‘ಅವನು ಬರುವಾಗ ರಾಜಕೀಯದಲ್ಲಿ ನಾನಿರಲ್ಲ’; ಅಭಿಷೇಕ್ ಅಂಬರೀಷ್ ಬಗ್ಗೆ ಸುಮಲತಾ ಮಾತು

ಅಂಬರೀಷ್ (Ambareesh) ಅವರು ಹೀರೋ ಆಗಿ ಮಿಂಚಿದವರು. ನಂತರ ರಾಜಕೀಯಕ್ಕೆ ಕಾಲಿಟ್ಟರು. ಅವರ ಪತ್ನಿ ಸುಮಲತಾ ಕೂಡ ಅಷ್ಟೇ, ಸಿನಿಮಾಗಳಲ್ಲಿ ನಟಿಸಿ, ನಂತರ ಮಂಡ್ಯ ಕ್ಷೇತ್ರದಿಂದ ಎಂಪಿ ಆದರು. ಅವರ ಮಗ ಅಭಿಷೇಕ್ ಕೂಡ ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಇವರು ರಾಜಕೀಯಕ್ಕೆ ಬರುತ್ತಾರೆ ಅನ್ನೋದು ಈ ಮೊದಲಿನಿಂದಲೂ ಇರುವ ಮಾತು. ಈ ಬಗ್ಗೆ ಸಂಸದೆ ಸುಮಲತಾ ಅಂಬರೀಷ್ (Sumalatha Ambareesh) ಅವರು ಮಾತನಾಡಿದ್ದಾರೆ. ಟಿವಿ9 ಕನ್ನಡಕ್ಕೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಅವರು ಈ ಬಗ್ಗೆ ಹೇಳಿದ್ದಾರೆ. ‘ಕುಟುಂಬ ರಾಜಕಾರಣ ನನಗೆ ಇಷ್ಟವಿಲ್ಲ. ನನ್ನ ಮಗ ರಾಜಕೀಯಕ್ಕೆ ಬರ್ತಾನೆ ಎಂದಾದಾಗ ನಾನು ನಿವೃತ್ತಿ ಪಡೆಯುತ್ತೇನೆ. ಅವನು ಬಂದಾಗ ನಾನು ರಾಜಕೀಯದಲ್ಲಿ ಇರಲ್ಲ’ ಎಂದಿದ್ದಾರೆ ಅವರು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ