟ್ ಕ್ರಿಯೇಟರ್​ಗಳಿಗಾಗಿ ಎಚ್​ಪಿ, ನೂತನ ಲ್ಯಾಪ್​ಟಾಪ್ ಸರಣಿ ಬಿಡುಗಡೆ ಮಾಡಿದೆ. ಎಚ್​ಪಿ ಎಐ ಫೀಚರ್ಸ್ ಸಹಿತ ಒಮೆನ್ ಟ್ರಾನ್ಸೆಂಡ್ 14 ಮತ್ತು ಎಚ್ ಪಿ x360 14 ಮಾರುಕಟ್ಟೆಗೆ ಲಗ್ಗೆ ಇರಿಸಿದ್ದು, ಈ ಎರಡೂ ಲ್ಯಾಟ್​ಟಾಪ್ ಸೀರೀಸ್​ಗಳು ಇಂಟೆಲ್ ಕೋರ್ ಅಲ್ಟ್ರಾ ಪ್ರೊಸೆಸರ್ ಬೆಂಬಲ ಹೊಂದಿದೆ. ಜತೆಗೆ ಬಳಕೆದಾರರಿಗೆ ಹೈ-ಎಂಡ್ ಗೇಮಿಂಗ್ ಮತ್ತು ಕಂಟೆಂಟ್ ಕ್ರಿಯೇಶನ್ ಅನುಭವ ಒದಗಿಸಲಿದೆ. ಜತೆಗೆ ತೆಳುವಾದ ಮತ್ತು ಹಗುರ ವಿನ್ಯಾಸದಿಂದಾಗಿ ಪ್ರಯಾಣದ ಸಂದರ್ಭದಲ್ಲಿ ಒಯ್ಯಲು ಅನುಕೂಲವಾಗಲಿದೆ. ಒಮೆನ್ ಟ್ರಾನ್ಸೆಂಡ್ 14 ಬೆಲೆ ₹1,74,999 ರಿಂದ ಆರಂಭವಾದರೆ, ಎಚ್​ಪಿ ಎನ್ವಿ x360 14 ಬೆಲೆ ₹99,999 ರ ಆರಂಭಿಕ ದರ ಹೊಂದಿದೆ.