‘ವಿಷ್ಣುವರ್ಧನ್ ರಾತ್ರೋರಾತ್ರಿ ಸಾಹಸ ಸಿಂಹ ಆಗಲಿಲ್ಲ; ಅವರ ಬಗ್ಗೆ ಪುಸ್ತಕ ಬರಲಿದೆ’: ನಟ ಅನಿರುದ್ಧ
Updated on: Aug 26, 2021 | 9:58 AM
‘ಸಾಹಸ ಸಿಂಹ’ ವಿಷ್ಣುವರ್ಧನ್ ಅವರ ಜೀವನದ ಸಾಧನೆಗಳ ಬಗ್ಗೆ ಪುಸ್ತಕ ಸಿದ್ಧವಾಗುತ್ತಿದೆ. ಅದರಲ್ಲಿ ಸ್ವತಃ ವಿಷ್ಣುವರ್ಧನ್ ಅವರ ಅನೇಕ ಸಂದರ್ಶನಗಳಿವೆ.
ನಟ ಅನಿರುದ್ಧ ಅವರು ಭಾರತಿ ವಿಷ್ಣುವರ್ಧನ್ ಕುರಿತು ‘ಬಾಳೇ ಬಂಗಾರ’ ಶೀರ್ಷಿಕೆಯಲ್ಲಿ ಸಾಕ್ಷ್ಯಚಿತ್ರ ತಯಾರಿಸಿದ್ದಾರೆ. ಇದರ ಕುರಿತಾದ ಸುದ್ದಿಗೋಷ್ಠಿಯಲ್ಲಿ ಅವರು ವಿಷ್ಣುವರ್ಧನ್ ಬಗ್ಗೆ ಕೆಲವು ಮಾತುಗಳನ್ನು ಹಂಚಿಕೊಂಡರು. ವಿಷ್ಣುವರ್ಧನ್ ಜೀವನದ ಸಾಧನೆಗಳ ಕುರಿತು ಅನಿರುದ್ಧ ಒಂದು ಪುಸ್ತಕ ರಚಿಸುತ್ತಿದ್ದಾರೆ. ಅದು ಶೀಘ್ರದಲ್ಲೇ ಹೊರಬರಲಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ. ‘ವಿಷ್ಣುವರ್ಧನ್ ಅವರು ರಾತ್ರೋರಾತ್ರಿ ಸಾಹಸ ಸಿಂಹ ಆಗಲಿಲ್ಲ. ಎಲ್ಲರಿಗೂ ಅದು ಗೊತ್ತು. ತುಂಬ ಕಷ್ಟ ಅನುಭವಿಸಿದ್ದಾರೆ. ಆ ಸಾಹಸಗಳಿಂದಾಗಿ ಅವರು ಸಾಹಸ ಸಿಂಹ ಎನಿಸಿಕೊಂಡರು’ ಎಂದಿದ್ದಾರೆ ಅನಿರುದ್ಧ.
‘ವಿಷ್ಣುವರ್ಧನ್ ಕುರಿತಾಗಿ ಹೇಳುವುದು ಸಾಕಷ್ಟು ಇದೆ. ಅದೆಲ್ಲವೂ ದಾಖಲೆ ಆಗಬೇಕು. ಹಾಗಾಗಿ ಅವರ ಬಗ್ಗೆ ಪುಸ್ತಕ ರಚಿಸುತ್ತಿದ್ದೇವೆ. ಕೆಲವೇ ದಿನಗಳಲ್ಲಿ ಅದು ಬಿಡುಗಡೆ ಆಗಲಿದೆ. ಅದರಲ್ಲಿ ಅವರ ಸಾಕಷ್ಟು ಸಂದರ್ಶನಗಳಿವೆ’ ಎಂದು ಅನಿರುದ್ಧ ಹೇಳಿದ್ದಾರೆ. ಆ ಮೂಲಕ ವಿಷ್ಣು ಅಭಿಮಾನಿಗಳ ಮನದಲ್ಲಿ ಕಾತರ ಹೆಚ್ಚುವಂತೆ ಅವರು ಮಾಡಿದ್ದಾರೆ.
