Rakshak: ‘ನಾನು ಮುಖವಾಡ ಹಾಕ್ಕೊಂಡು ಬದುಕಿಲ್ಲ, ಬದುಕೋದೂ ಇಲ್ಲ’: ರಕ್ಷಕ್ ನೇರ ಮಾತು
Updated on: Nov 06, 2023 | 6:08 PM
Bigg Boss Kannada: ಬಿಗ್ ಬಾಸ್ ಶೋನಿಂದ ರಕ್ಷಕ್ ಎಲಿಮಿನೇಟ್ ಆಗಿದ್ದಾರೆ. ‘ನಾನು ಚೆನ್ನಾಗಿ ಆಡಿದ್ದೇನೆ. ಬೇರೆಯವರ ರೀತಿ ಡ್ರಾಮಾ ಮಾಡಿಲ್ಲ. ಅಲ್ಲಿದ್ದವರ ವರ್ತನೆ ನನಗೆ ಅರ್ಥ ಆಯಿತು. ಜನರಿಗೆ ಫೇಕ್ ಯಾವುದು ಎಂಬುದು ಗೊತ್ತಾಗುತ್ತದೆ. ಇದ್ದಷ್ಟು ದಿನ ನನಗೆ ಸಿಕ್ಕ ವೇದಿಕೆಯನ್ನು ನಾನು ಚೆನ್ನಾಗಿ ಉಪಯೋಗಿಸಿಕೊಂಡಿದ್ದೇನೆ’ ಎಂದು ಅವರು ಹೇಳಿದ್ದಾರೆ.
ಖ್ಯಾತ ಹಾಸ್ಯ ನಟ ಬುಲೆಟ್ ಪ್ರಕಾಶ್ (Bullet Prakash) ಪುತ್ರ ರಕ್ಷಕ್ ಅವರಿಗೆ ‘ಬಿಗ್ ಬಾಸ್ ಕನ್ನಡ ಸೀಸನ್ 10’ (Bigg Boss Kannada) ಶೋನಲ್ಲಿ ಸ್ಪರ್ಧಿಸುವ ಅವಕಾಶ ಸಿಕ್ಕಿತ್ತು. ನಾಲ್ಕು ವಾರಗಳ ಕಾಲ ಪೈಪೋಟಿ ನೀಡಿದ ಅವರು ಈಗ ಹೊರಗೆ ಬಂದಿದ್ದಾರೆ. ಎಲಿಮಿನೇಷನ್ ಬಳಿಕ ‘ಟಿವಿ9 ಕನ್ನಡ’ ಜೊತೆ ಅವರು ಮಾತನಾಡಿದ್ದಾರೆ. ತಾವು ಬೇಗ ಎಲಿಮಿನೇಟ್ ಆಗಿದ್ದಕ್ಕೆ ಕಾರಣ ಏನಿರಬಹುದು ಎಂಬುದನ್ನು ಅವರು ಅವಲೋಕಿಸಿದ್ದಾರೆ. ‘ನಾನು ಚೆನ್ನಾಗಿ ಆಡಿದ್ದೇನೆ. ಬೇರೆಯವರ ರೀತಿ ಡ್ರಾಮಾ ಮಾಡಿಲ್ಲ. ಅವರ ವರ್ತನೆ ನನಗೆ ಅರ್ಥ ಆಯಿತು. ಇಲ್ಲಿಯವರೆಗೆ ನಾನು ಮುಖವಾಡ ಹಾಕಿಕೊಂಡು ಬದುಕಿಲ್ಲ, ಬದುಕೋದೂ ಇಲ್ಲ. ನೀನು ಟ್ರಿಗರ್ ಆಗು ಅಂತ ಕೆಲವರು ಹೇಳಿದರು. ಆ ರೀತಿ ಮಾಡಲು ನನಗೆ ಹುಚ್ಚುನಾಯಿ ಕಚ್ಚಿಲ್ಲ. ಜನರಿಗೆ ಫೇಕ್ ಯಾವುದು ಎಂಬುದು ಗೊತ್ತಾಗುತ್ತದೆ. ಇದ್ದಷ್ಟು ದಿನ ನನಗೆ ಸಿಕ್ಕ ವೇದಿಕೆಯನ್ನು ನಾನು ಚೆನ್ನಾಗಿ ಉಪಯೋಗಿಸಿಕೊಂಡಿದ್ದೇನೆ’ ಎಂದು ರಕ್ಷಕ್ (Rakshak Bullet) ಅವರು ಹೇಳಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
